ငါ့ရဲ့အမျိုးမျိုးသော စိတ်ခံစားချက်တွေကို ~
မင်းတစ်ယောက်တည်းက...
ဖန်တီးလုပ်ယူပေစွမ်းနိုင်တယ်ဆိုတဲ့အကြောင်း
ငါ ပြောခဲ့သင့်တယ်...။
ဒါပေမယ့်...
တရွဲ့တစောင်း ဟန်ဆောင်မှုတွေကြားထဲမှာ
ငါ့ကိုယ်ငါ ပျောက်ဆုံးနေခဲ့တယ်...။
မှန်မယ်ထင်တဲ့ အရာရာက...
တပ်တပ်ဆင်အောင် လွဲမှားတဲ့အခါ ~
မင်းကို ငါကိုယ်တိုင်ပဲ ဖယ်ထုတ်စေခဲ့မိသလား~
မင်းကိုယ်တိုင်ကပဲ လိုလိုချင်ချင် ဖယ်ကျဉ်ပြောင်းလဲသွားသလား ~
မသိအောင်ပဲ...
အလုံးစုံ ချို့ယွင်းလာခဲ့တယ်...။
အဲ့သည် ချို့ယွင်းခြင်းတွေထဲ...
မင်းရဲ့ နှလုံးသားလည်း အပါအဝင်ပေါ့...။
| | | | | | | ~ Indefinite ~ | | | | | | |
SwanHtetNyi's Point Of View ;
စိတ်ပျက်လောက်အောင်...
စောစီးစွာ ဖွင့်လှစ်သောကျောင်း၏ နှိပ်စက်မှုဖြင့်...
အိပ်ယာမဝင်မီ... သမိုင်းအပုဒ်တိုများကို ပြန်နွှေးနေရသည်...။
ပြန်နွှေးဖို့မလိုအောင် ပါးစပ်ထဲ စွဲမြဲနေသော
စာများကြောင့်... ကျေနပ်မိသွားသည်...။
ဟိုကောင်ရော...?
ကျက်ခဲ့ပါ့မလား...?
ခါတိုင်းလို...ကြည့်ရုံနဲ့
မို့အစ်နေအောင် အိပ်ရေးဝနေတဲ့ မျက်ဝန်းတွေနဲ့...ကျောင်းတက်ပြီးမှ ရောက်လာသော်ငြား...
တိကျကာ ကြောက်ဖို့ကောင်းသောဆရာမကို
မျက်နှာသေဖြင့် 'ဝင်ခွင့် ' တောင်းမြဲတောင်းဦးမလား...?
ကျွန်တော့်ဘေးဝင်ထိုင်သော သူ့ထံမှ...
ခပ်မောမော အသက်ရှူသံဖွဖွကို...
ကျွန်တော်ကရော...အသေအချာ လိုက်နားထောင်မိဦးမှာပဲလား...?
ပြီးတော့...
သူ့အစား...ကျွန်တော်ပဲ မောလိုက်ချင်တော့သည့် တစ်ဖက်သတ်
နစ်နာခံချင်နေသော ဆန္ဒပြင်းပြမှုကို...
ထိန်းချုပ်နိုင်စွမ်း...ရှိပါ့မလား...?
တတိယမြောက် ပြန်ရသော...
ကျွန်တော်တို့အတန်းမှာ ~
ကျွန်တော်နဲ့ ခိုင်ဇော်ရဲ့ ခပ်မြန်မြန် ပြန်ဆိုသွားမှုနောက်က တမောတကောနဲ့
မကျေတကျေ လိုက်ဆိုဦးမှာပဲလား...?
YOU ARE READING
" Indefinite ~ "
Historia Cortaကျွန်တော် အမှန်အတိုင်း လိမ်ညာရမည်ဆိုလျှင် ~ ကျွန်တော့်ကို အလိုတူအလိုပါ... လိမ့်လိမ့်လဲလဲရှုံးနိမ့်စေခဲ့သော... သူ့ကို တစ်ခါလေးမှ မလွမ်းဆွတ်ပါ...။ #SwanHtetNyi #SaiMinThant By ~ Han_Lin_Kha
