احفاد الشمس بالليبي 💓💓

الحلقة الاولى

احفاد الشمس💓

ي هلا
نعرفكم بنفسي
أنا ميس
طالبة مجتهدة تقدروا تقولوا دودة كتب
حياتي كلها عبارة عن قرايا شتاي مدرسة وصيفي دورات تعليمية
مش غرور لكن فلتوزة من يومي وهكي تعودت 😂💔
شكلي ؟!
متوسطة مش قصيرة ولا طويلة 💗
مش متحجبة وشعري لونه عسلي
عيوني عسلية وبيضاء هلبا

حلمي ؟!
حلم حياتي نكون دكتورة
كل بنت تتخيل روحها بالأبيض
صح حتى أنا منهم لكن أنا الأبيض اللي نتمناه هو البالطو الأبيض امتع المستشفى
حلمي بالطو أبيض وسماعة طبية
لما الكل يناديك يادكتورة
لما تنقذي حياة شخص
لما تدمع عيون أشخاص من السعادة بسببك
هذا حلمي
وأكثر من دعم حلمي بوي الله يرحمه وبعدها معاد لقيت من يساندني 😢💔

وهذه معاناتي 😒👇

زينب (ام ميس ) : قلتلك لاااا مااتحااوليش
ميس : لكن هذا جهدي وتعبي علاش لا !!
زينب : مكانك في حوش راجلك لما تتزوجي بري معااه .احمدي ربك يلي خليتك تكملي قرايتك هني .😒😒
ميس: قرار ايفاد الناس تحلم بييه وانا يلي جت لعندي نرفسها النعمه 😭😭
زينب : كلمه تانيه ونقوول لخووك ايوقف قيدك كله .

--------
كملت ميس دوتها توا أعرفوا باقي شخصيات روايتنا 😉❤

وليد
السلام عليكم أنا وليد
دكتور جراح مختص 

وليد هذا حده كلامك ؟؟ هدرز شوية 

لا
أوكي أنا توا نحكي 😒

وليد شاب ذكي وعاقل غير عن الكل حياته قرايته وخدمته وخلوق
اول سنه بعد تخرجه من الجامعه بدي يخدم وفرحان بخدمته وكان ذكي وحركي فكل الاطباء يلي اعلى منه في القسم ايحبوه😊😊✌
وكل ممرضات المشفى ودكتورات طايحات في حبه لكنه يرفض في الكل 😍😍

شكله؟
طويل  أبيض بلحية بنية مرشومة ع خده
عيونه عسلية وشعره بني
جسمه معضل نوعًا ما

وقت الثرثار بيفتح فمه😏

خزي😒💔

أنا جهاد 😎
نخدم .... خلوها مفاجأة أحسن😁
شاب ع حالي

كذاب ماخلاش بنت ماكلمهاش 😏 وأبرد مخلوق ع وجهه الأرض مافيش أثقل من دمه

خليني نحكي باهي 🌚

أوكي☺