علاقات مخفيه

Part 2

علاقات مخفيه
اوجاع قلب
.............بقلم فاطمه الربيعي ..........

اسمي عماد من سكان بغداد ..عمري 26 سنه خريج اداره واقتصاد
والدي متوفي من زمان والدتي عايشه الحمدلله
كان والدي يشتغل مقاول وعنده محل عقارات
بعد وفاته وكوني اني ابنه الجبير كملت عنه الشغل واني احبه لان كنت اشتغل ويا لان ماكو تعين فستلمته وكلشي على ايدي وبفضل رب العالمين كدرت اوسع العمل واطوره.
عائلتي متكونه من اخواني 2 سالم ومحمود
سالم مدرس ويحب عمله وكم مره ردته يساعدني لكن يرفض .
اما محمود فبعده طايش وحته دراسه متوفق بيهه السنه بسنتين بدفرات يله كمل 3 متوسط وحالين عمره 20 سنه .

اخواتي 3 ومزوحات الحمدلله واني ممقصر وياهن دائمن مصرفهن يوصلهن بعد كل صفقه ..

اما حالتي ..

حبيت بنيه بلجامعه وانعجبت بيهه بس مصارت اهله ما وافقوا وبعد ما تقدمتلهه لبنيه مشفته بلجامعه سئلت عنت اهله مبطليهه وخاطبهه ابن عمه بوقتهه ضجت كولش وانقهرت ..
بس كلمن ياخذ قسمته ونصيبه ..بعدهه
مجربت الحب ابد ولا عشته كنت دائما مشغول بشغل ويه والدي فما عندي سوالف بنات فقط زملاء بدراسه وسلام فقط اكو يلمحن ويراسلن لكن مردت اجرب شعور الحب مرت الثانيه ويرجع يتكرر لي صار فذبيت نفسي على الشغل ..
ملامحي اسمراني وعيوني نرجسيه كبار وخشمي وسط وجهي ممتلاء دائري امتاز بغمازيتين .
يعني وسيم
وجسمي حلوو وزني 80 وطولي 185 .

رجعت بليل الساعه 10 جنت يم صديقي . رحعت لكيت امي تتفرج على التلفزيون
ها يمه الله يساعدج
هله يبعد امك شلونك
بست راسه بخير يروحي
شمكعدج لسه متنامين .
يمه منتظرتكم ترجعون يله انام ..
ليش منو بعده مراجع ..
محمود بعده ..اتصلت علي ميردد ..روحي ارتاحي يمه اني موجود هسه يجي ..
بعد نص ساعه دخل محمود
ها وين جنت
يم جماعتي وين يعني
كمت طفيت التلفزيون واتقربت منه بعد لاتتأخر ب9 انته بلبيت مفهوم
محمود ..اني مو زغير حته تخاف عليه اعرف ادبر اموري ..
والله زين تعرف دبر امور بدال السهر والتلفونات تالي اليل ..شوفك شغله بدال خرابيط مصرفك كلي منين تحصله ها مجاوب
اهووو هم هاي الاسطوانه
اتقربت منه انته ليش متحترم ها..لحظه شنو هل ريحه
بتثعلم يا ريحه
ريحه جكاير من يمته تشرب محمود لطلعني من طوري فهمني ..
ماشرب شبيك ..بس صديقي كالي اشرب واستحيت منه وشربت
لك هذا سم اليوم جكاره باجر غير شي محمود اني اريد مصلحتك لضيع نفسك بهل الاشياء التافهه
كم مره كتلك تعال اشتغل بلمحل بدل ما اجيب احد غريب انته وهوه رزقك
يمعود مالي خلك هيج شي ولا اريد اشتغل من اريد اني اجي اكلك يله باي
عافني وصعد ولاجني احجي ويا ولا ابد
ماربد امد ايدي علي هذا اخوي وابوي امني علي .
اووف قفلت البيان وطفيت الاضويه وصعدت
ذبيت ملابسي ونمت ..
ثاني يوم كعدت على المنبه 7 وربع عندي موعد
دخلت سبحت ونزلت
صبباح الخير يمه
صباح العافيه
شنو هل ريحه الطيبه شمسويه
سياح وبيض
اويلي
اكعد يمه خل اجيب الريوك
جابته وكعدت اكلت ..وامي عينه عليه ..ها يوم مضيعه شي اليوم
لا يمه بس تعبت اني وحدي افتر بليبت وانتو 3 يمه هم اريد وحده تساعدني ..يمه اريد ازوجك ارتاح تعبت
ها رجعنه نفس الوضعيه

اي ارجع ذاك ميقبل يزوج الا يجهز نفسه يله وانته متريد

متكلي المن اصير ..خليني ادورلك بنت الحلال يمه .
الله كريم سوي لي يريحج ..
يعني اروح ادور ..
اي روحي .
يله يمه اني رايح محتاجه شي
لا يمه روح حبيبي محتاجه سلامتك
الله يسلمج
لبست حذاءي وطلعت ..هم صح امي تريد وحده تساعدهه بلبيت تونسهه ..

الله يقدم لي بي خير
الله كريم
اتصلت بلولد
لان تأخر
الووو ..ها ..وين ...هسه يله جاي لمحل
قفلته ..وتمشيت لمحل على الشارع شغله 10 دقايق فتت لكيت علي جاي وفاتح المحل واحد من الزبائن موجود
شفت طلبه وانطيته العناويت ومساحت الييوت الموجوده
بقه يدور على مساحه 150 وتصميم بعده دزبته ويه ا
علاوي يشوف البيوت مكدرت اروح لان مواعد الولد ..
شوي ودخل عليه بقه نتناقسش على العمل
وصيت جايات من الكهوه ..
شوي اجه علي ..
ها بشر
شبشر فد واحد ميعجبه العجب واريته بيت ابوقيس وبيت ابوهيثم يكول اسعارهم غليات وماكو تصميم حلوو
يابا متشتري قطعه وتبنيه اكو قطع لبيع واسعارهم مناسبه ..وتبنيه على ذوقك ..وتصميم لي تريده
مقبل عافني وراح
حته مكال تعبتك وياي اتشكر ابد
عماد ..هوه من البدايه مبين متشوف متعمقت ويا ولحيت لان اعرفه مو شراي ..
وهوه هم هيج طيح حظي
اشرب مي هاك
اي والله..
انته شسويت
مسويت شي اتفقنه وبعد على التساهيل
انشالله ..اني حاخذ الملمع وامسح الجام ..
يله واني اعزل هاي الهوسه
علي عوفه اني اكمل بدالك
لا ماعندي شي ..نضفت المحل وعطرنا ..
بعدهه دخلولي جماعه يستفسرون عن اسعار البيوت
بيقيت وياهم وعرضوا بيت لبيع سجلته ضمن البيوت المعروضه لبيع .
ورحت وياهم حته اشوف البيت وانطيهم السعر المناسب .
رجعت الساعه 12 ونص لمحل
علي
ها عماد
عزل المحل وروح وتعال ب4 ونص فتحه .
ماشي
يله رايح اني
الله وياك
رحت لبيت
فتحت الباب ودخلت

الله يساعدج يوم
هله يمه شلونك
بخير
شنو هل ريحه ..شمسويه غده
باميه وتمن
تموت ريحته ...رايح اصلي وارتاح ..بلغرفه
روح يبعد امك
دخلت لغرفه اخذت ملابس سبحت وصليت واتمددت على السرير بين ميجون الولد ونتغده ....يتبع