منذ الازل و الى الابد

بارت 39

💎منذ الأزل وإلى الابد💎
♨سكينة أيت الكبير♨

فتيحة:تسحك ليا المسارن ولا تسحك ليك جيب 😒😒
المختار:ياك بعدا فهمتيها ههه اجي اهيا..سير جيب جوج كوكا ياله
مشات وردة هزات تيليفونها ومشات مع واليديها لدار انور..وخلط عليهم مراد بالموناضا حطو العشا وبداو كياكلو فجو من الضحك والتقشاب مع دقات مراكشية متفرقة..عائلة انور فيها غي هو ومو..معندهوم حتا حد..ومنهار جاو للحومة وهوما مصاحبين مع عائلة وردة وحتا أنور تربا معاهم..
وردة:يا فين ديك الزين صافي تحبك ههه
انور:نعسات مسكينة مع كتضل حدامة
وردة:(بتمياق)مممنم مزينها بنت😏😏
كملو العشا وكلاو ديسير وكملوها بالزريعة البيضا وكل واحد تفرق لدارو..وردة تناسات اش وقع اليوم او بالاحرى حاولات تتناسا..طلقاتها فيد الله كيف ديما..لي باقي شاغلها هو تعويض لي غيطلب منها الاوطيل
مشات لدارهم تلاحت هلى السداري وحداها خوها فالسداري لاخر عريان هي بالسليب..شاغتو وهي تقول :نوض الله يمسخك..القرد
مراد:(مقلوب بالنعاس)نعسي اديك القردة راه كتبدليهم قدامي كاع
مجاوباتوش وضحكات عليه..هو طاب نعاسو وهي حلف لجاها..حيت نعسات بزااف..بقششات فالتيلي ولعبات فيه حتا وصلات الثلاثة عاد بدا يطيب نعاسها..ونعسات معولة على غدا تمشي تقلب على خدمة ومتيأسش..
محمد مورا مخرجات من عندو تضهشر فيها..ظنها غدير ليه شي مقلب اعصبو ويمشي ليها تاني..ولكن لا خرجات ومتسوقاتش ليه ولا حتا لهضرتو..بقا كيخمم شحال فمكتبو وكيحلل حتا لقا بلي راه هو لي كيقلب اجبدها باش ترد ليه الدقة معرفش واش حيت كتعجبو هضرتها ولا حيت كيستمتع بتحدي غيخرج منو هو الرابح..ولا فقط حيت باغيها تكون مربية بنتو..ختارها ليها حيت عارفها قوية ومتجدرة وبنت الشعب وبنتو باغي يكبرها قوية باش مياكلوهاش الذياب..رجع كمل شي خدمة ومرا مرا طيح فبالو ...حتا تعاشات العشية مشا طل على بنتو جلس معاها شوي وناض لبيتو طلب لعشا تعشا وجلس كيبقشش فالتيلي وطاحت فبالو وردة..فكر فأنه ممكن اكون عندها فيس بود ودخل كي الحمق كيقلب باسم وردة كي الهبيل وكيتسنا القاها هه..حتا عاق برايو ولاح تيلي وناض ينعس..حط يديه ورا عنقو وبقا كيخمم تاني فحياتو وجات فبالو مراتو لولة..شاف الخاتم فصباعو بتاسم بسخرية وغمض عينيه كيتسنا النوم يزور جفونو..
*******
بعد اسبوع😉😉
وؤدة دوزات اسبوع كولو كتقيل تقلب على خدمة وديما بنادم كيقول ليها حتا نعيطو ليك بمعنى ممخدمينكش معانا..مخلات فين قلبات وسولات حتا كيطيبو رجليها وترجع فحابها..كتشوف قربات توقف على الحديدة والخدمة باقي مكايناش..حمزة ديما مبرزطها على زواج..بينما محمد دوز اسبوع فحيرة وروينة فعقلو ..شغل راسو بالخدمة بزااف حتى بنتو قليل فاش كيشوفها وكيبقا كشطون بيها وحيت كاينا عطلة ففرنسا يعني غيتgبو سياح فمراكش خصهم اكونو واحدين..داير فبالو باش امشي اقلب على وردة واحطها هي تقابل توبة واخا يعرف اعتاذر ليها..وحتا توبة مرا مرا كتقول ماما الشيء لي كيعصبو وعارفها هي ناوياها فوردة بينما هو هي كيسمعها قالت هاكاك كيتفكر مها..اليوم سالا خدمتو بكري مع العصر ومشا عند العموري وطلب منها ملف ديال وردو لي براسها معرفاتش سبب خروجها من العمل..خداه وبقا كيبقشش فالسيفي وفالعنوان خداه وهز رقمها ومشا فاتجاه العموان..دار google mapفالتيلي وكيقلب على البلاصة ملقا فراسو غي فالمدينة القديمة بسيارتو الكحلة..حطها عند واحد الgارديان..وخرج مكلضم وملامح ممفهومينش..كيتفحص بعينيه المكان لقاه اغلب بناء قدبم ديال الرياضات متقون وقديم..وصل لدربهم لقاه كيغلي بالبراهش شي كيلعب السيس شي البي..شي لاستيك..بتاسم وعيط لواحد لوليد وتحنا لعندو وقال:بغيت نسولك..كتعرف دار وردة؟؟
الولظ:(بصوت مراكشي)وردة سعيد ياك؟؟.ديك المسلوتة هههههه
محمد:(ضحك)هههه اه ديك رقيوقة ههه
الولد:هههه هاظيك راه ميتة ماشي مضعفنة هههه اش بيتيها؟؟
محمد:بغيتها وصافي..
الولد:ياله ايوا ميزي هه
محمد:(بعدم فهم)كيفاش؟؟
الولد:زعما كحب..عطس..دخل لعندي بشي حمرا ونعت ليك دارهم
محمد تعجب منو حيت باقي صغير وكيهضر هاكا..خشا يدو فجيبو وخرج الفلوس عطاه وقال:ياله gولي فينها دارهم
الولد:هاهي هي هادي لي واgف حداها😂😂😂
ضحك عليه ومشا..ومحمد ضحك حيت شمتو..شاف دار لقاها رياض صغير باينا قديم وبابو من الخشب مصبوغ بالقهوي وقيه يد حديدية ديال الدقان..دق الباب وكيتسنا الحواب..وعاود دق عاد سمع صوتها ومن غيرها وردة كتغوت:وا بلاتي ابنادم..تسحابك حاطا كرسي حداه(حلات الباب وتصدنات)نتا😨😨؟؟؟
محمد:ههه كيجيتك..خرجي باغي نهضر معاك
وردة:(غوبشات)اش وصلك لدارنا..تسرسب حسب خطاويك قبل من جمع عليه الناس..هنا لي بقا ليك مضاربتيش فيه معايا😠😠
محمد:بغيت نهضر معاك جوج كلمات ونزيد فحالي..وغتسمعيني وبزز
وردة:بزز كاع...حلف بالله..لا لا زالله حتا تحلف...نوض اوا تgعد تقدا حاجة راسك
محمد:غتخرجي ولا ندخل انا😠😠
وردة:داخلة عليك بالله لاش تابعني..بيتي فلوسك تا يوجدو ونصيفتهوم ليك..ياله تلاح ترتاح..شتاريه محدو رخيص😏😏

يتبع