Diary Ng Beki

Maikling Panimula!

Dear Diary,

Ngayon ay grade six na ako,sa simula ng klase ay nalaman ko sa classmate kong si Berry na may diary sya,kaya ito gumawa din ako. Dito ko isusulat lahat ng gusto ko.

================ **

"Czech! Dalhan mo nga ng pagkain sa ilog sina Tatay mo at Ninong Carlo mo!" sigaw ni Nanay sa may kusina ng kubo namin. Nandito ako sa kwarto at gumagawa ng mga assignments namin. Grabe lang talaga,ganado akong magsulat ng magsulat.

"Opo Nay! Ligpitin ko lang ang mga gamit ko." sagot ko din at niligpit na ang mga quaderno at ballpen. Maingat ko itong inilagay sa bag ko na anim na taon ko ng gamit. Ang tibay nga eh.

Lumabas na ako at pumunta sa kusina. Pawis na pawis na si Nanay sa pagluluto kaya iniabot ko sa kanya ang labakara ko.

"Salamat anak! Hay naku! Mabuti na lang at lumaki kang mabait at maganda." ani Nanay at tumawa habang nagpupunas ng pawis. Agad akong namula dahil sa sinabi nya,hindi talaga ako sanay sa mga papuri. "Gusto ko talaga babaeng anak,lagi kong tinitingnan ang picture ni Donita Rose noon ang ganda kasi nya. Kaso lalaki ang lumabas,ayos lang mukha at pusong babae ka naman."

"Nay naman eh!" ang nahihiya kong sabi. Bata pa lang ako ay alam ko na sa sarili kong hindi ako normal na lalaki. Manika kasi ang gusto ko. Pero kahit ganito ako ay buong puso naman nila akong tinanggap.

"Sus! Totoo naman. Naku anak huwag kang gagaya sa mga ibang bading ha? Pag aaral muna ang unahin." nakangising sabi ni Nanay habang hinahanda ang pagkaing dadalhin ko sa ilog.

"Nay! Hindi ko pa naiisip yan!" sabi ko at tumawa lang si Nanay.

Matapos nun ay lumabas na ako,maliit na baryo lamang ang lugar namin at iilan lang ang pamilya at mga bahay,kaya lahat ay magkakakilala.

Isang metro pa ang lalakarin ko para makarating lamang sa ilog,kaya lahat ng bahay ay madadaanan ko.

"Magandang tanghali!" ang masaya kong bati sa lahat ng makakasalubong at madadaanan ko. Natutuwa daw sila sa akin dahil mabait at bibo daw ako,at ako lang daw ang nag iisang bading sa lugar namin.

"Czech! Dampa tayo!"

"Czech! Madami ng bunga yung alatiris sa burol! Sama ka? Mangunguha kami!"

"Czech san ka pupunta?"

Yan ang mga sinasabi at tanong ng mga kalaro ko. Na sinasagot ko naman ng:

"Pupunta pa ako kay Tatay at Ninong!"

"Ang bait mo talagang bata!" sabi ni Nanay Caring ng makasalubong ko sa labas ng baryo,galing ata sya sa bayan.

"Sakto lang po! Tulungan ko na po kayo!"

"Naku huwag na. Eto ang payong,magpayong ka! Masyadong mainit." at iniabot nito ang payong sa akin. Agad akong namangha sa payong dahil sa kulay pink ito.

"Sigurado po kayo? Salamat po! Isauli ko na lang mamaya pag uwi." ang masaya kong sabi.

"Sige na,baka tirik na mata ng Tatay at Ninong mo sa sobrang gutom."

Kaya ayon,masaya akong nagpatuloy sa paglalakad. Hindi na nga ako naiinitan pero naiinitan naman ang mga paa ko dahil sa sobrang nipis na ng aking tsinelas.

Pero syempre hindi ko na ito binigyang pansin. Mas importante pa din sa akin na madalhan ng pagkain sina Tatay at Ninong na nasa ilog. Siguro ang dami na nilang nakuhang hipon at alamang. May pang ulam na kami mamayang hapunan.

Nang makarating ako sa ilog ay nakaupo na sa malalaking bato sina Ninong at Tatay.

"Anak! Buti at dumating ka na! Pinaplano na namin ni Ninong mo na umuwi na lang." masayang sabi ni Tatay ng makita ako. Agad akong lumapit at nagmano sa kanilang dalawa.

"Pwede po ba yon? Alam nyo namang hindi papayag si Nanay at si Ninang na hindi makakain ang isa sa atin." ang sagot ko at inihanda na ang pagkain.

"Maganda na matalino pa!" ani Ninong at ginulo ang buhok ko. "Oh? Pudpod na ang tsinelas mo! Sakto bumili si Ninang mo kanina sa bayan,para sayo daw talaga yon."

"Talaga po?! Pwede ko bang makita?" ang hindi makapaniwala kong sabi. Sa wakas,magkakaroon na din ako ng bagong tsinelas.

"Edi uuwi ka ulit anak?" ani Tatay.

"Ayos lang po sa akin yon!" masaya kong sabi. Sa tulad kong excited ay wala ng makakapigil pa sa akin.

"Oh edi puntahan mo sa bahay,pag wala ang Ninang mo,kunin mo lang sa aparador." sabi ni Ninong. Kaya ayun,agad na akong kumaripas ng takbo.

Hindi ko na ininda ang alikabok at init ng lupa,may payong naman ako eh.

Hingal na hingal ako ng makabalik sa baryo namin. Una kong pinuntahan ang bahay ni Nanay Caring,isinauli ko ang payong at nagpasalamat.

Sunod ay tinungo ko ang bahay nina Ninong at Ninang. Tahimik,mukhang wala ngang tao. Ang bahay nila ay tulad lang din sa amin,kahoy.

Pagpasok ko sa loob ay napansin ko agad yung sapatos sa tapat ng pintuan ng kwarto nila. Agad akong napangiti at muling na excite.

Agad ko itong binuksan para magulat lamang sa maaabutan.

"Shit!!" nahuli ko sya na naka upo sa papag habang hawak ang ari nya.

"Kuya Breizel anong ginagawa mo?"

Sya si kuya Breizel,ang kinakapatid ko.

==

Dear Diary,

Hindi ko alam kung anong ginagawa ni kuya Breizel pero parang gulat na gulat sya.

PS: Ganon pala itsura nun.

~

AN / What can you say? Maganda ba? Panget ba? Its your choice haha! Vote and comment na lang po kung nagustuhan :)