فى احدى القصور الفخمه التى اتسمت بطراز معين تدل على الرفاهيه والغنى الفاحش وخاصه تلك الحديقه الغنيه بالثمار والاشجار المختلفه وتلك الحمام او مايطلق عليه البسين الملحق بذلك القصر الفخم والذى صمم برسم هندسى دقيق كلها اشياء تدل على النعيم
لكن هل السعاده تكمن فى المال والغنى ؟؟
فى احدى غرف ذلك القصر
شاب فى بدايه الثلاثين يتسم بالاناقه ذات جسم رياضى يمتلك شعر غزير بالاضافه لتلك الذقن الخفيفه يجلس على احدى الكراسى الهزاز يبدو عليه الحزن والالم
فيدخل عليه خادمه
ادريس : تامرى بحاجه يا ليث باشا
صقر بهدوء تام : شكرا ياعم ادريس
هم ادريس بالانصراف لكنه استوقفه صوت صقر : ادريس القصر هادى قووى النهارده ليه هو مفيش حد
ادريس : ايوه يا فندم كلهم خرجوا وسميه هانم قالت انهم هيرجعوا بالليل
صقر بنبره حزينه : وجرمين راحت معاهم
ادريس : ايوه يا افندم
تنهد صقر طويلا وحدث نفسه : حتى انتى ياجرمين بطلتى تهتمى بيا وتاخدى رأيى كانى خلاص بقيت مليش لازمه
ثم سرح فى الماضى
صقر وبجانبه فتاه فى العشرين من عمرها وليث يقود السياره بجنون
ياسمينا بخوف : ليييث حاااسب هدى السرعه ارجوك
صقر بمرح : ههههه انتى خايفه
ياسمينا : انا هموت رعب حرام عليك
صقر : ههههههههه متخافيش انتى لسه شوفتى حاجه ويزيد فى سرعته
ياسمينا بصراخ وهى ترى سياره قادمه امامهم : حااااااسب ياصقر
وفجاه يظلم كل شىء
يفيق صقر من شروده ويقول : دفعت تمن تهورك غاالى قوووى ياصقرر
(( صقر مصطفى الحناوى شاب فى الحادى والثلاثون كان يعتبر من اشهر رجال الاعمال واصغرهم سنا كان يدير شركه اباه مصطفى الحناوى منذ كان فى الجامعه كان يتسم بالمرح والسعاده الى أن حدث له ذلك الحادث وفقد بصره ليس فقط فحسب ولكنه فقد معه شقيقته الصغرى والتى كان موتها كفيل بتغير مجرى الامور وغضب والده واتهامه بانه السبب فى وفاتها وكذلك اخيه وأصبح امامهم المتهم والمذنب حرمه والده من أن يدير اعماله مره اخرى وبعد فتره قصير توفى والده نتيجته حزنه على ابنته الوحيده وهذا زاد الجميع كراهيه لصقر وانتهى به الامر لان يعتكف فى غرفته وادار جميع الشركات اخوه الاصغر منه والذى كان شديد الكره له ايضا )))
على الجانب الموازى
حى فقير او مايطلق عليه حاره شعبيه بسيطه فى كل شىء منازلها اشخاصها
يخرج شاب فى الثلاثين من عمره من تحت السياره وهو مرتديه عفريته فهى ورشه لتصليح السيارات يقف الشاب وهو ممسك بالمفتاح فى يده وجبينه ويديه متسخه بالشحم ويقول
عمر : معلش ياباشا انت تسبهالى النهارده وتيجى بكره تاخدها زى ما كانت الاول واحسن
محسن : طيب ياعمر بس بكره الاقيها جاهزه
عمر : أن شاء الله مع الف سلامه
وهنا تاتى عليه فتاه فى العشرين مرتديه زى بسيط وتمسك بيدها كتب وتقول بمرح : صباح الخير يا اسطى
عمر : اهلا استاذه نيلا
سيلا : اوووف بقى متقوليش نيلا دى
عمر بضحك : ههههه يابنتى انتى اسمك يضحك وبعدين هو انا وحدى اللى بقولك كده ما عندك خالتك ام سمير والولد بليه وعم صبحى القهوجى ههههههههه انتى ساكنه فى حااره شعبيه يابنتى
سيلا : هو يعنى عشان ساكنه فى حااره لازم يبقى اسمى جملات وبعدين هو انا يعنى اللى اختره
عمر : الله يسامحه ابوكى فاكر نفسه عايش فى باريس
سيلا وهى تلوى شفتيها : مهو كان عايش بره فعلا
عمر وقد تغيرت ملامحه : ههههه هو عايش واحنا ميتين
سيلا : ربنا يسامحه بقى عموما انا هرجع النهارده بدرى عشان الغدا عليا ها تحب تطفح اييه
عمر : بذمتك بعد اطفح دى هقولك حاجه ثم انا طبخت امبارح عدس شوفيلنى ايه الجديد
سيلا بتفكير : امممم انا بقول فول وطعميه وبتنجان
عمر : بتنجاان يابنتى انا بطنى اتهرت حراام
سيلا : ههههههههه على قد فلوسك ياحلو وبعدين انا عايزه عشرين جينه
عمر وهو يخرج المال : اتفضلى مجهزهالك من امبارح واعملى حسابك مش معايا غيرها ولسه مفيش زبون جه
سيلا : أن شاء الله العربيات كلها هتعطل وتيجى تصلح عندك ياعمور ياقمر يااارب
عمر وهو يقلد صوت جارتهم : ياارب يانيلا يابنتى ياارب
سيلا وهى تلكزه فى كتفه : رخمم انا ماشيه اتاخرت تشااو
عمر : تشااو يرحملك يابن سعاد
(( عمر شاب فى الثلاثين من عمره درس هندسه قسم ميكانيكا وكان مثلا لجد والالتزام ولكن الحظ لم يحالفه كغيره من الشباب ولم يجد الوظيفه التى تليق به كان يعيش هو واخته وامه فى مستوى ليس بالغنى ولكن بالجيد الذى يكفى لعيشهم وتعليم عمر وكذلك سيلا كان والدتهم تعمل كموظفه فى احد الشركات الحكوميه اما والدهم فقد سافر للخارج بمجرد انجابه لسيلا هو من سماها ذلك الاسم على زوجته الشرقيه التى تزوجها هناك واراد أن يصطحبها معه لكن والدتها رفضت أن تربى ابنتها بعيده عن احضانها وسافر والد عمر وانقطعت جميع اخباره تخرج عمر ولكنه مازال عاطل ومن ثم كانت سيلا فى للمرحله الثانويه اصيب الام بتعب شديد مما اضطرها للمكوث فى بيتها فتزايدت الاعباء عليها وهذا دفع عمر للعمل فى احد الورش البسيطه ولكن القدر كان اقوى توفت والدتهم وأصبح عمر مسؤل عن شقيقته ولكن الحال لم يكن فى صالحه فعرضت عليه سيلا أن تمكث فى البيت ولكن عمر اصر أن تكمل تعليمها كما تعلم هو وان كفيل بها وجد شقه مناسبه لهم فى ذلك الحى البسيط الذى توجد به الورشه فباع شقتهم وانتقلوا فى تلك الشقه الصغيره البسيطه )))
اما فى احد الصالات
شاب فى الخامسه والعشرون يمتلك جسم رياضى وكانه مصارع شعره خفيف بعض الشيء يرتدى فانله حمالات تبرز عضلاته يلهث بشده نتيجه تعبه وبيده زجاجه للمياه
ياتى عليه المدرب
المدرب : كفايه كده يا كابتن خالد
خالد بحده : انا بس اللي. اقول كفاايه
الكابتن : انا خايف على صحتك كده خطرت عليك
يتلاشى خالد كلام المدرب ويرتدى قفزاته ويبدا فى الملاكمه بكل عنف وقسوه : وهو يردد : صحتى ملهاااش لاازمه ..حياتى كلها ملهاش لازمه ....انا بكرهك بكررررهك
(( خالد هو شقيق صقر الاصغر كان يحب شقيقته ويرى أن اخوه هو من افقده اياه وكذلك حرمه من والده وكان السبب فى وفاته )))
__________________
