منذ الازل و الى الابد

بارت 57

💎منذ الأزل وإلى الأبد💎
♨سكينة أيت الكبير♨

وردةالبنت لي كانت كلها حيوية ونشاط تدمرات وطاحت للارض..درفات دموع الدم ودفعات ثمن قدر ..بكات فحضن مها حتا عيات وتهدات..كتحس بحياتها ولات لاشيء..
اسوأ حاجة ممكن توقع لأي بنت هي أنها تتعرض لشي موقف اخليها تخاف..والاسوا هو الاغتصاب ..الضاهرة لي ولات فمجتمعنا..كيخسرو البنت ويضيعوها..اشباه الرجال..كيستاغلو ضعفها وقلة حيلتها..ويخليوها بصمة عار على مجمتمع غيتعاطف فالاول ولكن في الاخير غتبقاي ديما مغتاصبة يعني خسرتي راسك فالحرام واخا تكون ماشي بإرادتك لمهم راك وليتي ماشي بنت..
****
محمد فاق على صوت توبة كتدمع وطالقا زواكتها..ملقاتش حداها وردة لي ولفاتها فوقت قصير..حل عينيه وهزها عندو كيسكت فيها وكيستغرب من عدم وجود وردة..سكتها وحطها فوق الناموسية..كتكمع وتبكي..ناض زاعف على وردة لي عرفها أنها دارت لي فراسها وخلاتو منشور وخرجات من الخدمة..دخل للدوش دوش بالخف باش ميتعطلش على بنتو ..وخرج بدل حوايجو معصب وحالفها فوردة..طلع الدم من تصرفاتها الضبيانية..هز بنتو وداها يقاد ليها البيبرون..عطاها ليها بالتحزار والتبزار حيت مولفا وردة لي تعطيها ليها..بدل ليها الليكوش وخرج هازها معصب وغرضو وردة اكشكش عليها..طلع بنتو لور تالاوطو..وهو القدام..ساق وديركت لدار وردة حجبانو معقودين سبعة فربعة..وبنتو جالسا مهدنة معرف مالها سكتات ليه دغيا..وصل لحومتهم وحط الاوطو فالساس وهز بنتو وغادي معصب ولي داز من حداه كيبركك فيه حيت باينا غريب على الحومة..وصل لدارهم ودق المرة لولة..ومكيجاوب حد..عاود دق المرة ثانية عاد تحل الباب حلات مها دايرا العكافة وعينيها منفوخين بالبكا..شافها وتعجي وقال:صباح الخير الالة
فتيحة:اهلا اولدي..😢😢
محمد:وردة كاينا؟؟
فتيحة غلبوها الدموع وبدات كتبكي وقالت:كاينا اهئ اهى كاينا اوليدي😢😢..دخل
دخلات وتبعها هو ومعجب من حالتها..ياله دخل للصالة وسمع باها قال:شكون لي جا
فتيحة:الباطرون توردة
المختار وقف معصب وقال بالغوات:جاي بوجهك حمر الكلب😡😡جاي طل على فعلتك الشماتة اودي اتارجليت..طيحتو بالرجال😡😡 خرج علي من داري
محمد:(مافاهم والو)اش كاين؟؟مالك كتهضر هاكا؟؟
المختار بغا يشنق عليه وشداتز مراتو كتحبس فيه..
المختار:يلعن بوك الز** الحمار...وجهك هاداك ولا قفاك..راه كاين المخزن فالبلاد الى مدعيتك وخليتك تخيخ فالحباسات راني ماشي ولد سبعاتو رجال😡😡😡
محمد:(صعر)دابا غيتهضر مقاد ولا نقلبوها صباط كاملين..اش طاري هضر
توبة سمعات الغوات وبدات كتبكي وتغوت..ومحمد كيبعد وجهها على المختار ويحطها فعنقو وقال:واهضر...فين بنتك😡😡؟؟؟
فتبخة طاحت للارض كتبكي بحرقة وتولول ...والمختار بغا يتفركع وقال بالغوات:علاش غتاصبتي ليا بنتي هااا😡😡😡 اش دارت ليك هااا
محمد تصدم صدمة عمرو وحل عينيه على جهدهم وقال:😳😳😳😳 كيفااااش
المختار:(طار عليه وشنقو )دوي اشماتة مبانت ليك غي هي..تقاداو البنات من الدنيا بانت ليك هي بنتي😡😡😡
محمد كيحاول احيد ايديه:اشمن اغتصاب..احيد راك خلعتي البنت
توبة:😭😭😭😭😭😭 با..بااا
دقعو محمد حتا طلق منو وحط بنتو فوق السداري حدا فتيحة وقال معصب:واش كي بنت ليك أنا هااا😡😡😡 اشمن اغتصاب ولا خرا..شرح لي اش وقع؟؟فين وردة؟؟
فتيحة:(شادا فراسها)وردة اوليدي مشات😭😭😭 مشااااات
محمد:واهضرووووو مالها
المختار :باغي تشوف مالها 😡😡😡 اجي اشوف مالها(جرو من يديه وداه للبيت فاش كاينا )هانتا شووووف😡😡 شووووف وعمر عينيك بيها هاكا
محمد حل عينيه من الصدنة..كانت وحدا خرا غير وردة لي عرف..بنت مكمشة فراسها وسادا وذنيها من الصداع ووجها كولو غارق دموع..غير وردة لي كيعرف..تضهشر معرف باش تبلا..المو منظرها..غي لبارح كانت كتغاوت معاه وتشاد معاه..واليوم لي شافها يقول متخركش الدجاجة على بيضها..كانت باينا فيها متدمرة ومحطمة من شوفة لي شافت فيه بعينين دامعة كأنها كتعاتبو علاش شدها حتال ديك لوقت..كأنها كتحملو مسؤولية اش وقع ليها لانه هو لي خرج ليها لبلان ديال تبقا معاه..كون جات فوقتها مكانش هادشي يوقع..بغا يقرب ليها وهو يحبسو باها وقال:شوف فعايلك..شتي 😡😡 ودابا برا وبيناتنا المحاكم
محمد وعا على راسو وقال صاعر:شكون دار فيها هادشي😡😡😡؟؟
المختار عطاه دقا لوحه وقال :وباقي الحيوان كتسوب😡😡شكون من غيرك هاااا...معامن كانت البارح هااا
محمد:جيتيني كبر مني اما ندير فيك راسي ونردها ليه...مقربتش ليها..😡😡😡 حدي وصلتها لبارح لهاد الخلا لي حدا دار ومشيت مبقيش شفتها
المختار:سكت الشيطان لعنة الله وعليك سكت
تدخلات فتيحة بصوت كيختارقو البكا:المختار اهديك الله ماشي هو مولاها😭😭😭كون هو ميجيش اسول فيها اهئ اهئ الله على بنتي ضيعوها باقي مشافت متشوفات..شابة تشنايع😭😫
محمد:واش ممكن تشرحو ليا اش واقع؟؟شكون دار فيها هاكا
انور:(كان ياله دخل)انا نقول ليك😡😡😡😡
ضارو كلهم لعندو ولقاوه معصب ومغدد فملاميحو وقال محمد:شرحو ليا اش وقع
يتبع