ختيت يدي علي الجرس،
قبل يرن لقيت الباب التاني فتح ،، لمن قمت ناطه ، و الاسمو محمد دا زاتو ..
عرفت في اكشن حيحصل من الله شاماهو ، مشيت كدا باتجاه الباب الفتحو ، بس قبل اصل ، قلت ليهو :صباح الخير
قالي : من وين يجي الصباح بي وشك داا
بلعتها .. بس غلبني اسكت ، قلت ليهوو
وشي دا خلقة رب العالمين ، كان م عاجبك في كم حيطه جمبك ؟؟
طير عيونو فيني ، قالي من متين الخدم ( الخدامة) بتلائمو مع اسيادهم !
قلت ليهوو ، خدم !!! و اسيادهم !!
شكلك صحيت من النوم و م غسلت وشك صراحه ظاهر في عيونك ، و انا م جايه هنا عشان نقل في احترام بعض ،،
انا بسأل عن خالتو نهله موجودة ولالا ، لان عندي معاها مواعيد ....
اتخيلو انتو عمل شنو ؟؟؟
حدر لي و حمر لي و طراااااااخ💥 ، قفل في وشي الباب ، بالجد انسان قليل ذوق بطريقه م عاديه ، مشيت علي الباب التاني ، وزنيت الجرس ، فتحت لي خدامتهم اظن ،
صبحت عليها و قلت ليها قولي لخاله نهله مدا براا ، مشت نادتا و صادف هي زاتا طالعه صبحت علي و سالتني عن الفطور وعن خالي ، بالجد انسانه محترمة شديد ، و ع حسب اعتقادي محمد دا ولدداا بس كافي البلا والله ولا بيشبهاا ..
ركبنا سيارتا ، طبعا اختكم في الله اول مرة في حياتي اركب عربيه زي دي ، اول و اخر شي ركبتو كان ركشه..
المهم ، بقت تتونس معاي ، طول الطريق
لمن وصلنا ،، المحل هو بالجد راقي و فخم و علي مستوي فعلاا ،،
لقينا في بتين موجودات ، و انا ورتني مكاني وين .. اهاا قعدت معاي و توريني و تشرح لي ، لمن جا محمد ولدا داخل ، قال لامي دي بتعمل في شنو هنا ؟
قالت ليهو كلمت الراجل ؟ ،، قاليها لا
قالت ليهو عمرك م حتكون مسؤل ، طلعت لي رقم قالت لي اتصلي و وريهوو الميزانيه الفي الورقه دي ،، قلت ليها تمام
طبعا محمد خت يدو في خشمو و نظام كاتم الضحكة وبعاين لي ، و بأشر لاموو
وترني انا قلت دا مجنون ولا شنوو ، وانا سامعه الجرس منتظرة يرفعوو ،، بس منو ورد كداا خاله نهله مسكت مني السماعه ، قالت لي اسفه نسيت والله انك م قريتي دا اااااا ..... قاطعتها بكلامي في التلفون ، قلت ليهو : Hello,M.esmail , my name is nada, l brought you from the Sudanese fashion group Hawa , regarding your request ....
من الخلعه كل واحد بلع لسانوو ، علي اساس اني م دخلت مدارس اذن م عندي لغه و يادوب لاحقه علي القراية والكتابه ، قالت لي ندااااا 😧،، اشرت ليها بيدي = اخلص مكالمة ونتكلم ... محمد دا وشو جاب الوان ..
بعد انتهيت ، قالت لي ماشاءالله انتي عندك لغه ؟؟ قات ليها بالحيل ، ممن وانا اصغر من كداا كانت هوايتي ، قالت لي براكي ؟
قلت ليها يعني ما براي شديد لكن في يد كانت داعماني يعني ..
قالت لي انا كدا حرفع ليكي الراتب لانو البنلت العندي مشكلتي معاهم اللغه بترددو يتكلمو بيتعاملو مع الناس كتابياً DHL,
قلت ليها م مشكله بناسلي انا وهما و بنفيد بعض باذن الله ...
يلااا ي خاله نهله انا شربت الشغل واسي انتي معطلاني يلاااا ، قعدت تضحك قالت لي والله انتي مشككله ،، قلت ليها دا مدح ولا زم ؟
قالت لي دا حب ليكي ، قلت ليها وانا كمان حبيتك والله ،، يلا يلا يلا م تقيفو لي كداا
، محمد قاليها لحظة بطلع اسي و عمل فيها بفتش في حاجات ، بس كان منتظر امه تمرق ، بعاين في الكمبيوتر بي استغرب م حصل اتعاملت معاه قبل كدااا ، قريت عنه بس م حصل ، المهم بعاين ليهوو بي تعجب ان دا اكيد ليهو علاقه بالشغل ،
بس ما اتعودت علي اني ما بعرف الحاجه دي ، كل حاجه اتعلمتها بنفسسي ،، محمد قالي عامله فيها صاحبه مكان والله ماشاءالله م عارف خالتي نهلة دي هوايتا شنوو في انها تشيل الزباله تنضفا و ترجعا في حته ما تستاهلاا ،، طبعا دي اهانه واضحه و حرقتني شدي بس عشان احافظ علي مكلن شغل زي داا ما احلم بيهوو،، عملت فيهاا منتبهه مع الاوراق ،، و رديت بعد مسافه قلت ليهو ،، ممم معليش ي محمد م كنته مركزة معاك حسيتك زي الكنت بتتكلم و ما انتبهتا ليك ، قلت حاجه ؟ .... طبعا الخركة دي قهرتو قهرة ، قالي قلت ليكي ما تفرح شديد كلها يومين و انا حعرف اطفشك من المكان دا كيييف ..
العبرة خنقتني هو الزول دا مالو معاي ، من اول وهله و هو مقابلني بي وشو الواحد دا ..
اهاا محمد دا فات كدااا ... جاني واحد داخل
!!!
يتبع.....
أنت تقرأ
جبنه في المصيدة
Ficción General📝 بقلم: سحر سمير وجعتي كانت غير ، بداية حياتي اللي هي اصلا ما يتقال عليها حياة كانت غير ، 9 سنوات كانت بمثابة 90 سنة من الوجع و المعناة ، و اكيد كلنا مرينا بلحظات عرفنا فيها قدر شنو ربنا دا كان رحيم ، كنته متيقنة من التاسعه ان في نور حينور عتمتي ،...
