يارا: انتي بقي الخدامة الجديدة؟
(سيلين بصت في الارض و حست انها بتبدأ اول يوم من ايام الاهانة)
يارا: اية انتي خارسة؟ .... اسمك اية؟
سيلين: اسمي سيلين
يارا: مممم سيلين .. مش وحش ... و مش حلو ... يلي امشي الخدم هيوروكي الأوضة الي هتنامي فيها
سيلين: حاضر
(اخدوها الخدم و المربية.. عشان يوروها الاوضة)
سيلين: شكرا .. حضرتك اسمك اية؟
المربية: انا علية.... بصي هنا تحطي هدومك و هنا السرير بتاعك انا في السرير الي جمبك لو عوزتي حاجة هتلاقيني هنا او في اوضة هايدي
سيلين: طيب انا مش عارفة الاوض لسة
المربية(علية): بصي الفيلا دورين الي احنا فية دة الارضي الي فية الريسيبشن و المطبخ و الاوضة دي و السفرة و المكتب
الدور الي فوق السلم علي اليمين خالص اوضة للضيوف و علي الشمال اوضة هايدي و في النص اوضة استاذ ادهم و يارا هانم
سيلين: يارا ؟؟؟ مين؟ الي كانت بتكلمني من شوية اسمها يارا؟
علية: اة يارا هانم
سيلين: وهي هزقتني كدة لية انا لسة جية !! ولا انا هعيش في التهزيق دة علي طول؟؟؟؟؟ >________<
علية: معلش يا بنتي هي يارا هانم كدة لازم نستحملها عشان ناكل عيش
سيلين: حاضر .. ربنا يصبرني
علية: طيب حسيبك تغيري و انا هروح لهايدي عشان يارا هانم متتعصبش
سيلين: طيب اتفضلي
(خرجت علية و سيلين غيرت هدوم الخروج ... شوية ولقت الباب بيخبط)
سيلين: اتفضلي
(دخلت علية )
علية: تعالي عشان تتعرفي علي هايدي ^^
سيلين: حاضر
(خرجت سيلين لقت بنوتة صغيرة مستخبية ورا علية و ماسكة في رجليها جامد .. كأنها عايزة تعرف مين دي بس خايفة)
علية: بصي يا هايدي دي بنوتة جميلة ايمها سيلين smile رمز تعبيري
سيلين: ازيك يا قمر ^^
هايدي: 0_0
سيلين: هي لسة مش بتتكلم؟
علية: لا كام كلمة كدة بس لسة بعلمها
سيلين: طيب يا هايدي تعالي نلعب مع بعض ؟ ^^
هايدي: اوكي
سيلين: يختي كاميلة kiki رمز تعبيري
(اخدتها هايدي من اديها و طلعتها الأوضة بتاعتها لقيتها اوضة كبيرة فيها سرير و دولاب و بيت خشب كبير فية لعب و عرايس .. و فية كنبة كبيرة قدامها تلفزيون .. و بلاكونة بتبص علي الجنينة
أنت تقرأ
المفقودة
Romanceلما تعيش حياة غير الحياة مع ناس غير الناس وفي الاخر تلاقي نفسك حد تانى .......... كدا انا توهت وتوهتكوا معايا ........ تابعوا انتوا وانتوا هتعرفوا ليه سميت ..... المفقودة بقلم : هدى بكير