ولكن شكون غيفهم هاذ الاحساس قدي
مامات الياس: مالك ابنتي واش قلت شي حاجه ماشي تلهيه سمحليا عفاك
الياس: نور واش كاينه شي حاجه
نور: لا ولو اخالتي غير فكرتيني فبابا توحشتو بشا امريكا انا تقريبا عايش بوحدي ماكين حد يسول فيا بلاما تخافي
الياس بقا كيشوف فيا
مامات الياس: او......ماماك ابنتي
ياربي واش هذي كتجيني نقطة الجرح سكت شويه والياس حس بشي حاجه بقا تيهدر معا ماماه بعينيه بحال كيبين ليها انها خلطات
نور: لا اخالتي ماما مايتا الله يرحمها وكيف ماقلت ليك بابا ديما مسافر منشوفو الا قليل ....و عائلتي هما صحابي صافي
الياس تصدم مكانش عارف
مامات الياس عنقتني و بستني حسيت بشيحاجه فرحه من داخل ديالي حنان حضن وحده كتعطف عليك وخا ماشي الام ديالي ولكن فاش حطات يديها على راسي و كتحك ليا راسي حسيت براحه كبيره وفرحه و دموع نزلو من عيني بوحدهم بلا من شعر حاولت نخبيهم
مامات الياس : كتبكي..... ابنتي حنا عائلتك مرحبا بيك هاد دار عرفاها وقت مابيغتي اجي تغداي معانا وجلسي بحال بنتي واكثر مكينش فرق بينك او بين الياس من ليوم حسبيني ماماك
بقيت كنبكي صراحه هاذ هدرة زوينه كتفرحك و كتوصل لقلبك خصوصا لكانت من قلب لقلب
نور: نتي فمقام ماما من ليوم اخالتي و هاذ دار بحال درنا ماكينش فرق والله نجي راسي بلاما تحتاجي تقوليها ليه الله يخليك لينا
وتعنقنا
الياس دمعو عينيه تفكر باباه انا وياه بحال بحال غير فرق الام ديالو معوداه شويه ماشي بحالي فراغ كبير
الياس: اتبقاو تبكيو خليونا نخرجو من هاذ جو
نور: جتك غيرا حيتاش اتولي ماما تانا
الياس: اه ماماتي
وجريتو بلا حشما وعنقتو معانا المهم درت سبا بماما ههه سعيده سميتها زوينه بحالها ضحكه ديلها بشوشه المهم مورها كلينا فرحنين كتعاود ليا ماما فريحه كيفاش كان صغير هههه كيدير فسروالو حشكوم بيبي و كان فيه ظاك مرض حتى وصل 6 ههههه بقينا كنضحو ورتني تصوار ديما زوين و هوا ولا حمر منغبيش عليكم عجبني داك دفئ عائيلي وخا دار صغيورا فرحانين بيها كون كان بابا يفهم انا فلوس ماشي هي سعاده غير اهتمام هي الاهم ولكن بابا عندو كلشي فلوس حياتي و مستقبلي و فرحتي كلها بغي يشريها بلفلوس عكس الياس رضين بقليل مرض ماماه و كلشي رغم ذلك فرحانين و ديك دار شحال جاتني جنه مسخيتش نمشي حتى حسيتهم جهم نعاس و عقت براسي ههه
نور: بشا الحال خاصني نمشي
سعيده: الله يابنيتي و نستيني عاد حسيت براسي عندي بنيا غزال بحالك
نور: هههه انشاء الله بقي نلاقو
سعيده: ضروري شي نهار ابنتي نمشو حمام و اجي باتي معيا نباتو نشاط اهو شاط هههههه
نور: هههه وخا ضروري الياس الياس
كان نعس مسكين
الياس: نع.....نعااام اه نور ويه
نور: متنساش غدا صافي انسيفط ليك ميساج
الياس: لا صافي كوني هنيا ياالاه نوصلك باب
نور: بسلامه اماماتي ههه
سعيده: الله يرضي عليك ابنتي صبحي على خير
المهم وصلني الباب
الياس: صبحي على خير انور
صراحه فاش سمعت سميتي من فمو فرحت بقيت سهيا وانا نشدو سلمت عليه من حنك
نور: باي الياس
بقا مصدوم وقيالا ممولفش بقا كيشوف ليمن ليسر فوق التحت بحال ناس ايخرجو لو من حيوط ركبت انا فطنوبيل فرحانه اني قدرت نطور علاقتنا و صراحه كان عجبني الاحساس تكون عندي مره بحال كاماه سعيد فحياتي ماشي غير حيث مامات الياس ولكن حيتاش كانت حنينه وانا غدا كنفكر فقصتي و مبتسم طريق كلها انطير بل فرحه قريب انوصل ليه انخد قلبو ياربي يتحقق هاذ الحلم
أنت تقرأ
الٲمل رجوع
Romansaقصة مغربيه عن فتاة متعجرفه تقع في حب شخص فقير ينهي تعجرفها لكن هل يمكن ان ان تكمل سعادتها ؟ لمعرفة دلك اضغط زر قراءه قصص مغربيه بدارجه
