منذ الازل و الى الابد

بارت 48

💎منذ الأزل وإلى الأبد💎
♨سكينة أيت الكبير♨

بقا معاهم محمد شحال هي كيشوف فيهم فرحان ..وتوبة نساتو ملي لقات لي يلعب معاها..امت وردة قول كانو شادينها..طتلعب معاها وشادا ليها لخاطر حتا وصل وقت الغدا..طلب ليها غداها بينما وردة كتقاد لبيبرون لخرا..جابو سيرفيس الغدا وعيط ليها تاكل..شافت فيه وقالت:اربي واش مسالي راسك..ههه؟؟
محمد:اري توبة وجلسي تغداي فخاطرك ونتي مكتقادايش
وردة:😏😏😏
هزات البنت غحجرها وقالت:واش بنتك كتشرب غي الحليب مكتاكلش شي حاجة خرا؟؟
محمد:راه ياله عندها 6شهور اش بغيتيها تاكل؟؟
وردة:شي مرات كنgول محال واش قاري..راه خصها تبدا تعود على الماكلة لانها مغتبقاش حياتها كاملة كنرضع..خصها تعود تاكل حاجة خرا..شوي بشوي ومع الرضاعة
محمد:(باستفسار)بمعنى؟؟
وردة:بمعنى غتبدا فالماكلة عاديا..بلاتي(حيدات ليها رضاعة)شوف
هزات واحد المعلقة وهزات شوي من واحد الشربة تما..صاطتت فبها حتا بردات ومداتها لفمها..توبة مفهمات والو ملي حيدات ليها الرضاعة وياله غتحميها للغوات شافتها مدات ليها المعلقة..حلات فمها وشرباتها..بقات كتسنا ردة فعلها جاتها حامضة ههه وضحكاتهم..زقالت وردة:ههههه شتي هاكا غتكون ههه اكيد غترضع بلحق ضروري تعاون شوي بحوايج خرا باش فنفس الوقت تولي تولف ويكون سهل تفطم واخا راه كاع مراضعا
محمد:مممم مزيان..لي بان ليك ديريه نتي لي مكلفة..
بدات كتعطي لتوبة فشربة وتمسح ليها وتعاون بالرضاعة حتا وكلاتها عاد عطاتها ليه وطاحت كتاكل وكتنكر:ويلي اش هاد لما وزغاريت لي جيبين😔😔
محمد:(كان كيلاعب توبة)علاش مالو معجبكش؟؟
وردة:ممولفاش هاد شويكيكا..انا كناكل هي الدواز ولا لمرقة
محمد:ههههه ايوا اش غندير ليك ههه الاوطيل مغيديرو فيه هادشي..طلبي حاحة خرا
وردة:بففف بناقص..لمرة جايا نجيب معايا غدايا بلا هاد الزمر حاشا نعمة الله😞😞😞
محمد:ههههه واشنو دابا غتبقاي بجوع؟؟بغيتي شي حاجة من برا
وردة:مبيتش صافي..ارا توبة صافي
عطاها ليها وحاير معاها..بقات فيه حيت مكلات والو..شدات توبة ومشات كتنعسها حيت وقت القيلولة..بقات كتراري بيها حتا بدا النعاس كيجيها..حطاتها فوق الناموسية وتلاحت حداها ومحمد بعيد عليهم كيشوف فيهم وشي حاجة فيه مخلاتوش اخليها بلا غدا..ناض خرج وخلاها مع توبة كدوز يديها على كرشها باش تنعسها..حتا غفات معاها..محمد نزل للتحت كاع وطلب من النائب ديالو اوصي ليه من شي بلاصة فجامع الفنا على شي طاجين ولا شي حاجة تقليدية..مدازت حتا نص ساعة جابو ليه طاجين مغربي ودوزوه للكوزينة قادوه فالشكل ومعاه شي شلايض وجابوه ليه..شاف فالسيرفور لي جابو وقال:واخا تبعني
مشا قدامو وطلعو للسويت..دخلو ليه وحط ليه داكشي فكروسة ههه ..دور معاه محمد ومشا..بينما هو مشا يفيق وردة لي كانت غارقا فالنعاس حتا توبة كل وحدا فين ناشرة رجليها ومزلعاهم..قرب ليها وقاس خناكها بحنية وقال:وردة..وردة فيقي
وردة:(مبجقلة بالنعاس)ممممنن
محمد:ههه نوضي نوضي تغداي
وردة:(تقلبات لجهة لخرا)مبيتش 😴😴
محمد:لا..خصك تغداي..نوضي(جرها من يديها)ياله
وردة:(حلات عبنيها بزز)وابسع مني..مبيتش
محمد:تهزي ياله
ناضت تابعاه ساخطة..جلسها فالفوتوي وعينيها مسدودين وقال:حلي عينيك وكولي..
وردة:اش غناكل..الخضرا مربعة
محمد:وا شوفي بعدا..
هبطات عينيها ولقات طاجين وحداه شلايض..تحلو عينيها بالفرحة وقالت:😍😍😍😍طاجين ههههه اححح الله
متسناتش اهضر هزات الخبز وبدات كتاكل بلا عقل..لقمة مور الخرا وتبنن وهو حاضيها ومرة مرة انقب معاها..هاز تيلي كيلعب فيه واشوف فيها مرا مرا وهي ممسوقاش ليه كتاكل وتبنن ..
وردة:(كتمضغ)مممم بنين..كول ههه
محمد:ههه هي بصحا معنديش معاه
وردة:(كتاكل)دونك ماشي مغربي ههه ماشي مراكشي هي جوج حيت المغرب هو الطاجين والحريرة هههه
محمد:متهضريش ونني كتاكلي..غتوحل ليك
وردة:توحل ليك نتا نيت😒😒 على فعاياك الزينة مممم غزاال
محمد سكت مجاوبهاش خلاها كتاكل فراحتها ومكيشوفش فيها باش تاخد راحتها ساعا معامن هو..كلات وكملات..شربات الما وناضت غسلات يديها وتلاحت حداه كترتاح..حتا قال:ساليتي الافتراس
وردة:😤😤 راخ كنت ميتة بجوع مكليتش من صباح
محمد:درت فيك خير ..خهه
وردة:وها حنا تاني بدينا فالمنان..بزاعط مطلبتكش 😒😒
محمد:هههههخه عقلي الى ما شي نهار هرست ليك فمك راه مولد فيها الساجدي خي لخلا
وردى:شكون هاد الساجدي؟؟باك..كون تلاقيت معاه كون طلبتو ميديرش غلطة حياتو ويولدك ههه
محمد:هههه باز ليك
وردة:على العموم..اتوب عليك ههه
ناضت من حداه نكمل نعاسها وهو بقا مبتاسم وحاط يديه على لحيتو كيحك فيها ويضحك هي بوحدو عليها كضحكو وتجننو
يتبع..توقعاتكن

التتمة تال لهنا و كيف قلنا لكمالة من هنا لليومين  يعني نهار اااه و يومين لا  فهمتو ا;););)
#تفاعل اكثر اجزاء اكثر
Vote +commentaire