((صهيل البشامة))
$أحاسيس مغناة$
البشامة: مشيت السياره وأبجي ع بجأااه وسام يصرخ ويصيح وبس أحضنه ع أمل اواسيه واني بحاجة اليواسيني سحبت النفس ااأاه ياعطرك صهيل دموعي تنزل مثل المطر للمره الثانيه وسام تيتم
الدنيا ماجاي تنصفه ياربي ساعدني شلون أصبره شبيدي عليك
وسام: أهى أهى 😭ماااااامي لجعيني الباااابا
جواد: حبيبي اسكت شتريد أشتريلك بس حبيبي ابوووي انته
وسام: بصراخ ماااااااليد اليد بابا وبث مااعبكم مااعبكم أهى أهى😭😭
أبو جواد: بنتي هديه اليشوفه چنا خاطفيه
جياد: شبيج تبچين البشامة
البشامة: 😢جياد متشوفه الوسام مرده الكلبي فرفح كلبه
ام جواد: شگد يحبه واتعلق بيه شنو من حنيه عنده الي خلاه يحسه مثل ابوه اااوووف يأابني جساااار وينك وتشوف ابنك يصرخ الغيرك بابا اوووف
البشامة: هذا اليوم كان قمه بالحزن وحرگ الروح من طلعنا من بيت صهيل لحد الفندق وسام يبچي ويصرخ من التعب نام بحضني بس شنو نايم ويشهگ يهذي بملكة بابا
ليت الحزن البيك بيه يابعد عيني قربته الصدري أكثر بلكي يهدى
نزلنا للفندق حاجزين سويت بيه غرفتين وصاله وحمام
نيمت وسام بالفراش ورحت كعدت بوسط أبوي وامي أحضن وابوس بيهم وجواد وجياد كل شويه حاضنيني كل الفضل من بعد رب العالمين الصهيل وسمره وظافر لولاهم الله يعلم بحالي
حجيت الاهلي كل المريت بيه يسمعون والقهر كاتلهم وامي بس تبچي
بعدها أخذت موبايل ابويا وخابرت ع ظافر هوايا فرحوا من سمعوا صوتي حجيت ويا سمره الفرحه باينه بصوتها لانو متزوجين وطايره من الفرح بس النغص عليهم دا يدورن ع مكان أمن يستقرون بيه
فجواد حجى ويا ظافر عطاه عنوان بيتنا وكللهم تعالوا يمنا
المكان والشغل موجود عليكم بس تجون
جواد عنده بيت صغير ملك مخليه للايجار فراح ينطيهم اياه ع سلامتنا گال جانوا رايدين مبلغ خيالي في سبيل ينطون وسام وردتچ النا بخير تسوى الدنيا
كال البيت حلال عليهم
مايجي نقطه من المبلغ الجان طالبينه
ويشغل ظافر بالمعمل مالته فأمن مستقبلهم من جميع الجهات
كمت بوسته الجواد حسيت اشكد عزيزه عدهم الله لايحرمني منهم يارب
ثاني يوم رجعنا للمحافظتي طول الطريق أفكر بصهيل واباوع الوسام ماله خلگ الشي بالگوه أوكله وساكت والدمعه بعينه
يمه ياروحي دموعك تغسلني
تذكرت صهيل من گلي تعوفين وسام وك اشلون أعوفه اذا هو يموووت بيك
شبعت قهر عليه.
وصلنا البيتنا للمغرب دخلنا
الكل بانتظارنا نزلت بالكراج وشايله وسام الي أحس مابيه اي روح فرحه من ذبحو جوى رجليه والهلال وطشو الجگليت الفرحه ماواستعهم ووسام من أيد لايد والكل بوسني وحضني حتى گرايبنا موجودين كانت عويمه كولش چبيره ع شرف ردتنا بالسلامه اهلي اتعمدو ايسون أكبر عزيمه حتى يعرفون بنتهم اشرف من الشرف
الكل درى بالي مريت بيه
كلما يصلون بالكلام ألمن الفضل گلبي يرجف مجرد نطق أسمه حسيته فارس أحلام كل بنيه شفت لمعت عيون البنات من يحجون بيه ويوصفون شخصيته شكله طوله هيبته تاخذني الغيره بس تصل بياالحال الدرجه دموعي تنزل و اضحك ع نفسي تغارين ع انسان رفضج صحيح المشاعر موبيده ولا بيدي بس اني حسيت بيه عيونه ماچذب سحبت نفس
باوعت ع البيت وكلشي حواليا رجعت المدينتي الاهلي والبيتي والسمعتي ومرفوع راسي بفضلك صهيل من بعد رب العالمين
بس خسرت كلبي ورديت مكسورة الخاطر
أنت تقرأ
صهيل البشامة
Romantizmعندما يواجهه الانسان المصاعب مهما بلغت قوته لابد من ان يصل الى درجة الجموح والغضب والصهيل من الوجع والعذاب
