الرؤيا من القلب

بارت11

من سمعت هلاهل اهل جمال اتاكدت فعلا اكو خطوبه بالموضوع رجعت حاول سراج ياخذني لكورنيش الاعظميه نغير جو وافقت ماكدر ارجع للبيت كلشي يذكرني بسجى فعلا حسيت خسرتها للابد رن موبايل المتصل سجى مجاوبت ليش تتصل هي مخطوبه
..
من اجوي اهل جمال امي استقبلتهم اني بقيت قلقه على عمار اخاف يجي ليش اتاخر اتصل بيه اكله لاتجي احجيله على جمال لازم يعرف دخلت كعدت ويا خوات جمال وراها دخلت للمطبخ متحملت اتصلت بعمار ميجاوب اجتي امي
ام سجى..يمه تعالي كعدي ويا البنات
سجى..يمه ماتزوج شبيج افهمي
ام سجى..غصب عليج تتزوجين فهمتي
سجى..كافي بعت روحي لعباس علمودكم هسه تريدين تبيعيني لجمال ليش مو بنت
ام سجى..يمه فدوه اني مدايمتلج وانتي عندج بنيه واخوتج صغار منو اللهم
سجى..يعني جمال راح يخليني اللهم واجيبهم يمي ماريد يمه اروحلج فدوه اعتقيني خليني اربي بنتي
ام سجى ..بنيتي والله حرامات جمال خوش ولد وابن ناس وهسه كاعد تشوفين هوايه بنات كاعدات بلازواج
سجى..يمه بس افهميني اني اخذت حظي من الحياة اريد اكعد على راس بنتي
ام سجى..كومي ودي الشربت خلي ارضى عنج
سجى..وديت الشربت وتالي اوافق لاماوافق
كمت اخذت الشربت تلكني خوات جمال قدمت الشرب ردت اكعد يم امي وحده من خواته اجتي كعدت يمنه ها عروستنا جاوبتها انطوني مهله افكر
اريد ادفعهم بس شويا شويا كالو اسبوع ننتضر جوابكم وراحو اخذت فطومه لغرفتي هم جربت اتصل بعمار ميجاوب
..
رحنا اني وسراج كعدنا على الكورنيش بس صدك حصرتني البجيه اول مره احس بالحب واحب انسانه وتروح من ايدي
عمار..سراج مابقتلي عيشه بالعراق راح اطلع يم اخوتي بره
سراج..واني مو اخوك المن تعوفني ماعندي غيرك اخ وصديق
عمار..انت اخويا وصديقي بس ماكدر ادخل البيت صدك حبيتها لسجى وحبيت فاطمه بس ليش هيج احب وحده وتحب غيري اخ سراج ماكدر ابيع البيت ذكريات ابويا وامي وطفولتي بيه
وهسه ذكريات سجى وفطومه وضحكاتها
سراج..ليش من تتصل سجى متجاوبها وتعرف شتريد
عمار ..سراج شبيك سجى مخطوبه ليش تتصل تالي عمري العب على اعراض الناس
اذا هي لعوب وكدرت تلعب عليا وعلى جمال اني ماتقبلها على نفسي العب
سراج..تعرف عمار هوايه يتمنون شخص مثلك وسجى ماتصورها لعوب من بقت بيتك بيوم حسيت فلوسك نقص او اتصلت بشخص انت تطلع للدوام تكدر تلعب براحتها اكو سر بالموضوع تحب اخذ زوجتي ونروح نفهم منها
عمار ..لا ارجوك شنو هسه تكول يتوسل بيا ماعندي كرامه اني بس تكمل الامتحانات اني اهاجر ماكدر ابقى بالعراق اخوتي كاعد يلحون اهاجر
...
امي اجتي بقت تقنع بيا وتلح بقت اسبوع وراح اغضب عليج اذا متوافقين ومن هذني سوالف الامهات واني اتصل بعمار ميجاوب ابد جبرتني امي اوافق اني مطلقه وبدت الناس تطمع من سمعو راح فطومه يطلعلها ورث حتى السيد ابو النسوان تقدملي وهو بعمر والدي اقارب عباس نفسهم اجوي يتقدمون اجه واحد من شفته ماعرف ليش خفت عبالك شايفته بحلم من اقارب عباس وزهره نضراته محلوه الوضع خلاني اوافق على جمال حتى اطلع من المنطقه منطقة جمال حلوه راقيه جمال كلش فرح وخواته حاولت اكون لجمال وفيه حذفت رقم عمار بس بكلبي حسره حتى فاطمه من يتقربلها جمال تتململ مو مثل عمار تضحك وياه طلعت اني وجمال وامي واخته علمود النيشان نجيبه ويسوون حفلة نيشان ومهر وقررت جمال خلال شهر يتم الزواج ويكون شهر عسل بتركيا خفت احجي لجمال عن هروبي من عباس وبقائي بيت عمار جنت اعرف عمار مهما يكون مراح بيوم يحاول يفضحني عندي يقين اخلاقه عاليه
..
مابقى شي تخلص السنه الدراسيه رتبت ويا اخوتي يدزولي فيزه قررت اطلع لتركيا ومناك لامريكا اخويا محضرلي اخت زوجته عراقيه خوش بنيه هم اتزوجها وهم احصل اقامه اذا تزوجتها تقريبا مر شهر من رحنا لسجى وشفنا جمال واهله سراج اخذ اللاب توب المكسور علمود يطلع الهارد منه ويطلع المسرحيه الي كاتبها اني كاعد بالشباك رن موبايلي المتصل سراج
عمار..الو هلو صديقي
سراج..هلو عمار انت وين
عمار..وين قابل بالبيت
سراج ..عندي شغله ضروريه هسه جايك
عمار..خير قلقتني
سراج..هسه اجي وافهمك كل الخير ان شاء الله
انتضرت سراج صدك قلقني شنو هو الموضوع الهام الي يخليها يجيني بنص الليل
تقريبا 15 ساعه حسيت وكفت سيارت سراج كدام الباب استقبلته كعدنا
سراج..عمار انت اخويا تتذكر اخذت اللاب توب مالتك علمود المسرحيه
عمار..اي شبيها علمود المسرحيه جاي بنص الليل
سراج ..لا بس لكيت شي حاب تسمعه راح اشغله الك وانت اسمع براحتك واحكم
سراج شغل تسجيل صوت سجى
مرحبا عمار راح ارجع لبيت والدتي واخلصك من المسؤوليه لان حسيتك البارحه متريدنا بس حبيت اكلك شي اني فطومه عشنا احلى ايام وياك انت انسان نبيل وشهم وطيب وكريم جنت ويايه تمنيت من كل كلبي تكون انت مكان عباس ولو هذا الشي مو من حقي لان اني على ذمة رجال عمار اني معشت مراهقه ولابيوم حسيت بحب اتجاه شاب وعباس من تزوجتي محسيت غير بكره نحوه بسبب تصرفاته انت الوحيد الي حسيت بالراحه والسعاده وياه جنا ننتضرك اني وفطومه ترجع علمو نكعد ناكل ونضحك حسيت بجو عائلي رغم ماجنت عايشه بخوف من عباس ومصيري ابقى هاربه انتي هوايه امور حببتني بيك عاملتني باحترام وجنت ويايه كلش كريم حجيتلك عن عباس وبخله حتى اتجاه بنته فاطمه وانت جنت كلش كريم وياها وهي مو بنتك اني راح ارجع لوالدتي واطلب الطلاك من عباس وانتضرك راح نشتاقلك اني وفطومه ماعرف شنو السبب الي خلاك تطردنا بس اني مسامحتك
صوت بجي ودموع نهاية التسجيل
سراج..ها عمار مو ظلمنا البنيه واستعجلت انت بالحكم
عمار ..سراج وخطوبتها من جمال شلون
سراج ..باجر نروح ونفهم منها انت بقيت بارد وخايف تتقدم هي اتصلت بيك اكثر من مره مراضي تسمعها
عمار..هي هم من اتصل متحجي
سراج..العتب مو عليها هي بنيه انت رجال تكون جريء وتصارحها ليش تعتب عليها
عمار..هسه صار صوجي من رجعتلها فاطمه ليش مكالتلي كلمه حلوه
سراج..اي صوجك وشنو مسوي منيه رجعتلها فاطمه وتريد تتلكاك كدام الناس تكلك احبك تقبلها انت
عمار..اي صح اني جنت خواف سراج من حقي اخاف ترفضني لان اني اعمى
سراج..العمى مو عيب هوايه ناس تشوف مثل عباس وكلبهم اعمى انتي عندك كلب طيب وكل المواصفات الي تريدها البنيه وسجى خوش بنيه عاشت ويانا مشفنا منها شي محلو ومن خوفها على بنتها حتى الكليه تتركها ومن اخذت فلوس وزعتهن لو غيرها تكيف على الفلوس عمار لازم نلحكها لسجى ومنتركها لجمال
عمار..واذا عاقدين شلون نطلب من جمال يطلكها
سراج..نحجي وياها واذا توافق نطلكها شنو يعني
عمار..اذا تحبني ليش توافق على جمال ليش محجت
سراج..رجعنا نعيد ونصقل بالكلام كتلك البنيه تاركتلك رساله وحاولت تتصل بيك وانت مجنت تفهم السبب اثنينكم اول حب بحياتكم اول علاقه اثنينكم خايفين من الرفض المهم هسه نرجعها ممشتاق لسجى وفاطمه
ماريدك تسافر واخسرك انت صديقي من جنا طلاب واغلى من اخوتي من يوم فكرت بالسفر واني اللوب اتمنى متسافر
عمار..اني هم يعز عليا اسافر واتركك انت عندي اغلى من اخوتي واحبك اذا مرجعت سجى تعال ويايه لامريكا مابقيك هنا
سراج..رجعنا نفكر بالسفر ليش متفكر نرجع سجى وفطومه لبيتك جنت اشوفك من هن يمك ارتاح اشوفك كلش سعيد وفرحان ان شاء الله ترجعلك سجى وفطومه
عمار..ان شاء الله
نمت ذيج الليله كل شويا اشغل التسجيل واسمع كلام سجى واخيرا اتاكدت من حبها الي كمت اتخيل فطومه وضحكتها وسجى من تتلكاني بالبيت من ارجع ونكعد ناكل وبالليل نتعلل نكعد نسولف تمددت مبتسم احلم بسجى اتمنى لو بس يرجعلي نضري لحضه اشوف بيها سجى
..
سجى طلعنا جبنا النيشان والذهب والملابس امي اتفقت ويا جمال على ان يستعجل بدت مسجات تهديد توصلني على الفيس اني لازم افسخ  خطوبتي بجمال والا تصيرلي فضيحه مافهمت شنو المغزى وشنو الفضيحه عمري كله ممسويه علاقه حجيت ويا امي
سجى..يمه هاي مسجات تجيني تكلي اذا مافصخ الخطوبه راح يفضحني والله مغلطانه ويا بشر ليش هيج يصير بيا ولا اذيت بشر
ام سجى ..بنتي هذا واحد مغثوث من هذوله الحثاله الي خطبوج يريد يخربها لاتخافين انتي بنتي واثقه منج شيريدون يسون مثلا يحجون اني اتفقت ويا جمال يستعجل لان هوايه طمعانين بيج علمود الورث مال فاطمه
سجى..يمه مو اخاف يكولون لجمال جانت مهزومه 4 اشهر
ام سجى..اتفقت ويا خالتج نبقى نفس الحجايه وجمال مشتريج
سجى...بس حاسه نفسي اكذب وماريد ابده حياتي بكذب
ام سجى..انتي غلقي هذا البيس بوك ومعليج
سجى..يمه فيس بوك مو بيس بوك ههههه
ام سجى..سديه بنتي ولاتخافين الله الي يسترنا من ولد الحرام
...
ثاني يوم اجه سراج ورحنا لبيت سجى لكينا امها بالمحل سلمنا عليها
عمار..شلونج خاله
ام سجى..هلا يمه ليش هل الغيبه احنا يوميه بطاريك اني وسجى مننسى فضلك يوم رجعت فطومه هذا دين بركبتنا
عمار..خاله جاي اليوم احجي ويا سجى
ام سجى..ها ليش سجى يم بيت خالتها كاعده تتحضر لعرسها
عمار..ياعرس خاله رايدها دقيقتين
ام سجى..يمه ارجوك انت صاحب فضل علينا ومننساه للموت لاتضيع فضلك وتسوي منيه
عمار..خاله شتحجين ليش اخرب عرسها ياساتر رايدها بكلمتين بس
ام سجى..يمه كتلك سجى عرسها الخميس وهسه يم خالتها تتحضر
عمار..هذا موصوت فاطمه بالحوش خاله
ام سجى..اي خلتها يمي وراحت
عمار..اوك اشكرج خاله
رجعت لسراج بس عرفت كاعده تكذب يوم الي عرفت سجى تحبني هي راح تتزوج صدك تمنيت اموت
..
سجى جنت بالمطبخ واباوع لفطومه بالحوش تلعب ويا اخويا الصغير احتاجيت بهارات طلعت اخذ من دكان امي شفت امي تخربطت تباوع عليا وتباع بره الدكان مديت راسي شفت عمار صعد بسيارة سراج وراحو
سجى..يمه هذا مو عمار ليش جان جاي
ام سجى..توني ردت اصيحج هو راح كال اجيت اطمئن عليكم
...
للحديث تتمه هل ستتزوج جمال ويهاجر عمار
اسف للتاخر بالكتابه