(صهيل البشامة )))
بقلم
$أحاسيس مغناة$
السلام عليكم
أني بنيه من أحدى المحافظات العراق الشماليه أسمي البشامة اي مثل ماقريتو البشامة راح اتگولون شنو معناه هو احداسماء الخيول العربيه الاصيله وبصراحه اسمي ماحبه ثگيل بس اليعرفني يصيحوني شمة وأيگولون اني اسم ع مسمى أيگلولي فعلا مهره مواصفات طول١٧٠ووزن ٦٥جسمي ممشوق جدا اتصور وصلت اني بشرتي صافيه بياض ناصع وجهي مدور وخديدات وعندي شامه فوق الشفه عيوني كلش كبار وشعري اسود مزرق طوله لي نص ظهري شفايفي منفوخات وخشمي وسط $أحاسيس مغناة$
خريجة كلية اداب أجتماع وكاعده لانو مثل مامعروف ماكو تعينات عايشه ويا أبوي وامي وأخوه اربعه ( جواد وجياد وجاد وجسار) كلهم متزوجين وطالعين ببيوت وحدهم بس ضمن سور مزرعتنا *جواد الكبير مواليد٧٠ عنده (ولدين عمادمواليد٩١ وعلاء٩٣ وبنيه علياء٩٨)
*جياد مواليد ٧٢وعنده(بنتين ساره مواليد ٩٣ وسدن ٩٥هوولد مروان٩٦)
*جاد مواليد ٧٨وعنده (ولدين توم سعيد وسعد مواليد ٢٠٠٠)
*جسار مواليد٨٤ وعنده (وسام مواليد٢٠٠٦)
اني الصغيره مواليد ٩٠وحيل مدلله ابوي موظف متقاعد وامي ربت بيت نحنا من عشيره كبيره بالعراق أخوتي كل واحد عنده شغله الخاص بيه حالتنا الماديه جيده الحمدالله لانو تقاعد والدي كلش ممتاز نبدي بالقصه نرجع بالزمن لسنة ٢٠٠٧ بهاي السنه كنت مرحله اولى $أحاسيس مغناة$
ام جواد:لج البشامة وووووينج شمه لج گومي امتى تروحين ماظل وقت يجي عليج الخط
البشامة:😴😴😴😴
طبت ام جواد دفعت الباب قوووي طرررررااااخ
أم جواد:لج گووووومي
البشامة: 😨😨😨 خيرررر شنووو مداهمه امريكان
أم جواد:كووومي ماظل وقت ساعه ب٧
البشامة:😨يمه راح تموتيني حتى گطعتيلي الخلف 😢يااا ٧ ايمتى البس واتحضر واتريك😭
كمت عسريع بدلت ولبست جبه زيتوني بناتيه لانو اسرع شي وحجاب لونه حني وحذاء وجنطه صحراوي وخليت شويه باودر واعشق الكحل ومسكاره بحيث اعيوني اتصير اشرررد نزلت صباح الخير يااااقوم😊
ابو جواد:صباح الورد ع عيونج بابا ليش متأخره
ام جواد:كالعاده 😒راحت عليها نومه
البشامة:مو اني مااكعد 😡الا ماتجين اتزفيني ترا والله من وراج رجلي بعد كم شهر يرجعني لانو يكتشف امي مسببتلي گطع خلفه من الهبطات يمه رحميني اذا طلگني الجهال ياخذهم مني 😆😆😆
ام جواد:😥😩اشكد صرفتي حجي
أبو جواد:😂😂😂شون سببتلج گطع خلف وبعدين رجعج وحرمج من الجهال لج بلوه انتي بابا ليش مااتروحين ويا اخوتج الصبح
البشامه:لا بابا يطعلون من وكت خليني اخطفلي حلم حلمين😉😆 وانتضر ست الحبايب اتخفضلي الانسولين من الصبح😅
سمعت صوت السايق يالله راح اروح مع السلامه بابا وماما
الاب والام: الله وياج
طلعت ركبت بالسياره وفرينا ع بنات اخذهم بس مااعرفهم لانو اليوم اول يوم اداوم وخايفه واحس بطني ممغوصه گانو اليوم راح يسجلوني بالمدرسه قبطت السياره شو كلهم نفسيااات ااااوي عشتووو لانو همه بغير مرحله واني بعدني بالاول بس مع هذا شخصيتي واثقه من نفسي وصلنا الحرم الجامعي نزلت رحت ع كليتي سالت ع شعبتي ورحت كان الاستاذ فايت للشعبه دكيت الباب طبيت كلت السلام عليكم اشو الكل صفن بوجهي حتى الاستاذ صفن
البشامة:ألعفو استاذ ممكن ادخل
الاستاذ: خرررب هم هاي مره والعندي مراه أااحم 😦اتفضلي. $أحاسيس مغناة$
البشامة:شكرا اشو هذوله كلهم صافنين معرف وين أكعد وخجلت كولش اشو بنيه أشرتلي يمها فارغ رحت كعدت خلصت المحاضره
أتعرفت ع بنات أثنين (منال و عائشه)وحسيتهم نفس الطبع والتربيه مو ملعبات وصاروا صديقاتي وبقينا سوا
منال طبعا شمة كولش حلوه انتي مشاءالله
عائشه اي والله ولج من دخلتي اباوع الكل صفنت لو اذب دنبوس اسمع صوته
البشامة:لا مو الهدرجه لا تخجلوني😳انتو همين حلوات المهم سولفنا واتونسنا وخلصت المحاضرات وورجعت للبيت
دخلت السلام عليكم
الاب والام :وعليكم السلام
ام جواد:روحي بدلي حتى نتغدى
رحت بدلت وصليت ولبست تراك ونزلت ماما متت من الجوع
ابو جواد:هابابا شون يومج الاول كان
بابا كلوش حلو الجامعه عالم ثاني
ابو جواد:الله يجعل كل ايامج حلوه
اتغدينا وشربنا شاي وغسلت المواعين ورتبت المطبخ وكعدت مع اهلي شويه بعدين صعدت الغرفتي درست المحاضرات الا اخذتها وبعدين نمت شويه
ماحسيت الا أصبع عيلعب بخشمي وانا اوخرها اشو ترجع يشيل جفن عيني
طبعا اني اعرف منو انتظر الوقت حتى أصيد هالفاره مالتي
البشامة:لززززززمتك 😜 وسوووووومي وأبوس بيه 😙 من شفته وخشمه وخدوده واعضعض بيه
وسام طبعا أبن أخوي جسار أصغر حفيد عمره سنتين
وسام:شوووووشو توفيني(عوفيني)
وسومي اتحبني
وسام:تو تو $أحاسيس مغناة$
وادغدغه ويضحك شبعته بوس
وسام :شوشو خلثتي دودي( خلصتي خدودي)
هوايا يعجبني أكعد ع أصابيعه وأحضنه واشمه ويتمدد ع صدري والعب بشعره
وسام :وين لحتي الثبح دييت ماتو وبديتت(وين رحتي الصبح جيت ماكو وبجيت)
البشامه:اااووووي حبيبي رحت ع الكليه
وسام:ثنو تليه
البشامه:مدرسه
وسومي اشصار اليوم بالبيت
وسام:دعدت الثبح اتلت ومامي ثوتلي ثوب ثوب ودعبت ويا ثعد وثعيد ودديت عند بيبي وجدو واممممم أي وثعدت انتي لبت بخثمتت وعييين (كعدت الصبح وأكلت وماما سوتلي سوب سوب عود يعني سبحته ولعبت ويا سعد وسعيد وجيت عند بيبي وجدو وصعدت عليج لعبت بخشمج وعينج) $أحاسيس مغناة$
واني بس اباوع ع الشفايف الي عتتحرك يبرطم من ماشافني الصبح فدييييت مااعوفك اذا مااكلك وأبوس شفايفه وغطيته بفراشي ونمنا ماكعدنا الا امي جتي المغرب اتگعدني انزل لانو اخوتي ونسوانهم وجهالهم ننجمع ع عشا هوايا نتونس ونتعلل وبعدين يطشون ع بيوتهم وهكذ هذه حياتي اليوميه
مرت أياااااام وشهور من المرحله الاولى وبيوم رحت للجامعه مستعجله وجنت اصعد ع درج ع سريع ودك موبايلي صديقاتي عيرمشولي لانو اتاخرت وشايله ملازمي واصعد واريد اطلع الموبايل فأنصدمت بواحد نازل ورجعت للخلف كنت حوگع لولا هالشاب لزمني من ايدي وسحبني عسريع ولطش راسي بصدره يافشله صرت بحضنه ووين انطي وجهي كبل ابتعدت ورفعت راسي وشفت يمه شاب الهيبة لله طووول وعرض حنطاوي عيونه لاهمه صفر لاخضر الحواجب ثخينه واللحيه والسكسوكه المحدده هو ظل واگف أني من المستحه كلته العفوو العفووو وركضت يمه اشگد عيب بس فدوه يمه راح گلبي اشحلاته هم عدنا هيج أنتاج دخلت للشعبه الاستاذ يشرح والبنات يگرصون بيه واني بعالم ثاني عطره ظل بخشمي خلصت المحاضره وحجيت الصار المنال وعائشه خربو من الضحك عليا خلص الدوام ونسيت السالفه ورجعت للبيت ....
أول مافتحت الباب فزيت بصوت شوووشووو
حبيبي وسومي جاني يركض فدوه العمره لابس شورت رصاصي قماش وبيه جيوب وتيشرت أصفر والزنود طالعه بيضه وخدوده ورديه صايره
البشامه:هلوووو حبيبي حضنته وشلته وبسته وهو لزم وجهي ويبوسني
وسام:الوم دييت انتدرك من الثبح بالدراد(اليوم جيت انتظرج من الصبح بالكراج)
البشامة:هاي شنو منتظرني هنا من الصبح باع خدودك احتركت من الشمس
وسام:اي شوشو أئذيني ع تليه(خذيني ع كليه)
البشامه:طبيت للبيت بابا وماما كاعدين ينتظروني نتغدى سوا السلام عليكم
الاب والام وعليكم السلام
ألبشامه أكلج ماما اشو طبيت وسام برا كاعد ينتظر باعي وجه محترك من الشمس اشون اتعوفونه وامه وابوه وينهم
الام:يمه شسويله ماقبل يطب الاينتظرج وامه اخوج ودها زياره لاهلها وسام عند وماقبل يروح وظل يبچي الاينتظرج فهمه راحو وعافوه
البشامه هههههههه لك وسوم اليوم تنام يمي يالله
وسام:اااااي هيييي
صعدت غسلت وصليت ونزلت اتغدينا ورتبت المطبخ وكعدت ويا أمي وابوي ووسام منطلق كاعد بحضني ويبوس فكأعدين متونسين اشو دك موبايل والدي أبوي چان عيضحك ع سوالف وسام اشو فجاءه غابت ابتسامته
أم جواد:شبيك ابو جواد
أبو جواد: كعد ع قنبه وگع الموبايل من أيده
البشامه:كمت عسريع خير بابا شكو شصاير
أبو جواد: كام يبجي اابني جسار وزوجته سوا حادث واتوفو فورا
البشامه:انصدمت اندرت عسريع ع وسام اباوع عليه يعني شنو ماداستوعب
أم جواد :اااااااابني يمه جسااااااار رااااااح ابني راح ابو گلب الطيب يبووووووو
اباوع ع أمي اتملخ بنفسها مستحيل جسار مات اقرب اخوتي الي أغمى علي
بعدين صحيت بغرفة ابوي وامي كلت يمكن كنت حلمانه طلعت شوف بيتنا مليان عرفت اني مو حلم كمت اصرررررررخ يمممممه لالاااااااااا لا يااااااالله وأدك والطم واگطع بشعري فقدت النسوان ركضو علي ونسوان اخوتي يبجون اباوع ع امي بالزاويا منتكيه راسها ع حايط وشعرها مفتوح وفتحة دشداشتها مفتوحه وخدودها مخرمشتهم كمت ازحف ورحت اباوع ع امي وابجي وحضنتني وكمنا نبچي وبعد شويه سمعنا الزلم جوي وجايبين التابوت جسار يمه راااااح كلبي وكمت اصرخ اني وامي والنسوان تبچي خلوه بالارض من شفته جنيت لااااالا يالله گوووم اذا مو الخاطري الخاطر ابنك وسام اشراح أكله من يسأل عنكم رررررحمتك ربي أمي وگعت واغمى عليها من شالو ودوه دفنوه وسوينا الفاتحه وزوجته أهلها سوله الفاتحه جنيت كمت كلما أگوم أوكع
ثالث يوم الفاتحه بديت استوعب الي صار ولما صحيت عنفسي كمت اصرخ ع نسوان اخوتي وينه وسااااااام وادور عليه مثل المجنونه ووووووسااااام كلولي برا عيلعب ويا الجهال بيت جواد طلعت ركض وقبل مااوصل للبيت وگعت وظليت اني بالارض وع نفس الوضع أبچي بس حسيت أكو ظل فوك راسي سمعت صوت
الشاب:أختي بيج شي الله يصبركم
رفعت عيني شفت شاب كمت وكفت اتذكرته نفسه الي أنصدمت بيه قبل ٣أيام هو همين اتفأجى من شافني
أنت تقرأ
صهيل البشامة
Romanceعندما يواجهه الانسان المصاعب مهما بلغت قوته لابد من ان يصل الى درجة الجموح والغضب والصهيل من الوجع والعذاب
