سلمي بعد قبوله انشغلت في تجهيز حاجات لي الجامعه للسفر
سافرت عشان تكمل اجراءات التسجيل
طبعا عايشه اتصلت لي صلاح كلمتو بي القصه حقت سلمي كلها والحصل ليها من محمد
صلاح لا حوله ولا قوه الا بالله انا والله عرفتهم من يومي انهم حاقدين عليكم
ربنا ينتقم منها
سلمي ربنا يعوضها بي ولد الحلال الاحسن منو
الحمد لله ربنا كشفهم قبل مااتزوجها وتقعو معاهم
اي الحمد لله
علشان نيتها نضيفه. ماعمرها اذت ليها زول
عايشه كانت بتتمني انو سلمي تتزوج ياسر كان عندها امل هي اتصلت بي العنيه علشان صلاح تاني يطلبها لي ياسر
و ماعارفه انو ياسر رفض سلمي
صلاح لمن جات سلمي اتكلم معاها قال ليها ماتزعلي انتي لسه صغيرها قدمك الحياه هسي ركزي بي في قرايتك ويكون عندك احلام لازم تحققيها لسه نصيبك ماجا
ان شاء الله ياخالو انا زاتو كرهت الرجال شلت فكره الزواج من راسي
ماتقولي كلامك دا يابتي انت من تجربه واحده مرت بيك عايزه تياسي
المهم الايام مرت وسلمي نزلت الجامعه
مجتمع غير اشخاص جديده وكانت خايفه متوتره
مشت سالت من القاعه تبعهم لقت واحده جنب القاعه اتعرفت عليها.
السلام عليكم لو سمحتي انتي من طلاب السنه دي
وعليكم السلام ايوا.....،انتي برضو
ايوا انااسمي سلمي عمر
اتشرفت بيك انا اسمي ريم نور الدين
الشرفي لي وانا اتشرفت بيك كمان
سلمي ارتحت لي ريم حست انها مودبه محترمه قالت ليها ممكن نكون اصدقاء
ريم مافي عندك مشكله لي الشرف ابقي صديقتك
اتعرفت عليها
ريم قالت ليها انتي نسبتك كم في الشهاده
سلمي. ...جبت ٩٦,٩. وانتي كم
ان جبت ٩٠ بالله انتي سلمي عمر عبدالله كنتي من العشره الاوئل صاح
سلمي ايوا انا هي انتي من وين عرفتني
سمعت اسمك دا لمن زاعو في الموتمر
سلمي سبحان الله. حافظه الاسامي
انا والله من التوتر. اول السودان ماعارفه منو ماكنت منتبها
اتونسن كمل تعارف دخلنا القاعه حجزن في الصف اول
بقا مع بعض طوالي عدن اليوم الاول متوترات الاتنين
وخايفات من عالم الجامعه من القصص البسمعوها عن الجامعه لا سلمي ولا ريم ماعمرهم
اختلطو مع الاولاد مجتمع مختلط
عدي اليوم علي خير
شويه شويه اتعودنا علي مجتمع الجامعه طبعا سلمي كان مكسر الاولاد بس هي ما عندها حاجه معاهم من المحاضره علي طول بتطلع البيت
كل مايجي واحد من الاولاد يحاول يتونس معاه ويتظارف ما كان بتديهم وش
حتي السناير كان مكسيرين في سلمي
برضو ماعندها اي شي ليهم
زي ما قلنا سلمي جميل شديد
اوصف ليكم شكلها
سلمي لون بشرتها بيضاء عيونها بني فاتح عيونها جميلات جدا رموشها غزيرات تحسي بي عيونها زي المكحله بس هي طبيعه عيونها كده وشها مدور
لمن تبتسم عندها وجنات بيظهرو عندها طفقه في الحنك جميله محليها زياده كانت طويل طوله حوالي ١٧٠
جسمها موزون ماضعيفه ماسمينه وسط جسمها مخصر سبحان الله جمال رباني مكلمه والكمال لله
علشان كده اي احد بشوفها بيعجب بيها ويتكسر فيها بس مابتعبرهم نهائي لمن سموها مفتريه هي مامفتريه بس التجربه المرت بيها خلت كرهت الرجال وبقت تتحشاهم
سلمي انغمست في الجامعه والمحاضرات بدت شويه شويه تنسا محمد وحبو
اتعرفت علي كم بت غير ريم بس علاقه مع ريم اقوي منهم
بقت طول اليوم هي ريم مع بعض طوالي ريم قاعد في داخليه مرت سلمي تمشي تقعد معاها
مرت السنه بي سرعه جات وقت الامتحانات سلمي مشت قعدت في الداخليه مع ريم علشان يزاكرن مع بعض
خصلت الامتحانات سلمي خلصت نجحت مشاء الله جات اوله الدفعه
يتبع.....
