من بتت بيت استاذ عمار لاول مره حسيت بالامان والراحه حضنت بنتي ونمت صحيت الصبح بس جسمي بعده يون عليا ومكسره من الكتل الي شفته من عباس وزهره غسلت لبنتي ورضعتها وغسلت وجهي اباوع وجهي مزورك حسبت على عباس وزهره لان ظلموني
عمار..صباح الخير
سجى..صباح النور اسفه ازعجتك
عمار..لاعيني ماكو ازعاج
سجى..اشكرك اني هسه ابدل واطلع تعبتك
ياربي شلبس هو ثوب نوم مشكك وعبايه وين اروح بقيت صافنه
عمار..تريكي واحجيلي سالفتج تره عايش بحدي تجي ام ابراهيم كل يومين تنضف البيت وتغسل هدومي وتطبخلي اليوم متجي اخذي راحتج
سجى..اشكرك الصراحه ماعرف شحجيلك اني مظلومه وطكت الدمعه من عيني متحملت
عمار..ارتاحي وتريكي وعلى راحتج
كام يريد يسوي جاي سبقته
سجى..استراح استاذ اني اسويلك كلشي سويتله فطور وجاي قدمتله فكرت اطلب منه ابقى يمه ماعندي مكان اروحله وين اروح من طلعت مهزومه جنت خايفه وهسه خوفي اكبر
استاذ اكدر اطلب منك طلب بعد ماحجيلك قصتي
عمار..لاتحجين هسه شي اني منتضر صديقي سراج يجي ياخذني للدوام ابقي انتي ارتاحي من نرجع نسولف
سجى..اشكرك هوايه استاذ
...
عمار ماعرف شنو خلاني اطلب منها تبقى ماعرفها ولااعرف شنو مشكلتها جايز تجيبلي مشكله بس مبينه من صوتها حبابه وفقيره ومحتاجه لصديق يساعدها اخاف تطلع مجتمعنا ميرحم هي لو مومجبره مجان نامت جوه الاشجار وياها طفله رضيعه حسيت على الهورن مال سيارة صديقي سراج
معرفتكم على سراج هو مو بس صديق هو اخ الي وعيوني الي اشوف بيهن العالم طيب وشهم يجي الصبح ياخذني للدوام يداوم ويايه بالمسرح الوطني دائما سراج وزوجته شايلين همي ويريدون يزوجوني بكل حفله يعزموني ويقدمولي عروسه بس اني جنت ابحث عن حبيبه تكون زوجه اميره من العصور الوسطى
سراج..يلا عمار اتاخرنا والطريق ازدحام
عمار..دقيقه شبيك رجعت دخلت للبيت وصيتها متفتح الباب لواحد ورجعت صعدت ويا سراج بس بالي يمها
سراج..نحن هنا شبيك عمار وين بالك اكيد عندك قصه جديده ويبتسم
عمار..اي فعلا قصه ويمكن درامه ماعرف سراج لاتشوش افكاري بالي يم هاي البنيه شنو قصتها
سراج..عمار اليوم انت موطبيعي احجيلي
عمار..من احجيلك راح تاكل راسي ماحجيلك احسن
سراج..قلقتني ياخويا احجي صاير شي
عمار..البارحه بنص الليل جنت كاعد يم الشباك على الحديقه اسمع مثل كل مره ام كلثوم
سراج..اي كمل
عمار..بس وعد متاكل راسي وتقلق
سراج..قلقتني اكثر احجي يمعود
عمار..سمعت صوت بحديقتي وحده تبجي وطلعت اسئلها
سراج..اي وباكوك طلعو عصابه اي اعرف خططهم
عمار..لايمعود اصبر
سراج..اي كمل رادت تقتلك مو اعرفهن عصابات
عمار..انطيني مجال شبيك
سراج..كمل طلع وياها واحد طب باك البيت وهي تلهي بيك اعرفهن
عمار..كافي مراح احجي
سراج..شبيك سكتت احجي شسوتلك اعرفهن
عمار..انت احجي شتعرفهن بطلت اني
سراج..لا سكتت كمل شسوت هي وعصابتها
عمار..لا اله الا الله طلعت كالت عفيه اريد ادخل للحمام اغسل لبنتي
سراج..اي وصدكت دخلتها وباكت فلوسك
عمار..تسكت لو انزل
سراج..على شنو من وصلنا تهددني يلا انزل
عمار..دخلتها للحمام غسلت لبنتها وغسلت هي حسيتها جوعانه خطيه دخلتها للمطبخ اكلت وباتت يمي
سراج..والصبح كعدت مبيوك بيتك
عمار..لايمعود مبينه فقيره واكعه بمشكله وماعدها احد هسه هي بيتي
سراج..شنووو بيتك بعدها بابا هذني عصابات هسه بيتك شالو الاثاث كله
عمار..علواه ماعندي فلوس عمال اني اريد اجدده
سراج..عمار صدك تحجي شعرفت منها وتبقيها امشي نرجع
عمار..لا خليها خليت فلوس فوك الثلاجه اذا حراميه راح تبوكهن وتروح واذا مباكتهن اعرف قصته
سراج..كل عقلك عمار طلعت قاتله ومهزومه لو مهزومه من اهلها ويدورون عليها وعشاير ومشاكل اخويا هسه اتصل بزوجتي تاخذ اجازه تروح يمها وتعرف شنو مشكلتها وتنطيها جم فلوس ودعبلها مابينا حيل مشاكل وهل المره لكيتلك معلمه ملتزمه وحبابه تتزوجها غصب عنك اريد انام بالليل واني مطمئن على اخويا
عمار..كتلك سراج ماتزوج وحده زواج تقليدي اريد وحده تحبني تعشقني لشخصي
سراج..كومه عندك معجبات بس انت ماعرف شبيك اصلا روايات من تنزل للسوك كومه مسجات اعجاب تجيك على موقعك
عمار..ماعرف سراج ماحس باي شعور تجاه النساء
سراج..وهسه هاي شلون منروح نشوف شسوت ماسوت
عمار..كافي يلا خلي نبده البروفات على المسرحيه
...
الكاتب ابو احمد القيسي
...
بديت افكر بقصتها فضولي ككاتب خلاني افكر واريد اعرف قصتها اني استخدم برامج ناطقه على الايفون تساعدني بالقراه والكتابه اريد اكمل البروفه على مسرحيتي الجديده حتى ارجع للبيت وتحجيلي قصتها بس مستحي اخاف تخجل تحجي اخليها براحتها بالليل طلبت ملابس بطريق رجعتي اشتريلها خطيه مبينه فقيره
عمار..سراج بطريقنا اوكف يم ابو الملابس
سراج..ليش
عمار..خطيه هاي البنيه يمكن ماعدها ملابس طلبت مني وانطيتها تراك مالتي
سراج..تدلل شكد كلبك طيب واني هم من جيبي اتبرعلها خلي نتشارك بالخير
عمار..اعرفك طيب
رجعنا بالطريق ردنا ناخذ بس معرفنا المقاس لان اني كفيف ماشوف وسراج مشايفها قررنا نرجع حتى يشوف مقاسها واتاكد من الفلوس فوك الثلاجه
...
طلع عمار رتبت المطبخ شفت فلوس فوك الثلاجه متقربتلها خطيه هذا مخليهن وناسيهن يمكن لان كفيف وميندلهن من يرجع اذكره بيهن كعدت غسلت لفطومه الله بس تضحك متعرف شلون ظلمني ابوها الحمدلله بعدها صغيره بس وين ياربي اروح من يرجع عمار اتفق وياه ابقى انضف واطبخله وحتى لو ابات بالمطبخ البارحه الي صار بيا بالليل موتني من الخوف سيارات كل شويا توكف وتسمعني حجي وشباب لحكوني ربي يوافق عمار وابقى انت احميني يارب واحمي امي واخوتي ماعدنا غيرك يارب صار الظهر فتحت الثلاجه لكيت انواع الاكل جوعانه بس كلت ويا نفسي ماريد هسه يكول مشايفه لو حراميه خلي اصبر
..
عمار رجعت من فتحت الباب صحت بصوت عالي بسم الله السلام عليكم خطيه اخاف افززها او نايمه حتى تحس اجيت
سجى..هلو استاذ رجعت
عمار..اريد اعرفج بصديقي سراج واخويا
سجى..اهلا بيك وبيه استاذ بس استغربت ليش يعرفني
عمار..سراج تعال ادخل هاي البنيه
سراج..السلام عليكم شلونج اختي يباوع عليها من فوك ليجوه بفضول وحتى ياخذ قياسها
سجى..هلا بيك اخويا من تشوف نضرات سراج تلم الستره مال التراك بخجل
عمار..ها خويا شفتها يلا خلي نروح
سراج ..يلا اخويا موكتلي عدها طفل
عمار..اختي وين الطفل
سجى..ليش استاذ والله ممسويه شي عفيه لاتبلغ الشرطه هسه احذ بنتي ونطلع
عمار..لا اختي افتهمتي غلط اني وصديقي نريد نشتريلكم ملابس
سراج..اختي اطمئني واحمدي الله وكعج باستاذ عمار الطيب لاتخافين
سجى..اني اشكركم ماريد منكم شي عفيه
عمار..اتركها يلا خلي نروح ونرجع اختي اكو بالثلاجه اكل طلعي حضريه حتى نتغده سوه ساعه وراجعين
..
للكاتب ابو احمد القيسي
...
طلعنا اشترالها سراج وخابر زوجته علمته على المقاسات واحتياجات المره وفهمها ان كرايب عمار جايته خطار ومحتاجه اشترينا للطفله واتفقنا سراج يجيب زوجته تتعرف عليها
رجعنا وصلني سراج للباب ودخل الغراض من الباب وراح
عمار..السلام عليكم
سجى..جنت بالمطبخ من سمعت الباب انفتح من سمعت صوت عمار مديت راسي هوايه علاليك يم رجله
عمار..تعالي اختي هذني كلهن الج وللطفله
سجى..اشكرك اخي ليش هيج تعال بالاول ارتاح حتى اكدر احجي وياك واطلب منك طلب
عمار...بس اغسل علما تحضرين السفره بالمطبخ اليوم سراج يجيب زوجته تتعرف عليج كللها اقاربي
سجى..استاذ اني مهزومه من زوجي
عمار ..نكعد نتغده وسولفيلي احب اسمعج دخلت اغسل وجهي ورحت بدلت بيجاما ورحت للمطبخ اريد اكعد اتغده شميت ريحة الاكل تذكرت والدتي من ننجمع على السفره من سافرو اخوتي لومو سراج اطك واموت الوحده تموت
سجى..استاذ سويتلك زلاطه وحميت الباميا ماعرف شتحب انا
عمار..بالغده احب هيج اكل تمن ومرك بالعشا نواشف دائما اطلع واحمي بالاوفن وين الزلاطه قربيها يمي خلي اضوكها
سجى ..تفضل قربت الصحن كدامه مال الزلاطه
عمار..الله صدك طيبه عاشت ايدج بنت شنو اسمها
سجى..اسمها فاطمه عمرها 5 اشهر
عمار..الله يخليها الج يارب
سجى..استاذ اريد اطلب منك طلب بعد متعرف قصتي
عمار..سولفي عيني
سجى..حجيتله كلشي لحد ماوصلت من ضربني عباس وانهزمت كلش تاثر استاذ اكدر ابقى يمك انضف واطبخ بس اطلع للشارع الناس تاكلني
عمار..بشرط مطلعين لان اخاف يشوفج واحد ويعرفج وتصيرلي مشكله انتي شفتي اني عايش وحيد وبعيد عن المشاكل
سجى..اشكرك استاذ اني اخاف اطلع وهسه كلبي نار على امي واخوتي ماعرف شصارلهم
عمار..لاتخافين عليهم باقي ناس عدهم مروه ورحم وميكدر عباس يسويلهم شي الحمدلله
سجى..استاذ ماكلت شي اصبلك الجاي
عمار..راح اغسل واروح اكعد بالصاله احب اشرب الجاي اريد ابده بقصتج اكتبها عجبتني تسمحيلي لولا
سجى..اكيد استاذ انت فضلت عليا
عمار..لا سجى اي عراقي شريف مكاني ميخليج تنامين بالشارع وهذا بيتج ان شاء الله
....
للحديث تتمه
#امجد
أنت تقرأ
الرؤيا من القلب
Storie d'amoreكاتب مسرحي كفيف يجد امراه وطفلتها في حديقته فيتعاطف مع المراه وياؤيها وتحكي له قصتها كيف اشتراها رجل مرابي من امها بعد وفاة ابيها وكثرة الديون على امها ساومها بين السجن وبين ان تبيع ابنتها ياترى هل تعرف الراحه الفتاة مع طفلتها ام مكتوب عليها الشقاء
