&البارت السادس
انته ذهب ومالكه احسن منك واني موافق كبعها واخذها غصبنا عنها ..تسلملي عمي لعد حاجيها بالموضوع واني انتضرك حتئ اجيب السيد يعقدلنه بحضورك..لا عمي ماكو داعي تنتضر هسه روح جيبه بنتي الك ومولغيرك واني ماامنها عد احد..بس عمي اخاف تقبل بيه واني شيخ محلوة بحقي ترفضني مرة وهي بت عمي من لحمي ودمي ..ع بختك اكسر راسها ماعدمه بنات يشرطن توكل ع الله ابني ..اني من طلعت من المضيف رحت للسيارة واخواني هم كاعدين يسولفون وياي ويشاقون ابوي اجا وكال انزلي وكل لعماد ينزل غراضي من جنطه السيارة اني انصدمت ..ها بابا شكوو ليش انزل
بنتي ابن عمج محمد خطبج واني وافقت راح يجيب السيد يعقدلج .😁😳بابا شنوووو مستحيل والف لا مموافقه شنو هاي انته الي تكول مازوجج وانته انسان متعلم وفاهم تزوجني واني مقابله مااازوج وحرجع لبيتنه وي امي شنو هو غصب الزواج ??ليش متقبلين ولد متعلم وحباب ومؤدب ومدام رفضتي اكيد عندج غيرة بابا شتدحجي اني هيج تحاجيني السبب انو اني مافكر بالزواج ..تقبلين او متقبلين انطيت كلمه هاهيه خلص النقاش ..راح بابا واني ضليت ابجي امي شكد حاولت تقنعه ميقبل بحجه عيب ارد ابن اخويه اني نمت بحضن امي وابجي ومرت عمي خطيه تبجي عليه ومروة هم هذن الوحيدات الحبيتهن من اهل بابا كولش فقيرات ورة ساعه صاحني ابوي وكلي اذا متقبلين امنعج من الكليه ..اجا الشيخ ورحتله واني دموعي خدي حتئ ماعرف منو خطبني بس عرفت اسمه محمد محجيت بس كلت موافقه😣😣راح الشيخ وهلاهل وركص وغنه دوخوني ورة يومين كالو اليوم العرس اني اطرش بالزفه حتئ العريس مشايفته العصر جابولي بدله ووحده تمكيج يوووع عرب همج ماكو شئ نازك واحمر بخضر لعبت روحي منهم حتئ عطر مسك ماعرف شون متحملين هيج يشعيشون ضحيت بحياتي من اجل كليتي...
يتبع
