((صهيل البشامة))
$أحاسيس مغناة$
البشامة: صعدنا اني وشيماء للغرفه ودموعي ماوگفت كعدت وشيماء مكابلتني وجها ع باب واني ظهري عليه
شيماء: حبيبتي بس راحت عيونج لاتخافين اهلج دام عرفو كولشي لويش البجي بالعكس لازم تفرحين الا اذا أكو سبب ثاني
البشامة: لا ماكو شي مجرد خوف ومامصدگه
شيماء: لا اكو سبب ثاني أحجيلي وروح ابو حيدر مااحجي بردي گلبج
البشامة: زادت دموعي مااگدر
شيماء: يعني البالي
البشامة: شنو بالج شيماء انتي تتخيلين
شيماء: أحجيلي وداعة اولادي اوگف وياج
البشامة: كمت أشهك بچي اريد أفضفض الشخص مابعد أتحمل شيماء اني أحب صهيل ماادري شون وايمتى صارت هالمشاعر بس الي أعرفه ومتاكده منه أحبه وأعشگه من يروح للدوام لحد مايرجع يالله ترد روحي بشوفته ملكني صدگيني مااتخيل نفسي ويا غيره أحبه احجي وامسح دموعي
شيماء: صهيل😨
البشامة: منزله راسي واحجي اي أحبه الصهيل واعشقه رفعت راسي شفت شيماء فاتحه عيونه ع باب وخاله ايده ع حلكها انداريت شفت صهيل واگف يم الباب العصبيه واضحه عليه وشايل وسام نايم أنصدمت جمدت أطرافي اريد أحجي خرسيت اباوع عليه تجاهلني خلا وسام ع تخت وراد يطلع شيماء حجت
شيماء: صهيل بس أسمعن...وقاطعها
صهيل: التفت بغضب عيونه حمر دم هششششش ولا كلمه راح اعتبر نفسي ماسمعت شي باجر اخابر اهلج ترجعين وياهم تنسين صهيل يوم الشفتيه وعرفتيه
مافاضي لسوالف المراهقين ويوم الارتبط أرتبط بوحده الي أني أختارها مووو انتي ولاحسبالج اتقشمريني بسوالف الحب والخرابيط انتي رايده واحد يشيل وياج وتربين ابن أخوج مو زوج وينضحك عليا ضرب الباب وطلع
البشامة: طلع وشبت النار بصدري كلامه جرحني گطع گلبي هان كرامتي مااكدرت ارفع عيني أحجي
حسسني كاني وحده رخيصه و أجرمت بس دموعي كانت كفيله أتعبر عن البداخلي لأول مره أفكر بأنانيه وردته الي
حتى بحبي مافكرت بوسام والله مافكرت هسى عرفت من أيگولون الحب من يجي لايعرف ظروف لا مكان لازمان وبحبي الصهيل نسيت كل الحولي
شيماء: لاتهتمين الكلامه هوالخسران اسفه واعتذر خجلانه منج
البشامة: من وسط دومعي حاولت ارسم بسمه باهته هزيت راسي لاحقه ممجبور الصوج مني بس والله موبيدي وشهگت موبيدي حبيته غطيت وجهي وحضنتني شيماء
شيماء: بس حبيبتي
البشامة: جاي يحترگ گلبي شيماء اااااه اذا جنت شايله هم اشون افارگه فهسى كسرني برفضه الي
ابتعدت عن شيماء وتمددت بمكاني
اريد اسيطر ع شهكاتي ودموعي مااكدر
حطيت راسي بالمخده مااريد احد يسمعني شسويت بروحي😭 ...
صهيل: بعد مادخلوا داخل ظليت متفأجأ بردت فعل البشامة من بلغتها ام جمانه لزموها
كل ظني راح أطير من الفرحه كلت جايز دموع الفرح
بس الصدمني عيونها أخترقتني وگلبي💓💓💓
حجت امور هوايا حاولت أكذب شعوري اتغاضيت عن الموضوع
دخلت الغرفتي ووسام نايم ع فراشي أبتسمت هذا الطفل انزرع بگلبي فدوه الخلقك شلته كلت خلي اصعده الامه لايصحى بالليل يبجي عليها
وصلت للغرفه الباب مفتوح السمعته خلاني أتبسمر بمكاني حاولت الزم أعصابي قدر الامكان وماجرحها حجيت وياها كلام قاسي
نزلت لغرفتي وسديت الباب
جسمي ينفض من العصبيه الكل يريد يستغلني ولكم مو صهيل الي ينخدع بعد موووو صهيل ههههههههه تحبني كلچن جذابات أنانيات وين تكون مصلحتكن انتن تكونون
تمددت ع فراشي
كلماتها طن بذاني( أحبه الصهيل) اريد انام مااكدر وكلما أغمض أغفى دقايق وافز أحلى ذكرياتي صارت كوابيس تزوني يوميا
الى متى تعبت يالله ارحمني تعدلت شفت الساعه بالثلاثه خذت جكايري كمت طلعت من غرفتي.
البشامة: النوم جافاني ودموعي مانشفت اليشوفني كأنوا صارلي سنين أحبه مايگول 3أسابيع اريد اسحب هوى ماكو فتحت الشباك أشم هوى شفت صهيل كاعد بالحديقه زادت دموعي ماتحملت اسكت....
أنت تقرأ
صهيل البشامة
Romanceعندما يواجهه الانسان المصاعب مهما بلغت قوته لابد من ان يصل الى درجة الجموح والغضب والصهيل من الوجع والعذاب
