منذ الازل و الى الابد

بارت 86

💎منذ الازل والى الابد💎
♨سكينة ايت الكبير♨

المختار:غي زلقات وثاقي..البنت دابا فرحانة معاك
محمد:(بابتسامة وكيشير لعينيه)فعينيا بجوح ههه
فتيحة :الله يرضي عليك اوليدي
جات وردة هازا توبة لي عاد فاقت من نعاس خاسرة وهي مخشية فوردة..جلسات وهي تقول:ها الاميرة ديالي فاقت ههه
محمد:(باسعا فحنكها)صباح الخير زين ديال باباها
توبة:نعنعن😠😠😠
فتيحة:ههههه مالها
وردة:حيت فاقت بكري مولفا مكتفيق تال لعشرة
المختار:عطيها تفطر..
هزات كاس كبات ليها فيه الحليب سخون وبرداتو ليها ومداتو ليها..فلول جاها غريب حيت مولفا غي رضاعة ولكن بدات كضارب معاه باش تشربو والاخرين طيضحكو عليها..عطاتها فرماجة وكلاتها ..ومسحات ليها..عاد طلقات لبشرة ومدات يديها لعند باها يهزها..ضحك عليها وشدها وقال:عاد مفكراني هههه
وردة:هادي بنتي انا هههه
توبة؛😄😄😄😄
محمد:نوضي لبسي حوايجك غنمشيو
ورظة:واخا
المختار:بقاو معانا شي ايام..مزال
محمد:مكرهناش ولكن ضروري نمشي غنقضي شي شغال ووردى مغتبغيش تبقا هنا
فهم الموضوع ومزاد والو..ومشات وردة بدلات حوايجها ولبسات باش جات وخرجات سخرات خوها يجيب ليها ليكوش لتوبة وبدلات ليها وحتا محمد بدل عليه ورد لحوايج لمراد وشكرو..خرجو معاهم حتال لباب وسلمو عليهم وشكرهم محمد على حسن الضيافة..طلعو للاوطو ساطنين..حتا وصلو للدار..وطلعو ليها لقاو غي الخدامات يادلي..جلسات وردة فوق الفوتوي كتفادا تشوف قيه وجلس مقابل معاها وقال:اليوم فالعشية غنسافر لكازا
هزات وردة راسها بزربة وقالت:هااا😨😨😨 علاش
محمد:عندي شي شغال تما..الشركة وقعو فيها مشاكل وخصني نحلهم
وردة:(بتردد)وغتديني معاك ياك؟؟
محمد:لا مغتمشيش غتبقاي هنا
وردى:😨😨لالا عفاااك غي ديني منقدش نبقا هنا بوحدي كنخاف(بدات كدمع)لا لا عفغاااك والله مندير شي حاجة الله يخليك امحمد متخلينيش بوحدي
محمد:(ناض من بلاستو ومشا لحداها شد فيديها )وردى مالك على هاد الخوف كولو..منقدرش نديك معايا حيت اصلا مغنساليش غنبقا فالشركة ونتي غتبقاي فالاوطيل دونك بجال الى مدرنا والو..غتبقاي فمراكش
وردى:(نترات يديه وتعصبات)زاش مكتفهمش منقدرش منقدرش نعيش بوحدي(بصوت مخنوق)كنخاف كنخاف ديني معاك عفاااك
محمد:وردة(باس حنكها)فكرت فهادشي مغتبقايش بوحدك..غنديك لعند الواليدة
وردة:هاا😨😨زدتي كملتيها ..هي اصلا مكتحملنيش عاد نمشي عندها اهئ اهئ ديك ساعا خليني فدارنا
محمد:فكرت فيها ولكن نتي كتخافي وداك المحيط غيزيد اأزمك كثر وكثر..دونك خذا احسن قرار(دور وجهها لعندو بصبعو بلطف وقال)متخافيش مكاينش فديك دار لي يدويك ولا يحاديك كنواعد(مسح دموعها)نتي مراتي(باس جبهتها)ومفروض هلى اي مخلوق احتارمك اوك
وردة:(كتبكي)حتا ولفتك وبغيتي تمشي اهئ اهئ شكون غيبقا معايا😭😭😭
محمد:(وينو على لمشة ديالي ولفاتني وكتفشش)ههه ياك..ولفتيني (قرب لوذنيها)نبقا حداك
وردة:(بعدات وذنيها حيت عرفات غتدوب تاني)ماشي كيف فهمتيها المنحرف😠😠 غي جيت كنخاف
محمد:هههه واخا الالة ياله نوضي ترتاحي تال العشية ونديك لعند الواليدة
وردة:وشحال غتبقا(دلات شواربها)
محمد:(سها فيها)غي شي ايام ونرجع..باش توحشني شوي ونلقاك موجدة ليا مظيري ليا تاني..(بجدية)لي نوصيك حاولي متقابحيش مع الواليدة ولا ختي باش مينوضش صداع..👂👂 ها ودني منك
وردة:دوي معاهم هوما اما انا دريويشة غي لي جبدني كيلقاني 😠😠
محمد:مممم دريويشة ههههه باز لوجهك نتي تقلبي مدينة على كفاها
وردة:وكنكوي ونبخ ونgول الشافي الله طلبو التسليم ياله 😏😏😏
محمد:انا باغي نعرف غي منين كتجيبي هاد لهضور ههه
وردة:الوقت الساط لي كتعلمك..راه كابرا وسط المدينة تلقديمة ماشي بحالك كيليميني
محمد:ياك دابا انا كيليميني واخا (دار راسو تقلق)هاهي عندك ولينا فالمعيور
وردة:ها...ولا(بغات تحزرو وفنفس الوقت مبغاتش تضسرو)مال قشابتك مواسعاش غي كنضحك معاك اصاحبي 😤😤
محمد:لا لا اصلا نني موالفا كتعايريني خودي راحتك(جبد تيلي ومنخلها)
وردة:شوف هاد بجgي لعور معنديش معاه..حتا نتا كتعايرني مطتخلي فيا لا كلبة لا حمارة لا والو وكنسكت
محمد:(الصمت)
وردة:😡😡😡😡واش غتبقا داير ليا فيها مقلق ياك(هزات واحد الديكور)غنلوحو على مك
محمد:(الصمت)
وردة:ويلي تفركغ..مالي غنبقا نحزر فيك ونبزر..شرب بحر الدار البيضاء الى مشيتي
وناضت هازا توبة وخلاتو هي مشات بتاسم وقال:وا مكتgارعش ههه انا نقاديهم لحبيبتي
ناض خرج من الدار وهز الاوطو وتوجه لعند مو للفيلا..وصل حط الاوطو ودخل سول عليهاوقالو ليه فبيتها..طلع لعندها للفوق دق وسمع دخل وهو يدخل وقال:حبيبا ديالي 😊😊
زهرة:ولدي😃😃جيتي
محمد:جيت نشوفك الزين(عنقها)توحشتك
زهرة:ممم باينا c pour ca كتجي تسول فيا..من نهار تزوجتي بديك الغبية ونتا قاطع معايا😏
محمد:(بضحكى)ههههه ياك..باغاني نمشي ههه مالك نكارة تالخير غي هادي دو جوغ شفتك وتغدينا مجموعين
زهرة :مممم على ايامك كتجي كل نهار
محمد:(باس يديها)وهي المشاغل وصافي عذريني وراه ديما فبالي والله
يتبع