خرجت من المكتب وجلست علي المقعد الذي يوجد بجانب الباب ، وهي مغمضه العينين تدعو في نفسها لربها :
- يا ربي ....ارجوك يا ربي يقبلوني ده حلمي ... نفسي افوز بالمسابقه يارب وأشوف مالك عبدالله..متخيبش ظني وأملي فيك يا ربي .
فتحت عينيها ورأت احمد امامها لتنفزع ، صرخت به بقوه قائلة :
- يا غبي ..خضتني .
احمد :
- عملتي ايه جوه ؟ العجوز ده وافق ؟.
لتقول وهي تنظر لباب مكتب المدير وهي تلعب باصابع يدها بتوتر :
- العجوز ده قالي اني استني برا ومش عارفه هو بيعمل ايه كل ده .
لتأتي فتاه تحمل من الملامح الجميله كثير لتراها سما و تبتسم قائلة لها :
- اهلا يا فيري .....ايه اخبارك .
نظرت لها فريال نظرات برود و لا ترد عليها لتوجه الكلام لاحمد :
- احمد انت بتعمل ايه هنا مع البنت دي .
حزنت سما منها و واعطتهم ظهرها ليغضب احمد ويمسك يد اخته ويمشي بعيداً ويقول بغضب :
- ايه اللي انتٍ بتقوليه ده ...بطلي الكلام الزباله ده .
لتسحب يدها منه و تقول بغضب :
- انت زعلان عليها وهي اصلا مش معبراك ..وبعدين دي واحده تـــ ..... .
ليوقفها احمد بصوته الغاضب :
- فرياال امشي دلوقتي والا مش هيحصلك كويس..... اتفضلي امشي .
نظرت فريال لسما بحقد وغل فهى تكرهها بسبب جهلها لمشاعر قيقها لها ، ومن ثم نظرت لأحمد وذهبت بعدها ، ليفتح الباب ويخرج منه المدير وعلي وجهه علامات الحزم ليقول :
- خدي لوحك وحطيها في المكان اللي هيدللك عليه استاذ فتحي .. يلا .
استغربت سما وقالت :
- ايه !! انت وافقت عليا !! صح!!.
- وانا ههزر معاكي يعني !.
ليأتي استاذ فتحي ويقول :
يلا يا سما .
أخذت سما اللوحات وذهبت وراء فتحي .....ليدخلا قاعه ليست بصغيره انما كبيره وعلي جميع الجوانب يوجد طاولات وعلي الطاولات يعرض عليها لوحات رسم جميله وكانت هناك طاوله في منتصف الجانب الايسر فيتجها الاثنان لها ويقول فتحي :
- حطي لوحك هنا يلا .
فتقول هي باستغراب تام :
- بس ليه انا هعرض اللوحات ؟؟ دي مسابقه مش معرض لوح صح !؟.
- لا ...ده معرض لوح انتِ ملكيش مكان في المسابقه علشان كده احنا هنعرض لوحاتك هنا .
- بس..... .
أنت تقرأ
حلمى وحبك
Romanceالمقدمة "عاشقة مالك " هذا لقبها فهم يدعونها بهذا اللقب والجميع يعرف ويدعونها به ايضا فتاة حالمه لها حلمها الخاص و لها حبها ايضا الخاص فهي تحبه بل تعشقه و مجنونه به ، هي تحلم مقابلته ورؤيته و مسك يديه ، فهو مثلها الأعلي انه عشقها وشغفها وطموحها وكل...
