قصه حقيقيه لملاك صغير ولد في ظروف صعبه هل سيتحدى هذه الحياة ويعيش بسلام ام الحياة ستتحداه ..
ملاحظه/ كل الوسائط هيه صور الطفله فاطمه الحقيقيه
اسمح ڵـڱ بالنشر مع ذكر حقوقي..
الكاتبه:#زينب_الموسوي
فطومه صار عمرها شهرين وشويه 😄 ومثل ميكولون البنوته تعزز نفسهه باهلهه صار الكل يحبهه ومدلله ميخلوها تبجي وخاصه من طابن عملياتهه شويه صارت من ايد لايد وخوالهه تعلقو بيهه هوايه
وساره تحب زوجهه هواي وخاصه بعد وكفته وياها ضد اهله الي خلوها تعيش بعيد عن زوجهه صح ماكان مقصر وياها ويجي يبات يمهه بين يوم ويوم بس راح تبقى تحس نقص بحياتهه
عبدالله كان يشتغل شرطي حراسات بغير محافضه وجان يداوم سبوعين وينزل سبوع واحد ومثل متعرفون علاقة اهله بزوجته ساره مو زينه وكل يوم مشكله ويوم من الايام عبدالله بالدوام ورادو يطردوها من البيت بالليل وبيت اهلهه بعيد عنهم لكن حماها سلام اخو عبدالله كان يحترمها وكف وياها ضد اهله ومن رجع عبدالله حجاله السالفه
عبدالله قرر يترك شغله ويشتغل بمحل اكسسوارات يم اهله حتى يبقى يم زوجته لان جان يحبهه وميقبل احد يأذيهه وبوكته من دخل داعش للعراق اخذهه حجه وشرد من الدوام
اشتغل ويه ابن عمه بالمحل وكان مصرف قليل ومن طردوهم اهله اجر بيت صغير يم اهل ساره لكن المحل الي يشتغل بيه بعيد عن بيت اهل زوجته فيوم يجي يمهه ويوم مايجي وقرر ابو ساره يسكنهم وياهم على ما يلم عبدالله الفلوس ويشترون قطعة ارض
ومن صارت فطومه صرف فلوسه كلهه عليهه وتعرفون الدكاتره الي بلعراق تجاره ميشبعون فلوس
المهم بعد يومين من الي صار اجه عبدالله لبيت عمه
عبدالله: عمي حجيت ويه اهلي علطابق الفوك
ابو ساره: وشنو صار ان شاءالله خير
عبدالله: مرت اخوي ماقبلت تعرف همه صعدو بيه قبل فتره وتكول بعد احنه ستقرينه لوحدنه
ابو ساره: ولحل شنو
عبدالله: نرجع اني وساره بغرفتنه وبس امي ويانه وابوي تعرف حالته مريض وميطلع من الغرفه
ابو ساره: وخواتك لو اجن راح يرجع نفس الوضع ماسوينه شي
عبدالله: عمي والله لو عندي طلعنه بيت لوحدنه وبعدين اني داجمع يم امي وخلي نرجع هسه واوعدك بلمستقبل نستقر لوحدنه
ابو ساره: عبدالله بنتي تعذبت وهسه عدهه بنت مريضه ماريد احد يحجي وياها ويجرحها مثل الاول محد اله علاقه بيهه
وبعد ما صار عمر فطومه 3 اشهر قررت ساره ترجع ويه زوجهه لكن كانت خايفه ومتردده ترجع وياهم بس كلام زوجهه اقنعها بأن اهله تغيرو مو مثل الاول وبأن همه صارو يلحون عليه يرجعها وياهم
بيت ابو ساره صار مضلم بدون الملاك فطومه لان تعودو على وجودها وياهم وتعودو يبوسوها كل يوم الصبح
وساره شافت الكل رحب بيهه وطمنت شويه وكان عبدالله يروح للمحل الصبح ويرجع يتغده يمهم يعني ماعافهم لوحدهم
وفطومه خلت الكل يتعلق بيهه ويحبهه وتضحك وتلعب لكن بالليل ماتنام وضعفت كلش وعمليت بطنهه ورمت لكن الدكتور طمنهم عليهه وكاللهم
يراجعون بيهه بين مده ومده وكل اربع او 3سنوات لازم يسوولهه عمليه حتى يغيرون الصمام..
«««««««»»»»»»»»
»وهاي القصه راح انهيهه هنا لكن اذا صار اي حدث جديد بحياة فطومه راح اكمل القصه بجزء جديد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كتبت محاوره مثل الشعر بين فطومه وامها
اذا حابين تقروه موجود بصفحتي في كتاب (اشعار بقلمي) ...zainabia00
