الرؤيا من القلب

بارت 2

بده عباس يقرض امي وتتراكم المبالغ على والدتي ظ لذالك كتبت قصتي حتى احذر الناس الفقره من هاي الظاهره ومن مافيات الفايز اني جنت طالبه سادس علمي من تمرض والدي وطلعلي خوش معدل بس مرض والدي خلاني ماكمل لان بدت تسؤ حالتنا الماديه بعنا كلشي من اثاث وذهب مبقى شي عدنا وامي اقترضت من عباس لحد مايطلع راتب والدي التقاعدي وتسدده وبده عباس يهدد امي بالوصولات والقتل اذا متسدد جان طامع بالبيت توفى والدي وراتبه بسبب الروتين بعده مطالع واهل امي يطلبونا واهل ابويا يطلبونا الكل يريد فلوسه بيوم طلعت ويا امي حتى نروح لبيت بيبتي بلكي يساعدونا جان ماعدنا شي ناكله  تلاكينا ويا عباس ابو الفايز كام يحجي ويا امي بصيغة تهديد ويباوع عليا بنضره ما ارتاحيت الها حسيت بنضراتها محلوه
عباس..ام سجى اني مانتضر التقاعد محتاج الفلوس
ام سجى..يمه عباس انت تشوف حالتنا والله عشا ماعدنا
عباس..اني دينت من ناس وانطيتج والناس محتاجين فلوسهم وهسه دزولي كوامه اذا مارجعلهم الفلوس يدكون بيتنا
ام سجى..فدوه عباس انطيني مجال ادبرهن منين اجيبلك
عباس..عندي ناس تشتري بيتكم وفلوسهم جاهزه ام سجى اني اذا دكو بيتي اجي ادك بيتكم واحركه فوك زينيتي وياكم
ام سجى..عباس انت الفلوس الي انطيتها الي كلهن 12 مليون شلون صارن 80 مليون ومنين اجيب
عباس..هاي فوك ماساعدتج كتلج الي راح اتكفلج يمهم يريدون ربح انتي الظاهر متريدين تدفعين
عافنا وراح عصبي
رحنا لبيت بيبيتي حجت ويا بيبيتي ماعندي خوال زلم بس خاله وحده وزوجها جبان ميدخل وراها رحنا لبيت اهل ابويا عندي عم طبيب يخاف على نفسه يدخل وعد والدتي ينطيها 6 مليون زوجته سمعت كامت تبجي وتعاركت طلعنا من يمهم ماعدنا ظهر غير الله عزوجل لاعمام ولاخوال لحكنا عمي بسيارته انطانا مليون نمشي امورنا شويا على الاقل كاعدين بالبيت المغرب محسينا الاطلقات على بيتنا كلش خفنا زرفو البيت وكسرو الجام وره مراحو اجه جيرانا على امي كال هاي دكم عباس هذا تهديد بالقتل اذا متدفعون ليش ورطتو نفسكم امي هم لبست عبايتها وراحت لعباس بلكي ينطيها مهله
ام سجى..عباس انطينا مهله خلي ارتب اموري ابيع البيت وين اودي الجهال بالشارع
عباس..عندي حل الج ام سجى تبقين بيتج ومحد يندك بيج وتعيشين براتب ابو سجى اني اطلعه الج
ام سجى..ابوس ايدك حلها شلون
عباس..اتزوج سجى واني اسدد الدين واشتري منج نص البيت
ام سجى..عباس انت متزوج وهاي طفله
عباس..لعد بيعي البيت واسكني الشارع انتي واطفالج معليا باجر اريد الفلوس والا هذوله عشاير يكتلون ولدج يريدون فلوسهم
ام سجى..دخيلك عباس كلشي ولا ولدي انطيني مهله لباجر افكر
...
رجعت امي تبجي وكالتلي على اقتراح عباس لو القتل احنا عايشين بغابه ماكو قانون الا العشاير والعشاير راحت الشيوخ الاصيله هسه كلهم لابسين عكل وهم عصابات وباطل بقيت ابجي على حظي طول الليل جنت احب امي واخوتي الصغار واخاف عليهم ماكو غير حل اوافق بس بدون مياخذ نص البيت يعتبر سداد المبلغ مهري كلت اني احجي ويا عباس دزيت امي اجه عباس وراها يمشي
سجى..عباس امي كالت على اقتراحك اني موافقه بشرط تسدد المبلغ بدون منكتب باسمك نص البيت
عباس..ليش متزوج بنت الشابندر
سجى ..هذا الحل لو تكتلنا كلنا ومتحصل شي من عدنا
عباس..اؤف ميخالف اني مشتريج واريدج
باجر اجيب السيد يعقدلنا
سجى..تجيب الوصولات ونعقد بالمحكمه
عباس..صار ست سجى تحت امرج
طبعا عباس متزوج وميخلف وشافني صغيره وحلوه وطمع بيا وبلكي اجيبله جهال عنده فلوس واملاك وينطي للناس فلوس بالفايز وعنده عصابه يهددون ومستعدين يقتلون محد بالمنطقه يحجي وياه حتى
مرتبط بمليشيا ويحجي بالدين والدين بريء منه يمتص بدم المحتاجين ويبتزهم المهم صار العقد وتزوجته اتخذني خدامه اله ولزوجته العاكر خدمه ونوم مشفت راحه جان عمره ب45 واني توني 18 زوجته شوفتني انواع الظلم تموت من يجيني بالليل واني جنت اكره جيته يغتصبني بقوه وبلا رحمه حتى بوسته بقوه محسسني بيوم اني زوجته حسيت اني جاريه اله وخدامه لزوجته الصبح يطلع زوجته تكعدني وتسممني بحجيها امج باعتج انتو فكر بيوم متحملت انفجرت بيها
سجى..لازم نسيتي نفسج من جان زوجج عتاك يلم عتيك وجان حوشكم متروس عتيك
ضرتها..ولج طلع لسانج اليوم ابوج احركه
وكفشتني وعضتني وسحلتني بالحوش وبالصونده كرمعتني ومن اجه عباس كالتله لزمني عباس كرمعني وبقيت يومين بلا اكل بالكوه اشرب مي وجسمي مورم بقيت اشهر هيج طبعا عباس كلش بخيل يجيب فاكهه نص كيلو يضمه يم ضرتي والاكل بمقدار هم يتريكون يجيب علبة قشطه لو جبن اكعد اكل الباقي منهم لو اكل خبز وجاي ملابس اجه الشتا واني البس صيفي بيوم صبحت بردانه ونفسي تلعب اجيت لكيت باقي جاي وخبز مخلصين القشطه باقي منها شويا بالماعون اكلت توني كمت ازوع متحملت وتخربطت رجع عباس الظهر شافني نايمه وبس ازوع اخذني للقابله الي بصفنا بشرته اني حامل فرح عباس بس ضرتي انكلب وجها عباس وصى ضرتي انه داريني بالليل جنت نايمه كمت للتواليت اتمشى سمعت عباس يحجي ويا ضرتي
عباس..لازم داريها هذا الطفل جنت احلم بيه سنين
ضرتي..عباس اشو كمت تحن الها نسيت اتفاقنا اذا جابت ولد اخذه
عباس..هو الج وعلمودج حبيبتي
ضرتي..عباس اخاف تاخذك مني هاي من تخلف انت البيت مسجله باسمي والفرن وفلوسك يمي وسرك يمي
عباس..هاي شنو تاخذني منج انتي الخير والبركه ناخذ الطفله ونشمرها لاهلها بعد ماخذ نص بيتهم
خوما اطلع خسران منطي بيها 12 مليون مهر
..
الكاتب..ابو احمد القيسي
...
اني من سمعت هيج بالاول فرحت مجنت احس بمشاعر تجاه ابني الي بطني عباس بده ميضربني ويخاف يتقربلي اطرح خلصت منه بس هاي زوجته بقت تسمعني حجي ومرات تضربني على وجهي شي خفيف جنت منتضره اولد حتى اخلص منهم ومن عباس
...
للحديث تتمه فعلا راح تخلص سجى من عباس لولا تبقى عبده اله للمرابي الجشع
احب اسمع ارائكم وتعليقاتكم تنطيني حماس اكملها
#امجد ابو احمد القيسي