قصه حقيقيه لملاك صغير ولد في ظروف صعبه هل سيتحدى هذه الحياة ويعيش بسلام ام الحياة ستتحداه ..
ملاحظه/ كل الوسائط هيه صور الطفله فاطمه الحقيقيه
اسمح ڵـڱ بالنشر مع ذكر حقوقي..
الكاتبه:#زينب_الموسوي
خلال هاي الفتره قبل لا يجي موعد عملية فطومه كانت بحاله زينه وعملية ضهرها بدت تطيب ومثل كل طفل تضحك وتلعب والكل فرحان بيهه وابوها عبدالله كان يجي بين يوم ويوم حتى يشوف بنته..
اما عملية فطومه الثانيه كانت زرع صمام في الرأس ويوصلونه للمعده من خلال انبوب تصريف..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهاي فطومه بعد ما طلعت من العمليه بقت ليله كامله ورجعو يوم ثاني..
ام سيف: الحمدالله على سلامت بنتج يمه
ساره: الله يسلمج عمه رحم الله والديج
ام ساره: عذرينه بعد لان جنتج بقت يمنه هاي الفتره (الجنه يعني زوجت الابن)
ام سيف: لا يمه سعاد بنتكم والبنيه اذا متساعد اهلهه تساعد منو بعد
سعاد: حبيبي كميل كوم سلم على بيبي
ام سيف: هله بحفيدي الشاطر تعال حبيبي
رن ررن 📱
ساره: الوو هله عبود شلونك
عبدالله: هله حبي شلونج فطومه شلونهه
ساره: الحمدالله زينه انت ليش رجعت للبيت
عبدالله: اممم ساره امي راح تجي وياي
ساره: ......
عبدالله: خبري اهلج اوك حبي
ساره: اوك
ام ساره: شبيج سارونه
ساره(بأرتباك): ماما عمتي راح تجي ويه عبدالله
ام ساره: شنو شعجب ذاكرتنه اليوم
ساره: تريد تشوف فطومه
ام سيف : يمكن يردون يعتذرون عن الي صار
ام ساره: شيعتذرون هاي صار سنه كامله وبنتي يمي حتى ماسألو عنهه
سعاد: وحتى من سمعو بيهه حامل ماخابرو وكالو علخير حسبي الله عليهم
ام سيف: لا يمه سعاد ان شاءالله جيتهم خير وتتصلح الامور
شريط الماضي ...
عمة ساره(اخت ابوها): اكلج خاف حامل انتي ليش ما تحللين
