مدثر شايل الجوال عايز يتصل لي مها اتصل عليها بس هي كان في الجامعه ماسمعت الجوال عامله صامت
هو منشغل بي الجوال فجاه ظهرت ليهو عربيه من من الاتجاه المقابل
عايز يتفادها وفقد التوازن العربيه مرقت بره الشارع فقد السيطره واتلقبت العربيه كم مره
ناس اتلمت واتصلو لي ناس الشرطه كان فاقد الوعي اسعفوها طوالي مستشفي الحوادث ام درمان لانو هو اصلا كان قرب يصل الخرطوم
الشرطه ماقادرين يفتحو التلفون لانو مقفول بي رقم سري قالو احسن شي ننتظر لمن يتصل اي احد
مها بعدماخلصت المحاضره مشيت الكفترياء معاه صحباتها
قعدو طلبو عصير ويتونسو مها طلع الجوال قالت انطمن علي مدثر وصل
لقت منو مكالمه قالت اكيد وصل عايز يكلمني
اتصلت عليه بعد كم جرس رد عسكري
مها ...الووو مدثر اها وصلت
العسكري مرحب وعليكم السلام
مها قالت ليه منو مع لقت دا ماصوت مدثر
وين صاحب التلفون دا
العسكري قال ليه صاحب التلفون دا بيقرب ليك شنو
مها ...انا زوجتو قلبه اكلها قالت ليهو مالو وين هو
العسكري ....والله صاحب التلفون دا عمل حادث
مها بقت تصرخ من قبل مايتم كلامو
واي. مدثر ماتت😭😭😭رمت التلفون
صحباتها اتخلعو واحده جات شالت التلفون اتكلمت مع العسكري
قالت ليه حصل ليه شنو
والله نحن جبناه الخرطوم هنا يادوب وصلنا المستشفي هو فاقد الوعي ماعارفين حاصل ليه شنو
صحبت مها قالت ليه طيب بنتصل ليك تاني بعد مسافه نشوف خبرو شنو
مشت تصبر في مها قالت ليها مدثر كويس يامها هو بس فاقد الوعي هسي هو في المستشفي عايزن يعرفو مالو ....ادعي ربنا انو يكون بخير بدل تعملي كده
الجامعه كلها اتلمت من صواريخ مها
من ضمنهم جا محمد ولد محي الدين شاف مها بتبكي شغاله مدثر مات
بعد شويه اغمي عليها
طوالي شال التلفون اتصل علي ابوه كلمو قال مدثر اتوفي في حادث
محي الدين اتخلع لاحوله ولاقوه الله بالله متين الكلام دا
والله ياابوي شايف مها في الجامعه بتبكي قالو اتصلو عليها ناس الشرطه كلمهوها
مها صحباتهابعد ماوعت شويهز ودوها بيتهم اصلا ماسكتت من البكاء....بقت كل شويه تتصل لي العسكري ،،،،، قالت ليهو عليك هو حي ماتكذب علي حي ولا مات
