((صهيل البشامة))
$ أحاسيس مغناة$
بعد أسبوع..
البشامة: اليوم راح تجي أم أمين تشوفوني وكولش متوتره وخايفه حضرت كولشي من الضيافه والعصاير لازم أنگوم بيهم مو لان جايه تخطبني وانما لان زوجة صديق أبويا ولازم انرحب بيها أحسن ترحيب نسوان أخوتي داخلين بانذار كل شويه سالتني وحده ماحتاجه شي ناقص شي اليشوفهم كأنو اليوم راح يزفوني يمه يمه بطني مغصتني شنو يزفوني😨😨😨 لبست فستان أحمر ردانه كيبور يخيل من ناحية الصدر دلعه جبيره مدوره مخصر صاير كلوش فوك الركبه قماشته ع لمعه لبست حذاء فلات ذهبي لان طولي حلو ماقاصر شعري سشورته طلع يخبل هو بالاساس سرح صار قطعه وحده وأتمكيچت مكياج كامل ع عيون والحمره شفافه الكل انبهر بجمالي
أمين: يااالله يوووووووم اتأخرنا بعد انروح ع سوقه العوبه هاي بس ينردالها ساعه حتى تجهز... اليوم طاير طيور الدنيا موسايعتني من الفرحه لولا العيب أرگص هسى چوبي بس عيب منا الناس تطلع عليا سمعه خفيف 😅
أم أمين: شبيك شبيك خبصتني ولك أركد شويه شالخفه عليمن طالع من هسى والله اذا ماعجبتني مستحيل اوفق
أبو أمين: روحي روحي عيني انتي شوفيها أطير العقل ماتشوفين عقل أبنج طار هههه
أمين : يالله يوم امشي مو سبيتيني بلاشي متوتر لا اهلها مايقبلون.
أم أمين: شنوووو عشتووو منو المايقبل صاحح بيدهم ياخذون ابني وحيدي صدقه لله الهيبه تسطر فدوه الگلبك ازوجك أغاتها والله
أبو أمين: امشي أكلج القرد بعين أمه غزال
أمين: رحم الله والديك شايفني قرد امشي يوم شويت نوب الله يعلم شيقصفني
أمين: دگيت الباب لحدماطلعت سوووقه علت ونفخته الگلبي بالتأخير وطلعت ركبت خلفي ولج احترگت عشيرتچ كان بعد طولتي
استبرق: اووووي شبيك بدل ماترد السلام اخذتني حاصل فاصل
أم أمين: بدل ماكاعد تصرخ حرك وامشي مخبل اليوم گلبت علينا
أمين: يمه والله متوتر
أستبرق: الهدرجه تحبها يمه فدووووه أحلى عريس بس ها عريسي أحلا ههههه
أمين: تسلميلي سووووقه والله الا أزفج بيدي بس خلي يجي محروگ الصفحه حمضتي ع گلب أهلج
أستبرق: خااااله شوفي شيحجي ع اساس الرايح تخطبها مو بعمرنا هي اصغر مني سنه 😛
البشامة: ورا صلاة العصر سمعت هورن سيارة أمي دخلت أم أمين وأستبرق وشويه وطلعت من غرفة الاستقبال سوقه.
أستبرق: هلووووو شونج حبيبتي ولج مشتاقتلج بوستها وحضنتها
البشامة: بخير ياعمري ماصدگت راح تجين حسبالي تشاقين
أستبرق: عيني شالجمااااال خي عونك أمين لو يشوفج الاينجلط ولج خبلنا يالله ويالله اتگولين اليوم زفته مو تعارف
البشامة: عيونج الحلوه ههههه اسكتي كولش خايفه اشون أطب عفيه طبي قبلي واني وراج
بعد شويه امي نادتني وطبيت ورا أستبرق
أم أمين: صلاوت ع محمد واله محمد يمه گمر مصور الله يحميج من عين الحسد
البشامة: سلمت وبوستها الخاله أم أمين واحس راح اموت من الخجل أمه گصتني گص ماخلت بيه شي حسيت نفسي كاعده بقاعة امتحان وانتظر النتيجه وميته من الخوف أمي تحجي وياها سوالف وضحك شويه وطب وسام مستحي
وسام: مامي😢 سوسو ماتقبل تنطيني كيك
البشامة: حبيبي موزين عليك وكلتك قبل شويه اسنانك تأكلهم الفاره
وسام : ما ما مامي ئومي طعميني
أنت تقرأ
صهيل البشامة
Roman d'amourعندما يواجهه الانسان المصاعب مهما بلغت قوته لابد من ان يصل الى درجة الجموح والغضب والصهيل من الوجع والعذاب
