ضحية القدر (الملاك الصغير)

العملية الثالثه (البارت الخامس)

ومثل كل مره اخذو الطفله ام ساره وعبدالله لدكتور ثاني حتى يعرفون سبب السهر وليش متشرب حليب وكانت الصدمه..

الدكتور(وعلامة الغضب ع وجهه): هاي شنوو شوكت سويتولهه العمليه ومنو الدكتور الي سوالهه

ام ساره: قبل 4 ايام (ماتذكر المده بالضبط لكن بين 3 او 4 او 5 ايام تقريبآ)

عبدالله: ليش دكتور فطومه شبيهه

الدكتور:  العمليه ماشافهه بعد ما سواها نطوني رقم الدكتور ضروري

عبدالله انطاه الرقم وبقه يحجي وياه بالانكلش ربع ساعه تقريبآ وهوى معصب عبدالله والام خافو هواي على فطومه لان حالتهه كلش تعبانه وبعد ما خلص المكالمه الدكتور دخلو فطومه للعمليه

الدكتور: لو متأخرين بعد يوم جان توفت الطفله

عبدالله: دكتور غير تفهمنه شبيهه عملية فطومه

الدكتور جان خايف يحجيلهم حتى لا يرفعون شكوى على الدكتور الي سوالهه عمليه

الدكتور: عمليتهه زينه لكن ساد المجاري البوليه وهسه احنه راح نبذل كل جهدنه حتى نسويلهه العمليه بالطريقه الصح

عبدالله وام ساره خافو على فطومه وبقو يدعولهه

عبدالله: عمه انتي خابري لعمي وكليله اني ماكدر احجي لساره

ام ساره: عمك بالمدرسه هسه وساره لوحدهه بالبيت

عبدالله: خابري لسعاد تروح يمهه

ام ساره: سعاد بالزياره البارحه طلعو وماريد اقلقهه علينه راح اخابر لاختي

عبدالله: يالله براحتج

خابرت ام ساره اختهه وكالتلهه تروح يم ساره وتحجيلهه عن عملية فطومه وخابرت لابو ساره وحجتله هم

»»»»»

الخاله: يالله حبيبتي كافي بجي كطعتي كلبي

ساره: خاله بنتي فتحت عيونهه علمستشفى ماشافت الراحه

الخاله: كولي الحمدالله ع كل حال خاله يالله كومي غسلي وجهج لخاطري

ساره: اوووف ربي ليش لا بزواجي مرتاحه ولا بطفلتي رتاحيت

الخاله: الله اذا احب عبدا ابتلاه كافي لتحجين هجي

دق دق دق 🚪

الخاله: تفضل

احمد وامير: السلام عليكم

الخاله: عليكم السلام هله خاله اشو جايين ع وكت

امير: مادنه شي وحلونه من المدرسه

احمد: بالي ويه ملاكي شلونهه ماخابرتو