وصلو اسره صلاح يوم الحنه قعدهم في شقه مدثر حتي حنين قعدت معاهم
سلمي كان مافيشه مشو السوق مشت مع منار طبعا جات العرس ولدت جابت بنوته سمتها هزار
ياسر من وصل يفتش لي سلمي ويتلفت يارب وينه مشت وين
قام لقي اخته الصغيره ضحي قالي لي وين سلمي ياضحي
قالت ليه مافيشه مشت السوق
هي طبعا لي كم يوم مااتكلمت مع ياسر مشغوله بتجهيزات العرس مكلمها انو عرس اخوانها
العصر جا رجعو من السوق ناس سلمي
شغالين في تجهيزات الحنه عاملين حفله
سلمي منار مشت سلمت علي حنين واهلها بس ماشافت ياسر كان قاعد في الصالون
قعدت اتونست شويه مع حنين
ونزلت غرفتها جهزت هدومها وحاجات الحفله مشت استحمت
قال امشي اتغد واجي اجهز احسن من بدري اخلص مااتاخر في اللبس
طبعا بي هناك قاعدين الرجال في الصالون ياسر قال ليهم لي ابوهو وحاج عمر انا عند معاكم كلام
انا والله سلمي بتك ياعم عمر
ابوه 😳😳😳😳اتفاجا قال الولد جادي قبل كده مارفضه هسي مالو
اكيد بيكون شافها وعجبتو الحمد لله حلمي اتحقق
حاج عمر ....والله انا ماعندي اي مانع ياولدي بس نشاور البت
كدي هسي خلي تنتهي الجوطه العرس دي وانا بشوف رايه
انت ولدنا ماعايزن سوال عنكً
ان شاء الله ياعم ربنا يسهل
بيقي يدعي يارب سلمي ماترفضني علشان قبل كده رفضتها
سلمي بهنا مشت اكلت قعد شويه اتونست مع منار وامها بتكلمو عن حاجات الحنه شيكو علي كل شي
مشت جهزت ولبست ليها فستان. لونو بي الكحلي مع اكسسوار فضي
عملت ليه مكياج خفيف
طلعت بره الحوش رجعت طلعت لي حنين في الشقه قالت اساله من شكلي من لبستي دي حلو
ياسر برضو لبس واتشيك لابس قميص بي الرمادي مع جكت ابيض والبنطلون اسود جزمه اسود
ياسر نزل من فوق الشقه وقف شويه في الهول في مرايه بشوف في نفسو جات داخله سلمي فاتحه جوالها سبحان الله عايزه ترسل لي ياسر رساله
قالت انا معتز دا طولت منو اشوف خبر شنو
داخله كدي شمت عطر مميز قالت الله اعطر دا ماغريب علي
رفعت راسه شافت ياسر بس كان مديها ظهرو
ماشايفه سمح بي قلبه شح كده بقا يدق
