(( صهيل البشامة))
$أحاسيس مغناة$
البشامة: أذااهلي وفقوا اني موافقه بس بشرط وسام أجيبه يعيش ويايه
أمين: شنووووووو انتي موافقه ماسمعت امانه بداعت أبوچ عيدي انتي موافقه
البشامة:😶شنو بس سمعت موافقه وشرطي الظاهر ماسمعته
امين:بابا اذا شرطج وسام أحطه بعيوني موبس أعيشه ويانا وعمته أعيشها بگلبي. لو تطلبين روحي ماتغلى عليچ وثقي بالله وسام أحبه محبته من الله
البشامة: بس الرأي الاول والأخير الاهلي هسى من رخصتك لازم أروح مع السلامه
أمين: اذا ع اهلج فوالدي يقنع أبوچ أذاكان موموافق الله ويااااج ياعمري أنتي بالعطله انشاءالله اتكونين ألي
البشامة: الله كريم مشيت وأني أفكر بكلام أمين مجنون ههه صحيح فرحانه بس أكو بداخلي خوووف ماادري ليش وصلت العلاء ركبت سلمت الطريق كله صافنه نزلنا اني وعلاء أنجيب وسام وأگفين بالگراج منداره ع علاء اتفاجئت بصوت وسام
وسام : ماااااااامي
البشامة : انصدمت بوسام عيركض عليا وفاتح أديه ويصيحني ماما مثل الي عيستقبل أمه قرفصت وفتحت أديه وحضنته حبيبي وسومي أشتاقتلك
وسام: مامي أحبتت
البشامة: شلته حاضني خله راسه ع كتفي يبوس بيه أباوع ع علاء متفاجئ
علاء: هاي شنو أول مره يصيحج بماما دأئما شوشو أشرتله براسي أندار شاف وحده مره واقفه وأجى ابنها من بعيد ايناديها ماما وحضن امه علاء هزلي براسه افتهم مشاعر الاحتياج والغيره عند وسام فرحت گووولش لانو من بين الكل نطق كلمة ماما الي شاف بيه حنية الام الماشافها بغيري بس بداخلي خفت المسؤوليه كبرت عليا ركبنا سياره وطول الطريق وسام يضحك ومتونس كلمه وثانيه ماما حسيته فرحان بهالكلمه وصلنا للبيت بدلنا وغسلنا واتغدينا وكملت شغلي وكاعدين وسام يروح ويجي ماما امي وابويا استغربوا بس شافوني فرحانه الفرحته ماعلقوا للمغرب أجتي ساره ووسام نيمته هلكان من اللعب
ساره: هلوووو عمه😗شونج
البشامة: هلا عمري😗 الحمدالله
ساره: صحيح علاء گلي وسومي صار يناديچ ماما
البشامة: أي😊
ساره: لعد ليش أكو ورا أبتسامتچ قلق
البشامة: ساره حجيتله كولشي عن امين
ساره وشنو يعني الشاب موافق طاير بيج طيور شتريدين بعد
البشامة: هو صحيح كولشي بيه حلو بس أعجاب شغله ثانيه مادري ليش حاسه بخوف اني ادري البنيه من تنخطب الشخص الي توافق عليه اتحس بالامان بجنبه بس اني داحس بالخوف مع العلم هو اهله كولش خوش ناس
ساره: يمعوده يجوز متوهمه من تصير الشغله رسميه يجوز يتغير احساسج
البشامة: يجوز بعدين نزلت جوا حجيتلها الامي وتعشينا ولان كالعاده الكل مجتمع أمي حجت للكل بالبدايه ابوي واخوتي استغربوا من وين يعرفني
أم جواد: صديقتها اسمها أستبرق اتصير خطيبة صديقه فهمه يجون مرات يسلمون فشايفها
أبوجواد: والله أمين رجاااال معدل وابن صديقي فؤاد والنعم منهم بابا البشامة شنو رأيج؟
البشامة: 😶منزله راسي متت من الخجل بابا الشور شورك
أبوجواد: خير انشاءالله من يتقدم تعرفين شنو شوري ههههه
جواد: هههههه باع صارت طماطه
جياد: لج البارحه هالكدوتج بيوم واحد صرتي ام وراح تزوجين ههههههه
سراج: هههههههه ولك شنو هالكدوتها هذا وبنتك وابن جواد أصغر منها راح اتزوجهم هههه
البشامة: طلعوني من طوري كاااافي تقلدون بابا شوفهم شون يحجون عليا😡
أبوجواد: بس شباب ولكم ماتكبرون كل واحد ولده بطوله كاعدين تقلدون ع حبيبة ابوها هسى كنتي خجلانه شسباع اتغيرتي ههههه
البشامة: حتى انته بابا😢 كام جواد وحضني
جواد: لاحبيبتي انتي.ولج دلوعة البيت اول من جيتي لدنيا كلنا اني وجياد وسراج وجسار الله يرحمه نعتبرج بنتنا مانتركج كل الوقت شايلينج وهسى كبرتي وكثرو خطاطيبج يعز علينا تعوفينا الله يسعدج بنيتي.
البشامة: حظنته وكمت أبجي😭شاورني
جواد: حاسس بيج المسؤوليه ثقلت عليج سمعت بالي صار اليوم ادري هالدموع مو علمود شقانا وياج الله يقويج لاتبجين
جياد:جيب اللعابه مالتي ولج أشاقيج والله ماانقهرت ع بنتي من انخطبت كثر ماهسى انقهرت لمجرد يجي يوم وتعوفينا
البشامة: يحجون واني أبچي والكل دمعت عيونهم
سراج: لا لا عوفوها بس تسكت عد اخوها الوسيم هههههههه
البشامة: ردت أغير الجو عووووفووووني كسرتو ضلوعي عاااابت لعبتو بيه وبچيتوني
خلص اليوم ع خير والكل راح البيته صعدت الغرفتي اذكر سوالف اهلي الله لايحرمني منهم وجنت حنام الساعه بلوحده بالليل كعد وسام يتحجج
وسام:😢مامي 😭 ماااامي
البشامة:كمت من سريري هاحبيبي شبيك
وسام: اليد الوح للتوتو وووودوعان😢(اريد اروح للحمام وجوعان )
أنت تقرأ
صهيل البشامة
Romanceعندما يواجهه الانسان المصاعب مهما بلغت قوته لابد من ان يصل الى درجة الجموح والغضب والصهيل من الوجع والعذاب
