حلمى وحبك

البارت السادس

انصعقت سما من والدتها وقالت :

- ايييه..... جواز ! .

نظرت سما للاسفل وهي منصعقه بشده ولا تعرف ماذا تفعل وبماذا ترد فهي لا تريد الزواج لتنظر فاطمة لها قائلة بحدة :

- سما بُصيلي وقوليلي رأيك دلوقتي ...يلااا .

رفعت سما رأسها والاندهاش يظهر علي وجهها قائلة بحزن : 

- ماما انا مش عايزه اتجوز .

نظرت لها فاطمة بغضب و قالت بأنفعال :

- وليه بقي مش عايزه تتجوزي ؟ اديني سبب مقنع يخليكي ترفضي جاوبيني ؟ .

صمتت سما وهي لا تعلم ماذا ترد علي والدتها فهي رافضة لفكرة الزواج هذه ألا معه ، جذبتها  فاطمة من ذراعيها قائلة بغضب :

- بسبب الزفت الرسام يا سما ؟ .

تفاجأت سما من والدتها وهتفت بغضب :

- مامااا .

دفعدتها والدتها بغضب وهي تحذرها قائلة :

- لعلمك يا سما انا لو عرفت ان الرسام ده لسه شاغل تفكيرك ومسيطر علي عقلك فخليكي حاطه في دماغك اني هجوزك غصباً عنك فاهمة ، دا فنان عارفة يعنى ايه فنان ، يعنى تفكيرك كله هبل فى هبل ، يا ريت اسيبك من جو الروايات والمسلسلات الهندى دى وتخليكى واقعية  ..... ودلوقتي انا هرد عليهم واقولهم اننا هنأجل الموضوع بسبب دراستك وللمرة التانيه بقلك لو طلع اللي بفكر فيه صح هجوزززك منه فاهمة .

بعد ان بطرت كلمتها الأخيرة  انصرفت من غرفة سما ، ارتمت سما علي فراشها تبكي من والدتها.. .

دخلت عليها وعد بعد أن سمعت شجارها هي و والدتها لتجلس بجانب اختها تعانقها وتواسيها  فتقول وهي تربت علي ظهرها :

- خلاص يا سما ...متزعليش منها يا حببتي انتِ عارفه ماما بتحبك وعايزة مصلحتك .

قالت سما من بين بكائها :

- مصلحتي!.... لو هي عايزة مصلحتي كانت وافقت علي اي حاجه انا كنت عيزاها وبتمناها ...لكن هي دايماً بتعترض علي اي حاجه عيزاها والحاجه دي اصلاً هتكون سبب فرحتي وأولهم اني اشترك في المسابقة هي موفقتش وانا اللي كنت هخبي عليها بس العميد رفض وكمان هي رفضت اني اشترك في المعرض لولا أن احمد ومروان هما اللي اقنعوها لكن هي بتعترض علي كل حاجه كل حاجه تسعدني وليها علاقه بمستقبلي حتي الجواز عايزاني اتجوز واحد معرفوش لمجرد انه طلب ايدي ..هي ليه بتعمل كدا يا وعد وليه معترضه علي حبي لـمالك انا عايزه افهم ؟ .

مسحت وعد علي شعرها قائلة :

- لا يا حببتي ماما بتحبك صدقيني هي بس خايفة عليكي ... وبعدين يا حبي هي مش هتجوزك غصباً عنك هي بتضغط عليكي علشان تنسي مالك مش اكتر .