وكعت من النوم وصرخت صوت كعدت حتى امي
كان جسمي عركان وحتى ملابسي وفراشي ناكع
واجتي امي تركض
وگالت
بسم الله الرحمن الرحيم ، يمه شبيك
واني كنت اتنفس سريع عبالك كنت اركض
وحتى مجاوبت امي
بقيت صافن
اني شنو دا يصير ويايه
ليش هيج ليش
—————————————————————-
وحتى بعد مكدرت ارجع انام بقيت كاعد
وحتى امي خطيه من شافتني بهيج حاله منامت هيه هم
بقت كاعده يمي
وكانت تلح عليه تكولي
كول شكو شبيك شنو حلمت
بس اني بقيت ساكت وصافن ومحتار
وحتى لو ردت احجي من وين ابدي
وهيه امي بقت صافنه عليه
فا گلتلها
يمه انتو دا تشوفون ملاك ، وبنفس المواصفات الي گلتي بيها هذاك اليوم ، يعني متأكدين انو دا تشوفون ملاك ويايه
صفنت بوجهي وگالت
يمه شبيك ، بيك شي شنو تشوفوها ويايه ، وهذاك اليوم تسال شلون نشوفها
فا گلتلها
لا هيج ولا شي
حسيتها حتارت وگالت
يمه وليد اخاف مسويلك سحر خاف اسم الله ساحك مكان مو زين
خلي نروح الشيخ يقرا عليك
گلتلها
لا يمه مبيه شي مجرد كابوس وخلص راح
گالت امي
اي بس هايه مو اول مره ، هذاك اليوم هم طفرت گلبي وياك
گلتلها
لا لا عادي عادي
وكمت غسلت وجهي
أنت تقرأ
اٌحِْـٌـبـّبـتِ جَّــِْثٓـَـهْ
General Fictionشاب اعزب يسافر ويا اصدقائه سفره مراح ينساها طول عمره بسبب الاحداث الصارت ويا بهاي السفره يصير ويا شي غريب ويا بنيه ميته وتظل اطارده الاحلام والكوابيس الحد ميحل لغز موتها والغريب ان يعيش قصة حب وياها شلون وليش كل هذا تعرفو من اتابعون القصه اتمنا ل...
