وبعد نص ساعه ندك الباب وراح حمودي فتح الباب ورجع يركض وگال
اجت امي .....
""""""""""""""""""""""""""""
دخلت امي للبيت ومبين من وجها مفرحانه
وبعد مكعدت وشربت مي گالت
مرت ابوها تكول اني ما اكدر هسه انطيها لان هيه تساعدني
بالبيت ، خواتها بعدهن صغار واني مابيه على شغل البيت وحدي
، فا اني گلتلها ، لعد ننتظرها شكد وتنطوها ،، گالتلي ،،
لا لتنتظرون لان اني حتى من اريد انطيها حنطيها الواحد غني
تاجر وصاحب شركات حتى هيه تعيش مرتاحه وتفيد خواتها
ملاحظه ،، للتوضيح البنيه ملاك عدها بس خوات من زوجت ابوها
ما عدها خوان
اني هنا حسيت نفسي ختنكت
وسويت نفسي ممهتم وگلت
عادي هسه هيه منو بنتهم زليخه قابل ،،متهمني
وطلعت من البيت ضايج
ومردت اروح يم اصدقائي بقيت افتر وما اعرف وين اروح
عطشت ودخلت محل حتى اشتريلي بطل مي
وشفت الجكاير وشتريت
مع ان اني صار سنين عايفه للتدخين بس من كد محترك گلبي
شتريت وكعدت ادخن ومهموم حسيت الدنيا ظلمت بعيني
وبقيت افتر من مكان المكان الحد مصار الليل
ومكنت اعرف حتى الساعه كم بهذاك الوقت
ورجعت للبيت لگيت ابويه وصديقي عمار كاعدين اباب بيتنه
فا من وصلت يمهم گلت
ها شكو شبيكم
گال ابويه
احنه تسالنه شبيكم لو انت ،، بالله وين كنت الهيج وقت مظل مكان مدورناك بي
گلت
ليش شنو اني قابل طفل ظايع
أنت تقرأ
اٌحِْـٌـبـّبـتِ جَّــِْثٓـَـهْ
General Fictionشاب اعزب يسافر ويا اصدقائه سفره مراح ينساها طول عمره بسبب الاحداث الصارت ويا بهاي السفره يصير ويا شي غريب ويا بنيه ميته وتظل اطارده الاحلام والكوابيس الحد ميحل لغز موتها والغريب ان يعيش قصة حب وياها شلون وليش كل هذا تعرفو من اتابعون القصه اتمنا ل...
