مدرسي الماكر

البارت الاول

بدايه كل سنه وبأي مدرسه على ما اعتقد اليوم الاول هوه يوم تعارف ... يعني بين الطالبات الجدد او المدرسين..
كان يوم عادي...
جنت كاعده وحدي عالرحله.. انطوائيه ماحب يكون عندي صديقات او بالاحرى البنات ميشجعن نصادقهن...
دخلنه للدرس الاول واجتي مدرسه تعرفنه عليهه ونطتنه اساسيات وراحت ... لان حنه صف سادس...
اجه الدرس الثاني... ههه او الدرس المشؤوم...
جنت كاعده يم الشباك صاده وجهي عالحديقه ...
منتبهت من طب المدرس....
عله المدرس صوته بالحجي حته اسمعه....
يريد ينبهني عالدرس...
باوعت عليه ممم شايفته قبل...
بس ممدرسنه...
بده يتعرف عالطالبات ويسألهم عن اسمائهم وشنو يريدون يصيرون..
جنت كاعده اخر وحده ... لهذا السبب نسألت اخر شي....
اشرلي اكوم...
اسمي اديان...
صفن عليهه...
وشنو تريدين تصيرين اديان....
نظراته جانت غريبه احسه تخترق جسمي...
جاوبته ببرود ...
اريد اصير جراحه...
ضحك...
جراحه..  بس ممبين عله وجهج جراحه.. صيدلانيه يلوكلج...
محبيت جرائته والخفه بالتصرف ويايه مع العلم بقيه البنات معلق عليهم....
عفته وكعدت...
شرح شويه وكتب عالصبوره...
رجعت صفنت عالحديقه...
حسيت اكو شخص واكف يمي التفتت وشفتته...
حجه بصوت ناصي...
ليش متكتبين...
بعدين اخذه من البنات....
اصلا ني داخله محاضرات وحافضه الماده.. كان هذا جواب عقلي...
عافني وراح....
خلص الدوام بشكل عادي...
من دنطلع حسيت احد كرصني من زندي باوعت نفسه الاستاذ بس ممعقوله هلكد ميستحي...
عفته ومشيت...
صعدت بالخط وطلعت الفون ... جنت مخليته بالاداره ومن اطلع اخذه...
جنت اكلب بالفون رفعت راسي وشفت الاستاذ يباوعلي ...
ياربي شكد ميستحي...
عفته ورجعت اكلب بالفون....
//////////
خليني اعرفكم بنفسي شويه....
اني من عائله متكونه من ام واب واخوه ثنين وني...
سعد الجبير دكتور اسنان وعبدالرحمن الثاني يدرس طب عام مرحله ثالثه....
وني الصغيره صف سادس مدللهه اهلي ميردولي شي....
ابويه صيدلاني وامي ربه بيت....
بس امي شاطره كلش حسب ميكولون خوالي بس لانو اهله شويه معقدين مخلوهه تكمل لحد السادس وتزوجت...
ابويه هم مراد وحده تدرس.. يعني مو قصده يريده انزل منه لا بس يريده تداريه وتكوم بواجبه بالبيت ....
رجعت للبيت وتكلتني امي سلمت وطبيت لغرفتي...
صاحوني اتغده... وكالعاده امي تتوسل ب سعد يزوج...
سعد خاطب بت عمي بس لانو هيه عمرهه 16 سنه ميقبل اله تصير 18 ..
صراحه احب تفكيره خلو البنيه تكبر وتدرس لاحكه عالزواج...
يوم عوفيه بحاله للولد هوه ومرته متفقين...
شنو متفقين يمعوده صارلهم سنه مخطوبين ونوب يردون سنتين...
ابويه ماعارض بس امي...
اكيد تريد تشوف احفادهه بس شنسوي...
ردت الطف الجو شويه .. صحيح يشوفوني الناس جامده بالمدرسه او بالاماكن العامه بس ويه اهلي لا غير شكل...
المهم كتله يوم...
همم كولي...
لعد ذا نخطبت يجوز تزفيني ثاني يوم...
ضحكو اخوتي وابويه بس امي باوعتلي صفح...
ليش نتي هم شكول زواج ...
ليش يمه شبيه اخبل هوايه يتمنون نضره مني...
وينهم جيبي واحد من الميه صدكي اهلهل...
ههه شبيج يوم بس تريدين تخلصين من تره عادي اتخرج يله ازوج...
يي خيسي يمي وعنسي...
ادري بأمي تشاقه وتريدني اكمل دراسه ...
هيه اصلا بس يجي واحد يخطب تطرده من الباب...
خلصنه اكل وساعدت امي بالمطبخ ورحت نمت ...
ثاني يوم داومت عادي الى ان طب هذا المدرس...
///////
خليني اعرفكم بيه...
اسمه مصطفى ... يدرس فيزيا...
تقريبا يطلع عمره 26 او هيج شي حسب ما اشوف... بس هوه مبين عليه اصغر ...
طويل.. عيونه سود... شعره اسود... ابيض كلش .. بس عنده وحمه بأيده مبينه لان هوه ابيض...
حسب ما اسمع البنات يسولفون ...
يكولون عنه جان شاطر كولش بس من مات ابوه جان صغير وكام يشتغل هوه واخوته حته يعيشون خواته ...
عنده اخوه ثنين و3 خوات...
//////////
المهم دخل للدرس وني بيه طبع ما اوكف ما اوكف من يدخل اي مدرس او مدرسه...
باوعلي صفح ورجع مره ثاني كال السلام عليكم...
يقصدني حته اوكف...
وكفت وكال تفضلو...
كعدت وني ضايجه من تصرفه...
اعرف اللي دا اسويه غلط بس مادري ماحب اوكف لاحد...
بده يشرح وني منتبه وياه...
كل شويه يخطف بنظره عليه ويرجع يكمل الدرس...
سال سؤال ومحد جاوب ...
عصب وكال ذا محد يجاوب امتحنكم بالاوراق واحسبه شهري...
جنت اعرف الاجابه...
وادري بيه ينتظرني اكوم بس مستحيل اسوي اللي بباله...
الكل يدري اديان النابغه شنو وبنت منو .... والبنات احس بنظراتهم توسل حته اكوم بس لا...
طلعنه اوراق وعادي كتبت الجواب ... سحب الاوراق وطلع...
رجعت للبيت وني الحمدلله من نشيل السفره ني وامي احجيله كولشي يصير ويايه....
عاد امي كالتلي...
ليش مجاوبتيه...
يوم حته منا ورايح البنات يقرن مو اكوم ني واعفيهن من الامتحان هم ميصير التقره تتساوه ويه المتقره....
داومت ثاني يوم وهم دخل مصطفى....
اول مدخل صاح اسمي ...
اديان عارف...
وكفت لحيلي ...
نعم استاذ...
رفع تك حاجب وحط ايديناته عالرحله المقابيله وسألني...
ليش البارحه من اسأل مجاوبين...
مفهمت شيريد بالظبط ... عالاغلب ده يستفزني...
نطت وحده من الطالبات وكالت...
ستاذ اديان مجاوب ومتكوم اله المدرس او المدرسه يكومه ....
سكت الطالبه وكال...
خلوهه هيه تجاوب ماعده لسان لو شنو...
الصراحه ضجت منه ...
ستاذ ني متعلمه ما اكوم اله يكومني المدرس بالاسم...
جاوبني بكلمه وحده... ماشي...
وزع الاوراق وجنت الوحيده الناجه وماخذه درجه كامله...
من وصل يمي حط الورقه كدامي ...
مديت ايدي حته حته اشوفه...
مشه اصابعه عله ايدي....
حسيت مثل الكهرباء مشت بجسمي ....
رأسا سحبت ايدي ...
عافني وراح....
مادري شيريد مني هالاستاذ...
شرح الدرس وحسيته مو عله بعضه مثل الدايخ...
خصوصا من تتلاكه عيونه احسه يجنبني حته يبقه متوازن...
خلص الدوام ....
من طلعت جان مطصفى كاعد بسيارته ... موديله سوناتا حسب ماعرف...
ماعرف منو ينتظر بس هوه مياخذ احد وياه...
ني واعبر الشارع حته اوصل الخط اجه ولد ركض خله ورقه بأيدي وراح....
مشفت الولد زين...
بس من رفعت راسي... جان مطصفى واكف عله راسي...
مد ايده ...
جيبي الورقه...
لا اراديا نطيتهياه...
فتحه وشاف بيه رقم... عصب ودماراته بينت وعيونه صارت حمر....
باوعلي.... منين تعرفيه...
جاوبته ببرود ...
ماعرفه ولا اريد اعرفه...
عفته ومشيت .....
رجعت للبيت وعالغده حجيتلهم عالصار...
ابويه كالي مشفتيه للولد ...
لا بابا بسرعه راح...
عوفيه بابا لديرين بال واي شي يصير كوليلي ....
اوك ...
بالليل جنت دا اقره وجنتي رساله من رقم غريب... مكتوب بيهه..
لتخافين تصرفت وياه...
صفنت ... مفتهمت...
عفته ...
بالليل كعدت من النوم عطشانه وني واشرب مي تذكرت...
يمه بس لا هاي الرساله منه... غير اتخبل..