اتفقنه ثاني يوم نروح نشتري ذهب
بليل رحت اني وامي الهم
كعدنه بلصاله اني وامي وابو نسرين وامهه اجتي نسرين قدمت عصير وراحت
احنه هم مطولنه شويه وكمنه
ثاني يوم الصبح بلعشره اخذت امي بلسياره وكفت السياره بلباب دكيت هورن
طلعت نسرين اوم نسرين
سلموا وصعدوا اني ليهسه مامنتبه لوجهه
طول الطريق تباوع من الشباك ومحجت شي ابد
نزلنه يم محل حسب توصياتهم
فاتن لمحل اشوف امي وامه يختارون وهيه ماكو مطفيه
استغربت
حجيت نسرين شبيج
باوعتلي مابيه شي
لعد ليش متختارين انتي تنطين رايج
بقت صافنه وامه بيده علبه مال تخم انطته يااا كالتلهه شنو رائيج
ابو المحل عرض كدامه 4 علب هيه اختارت واحد منهم
واخذت اسوار
وطلعنه كالت امي خل نشتريلهه ملابس
انتن ترحن اني مالي ب فره بلسوك ودوخته
ها هيج تشوف
اي يمه
لعد خليهه على غير يوم نجي العصر
هم محجوا شي
صعدنه بلسياره
طلعت الموبايل ودرت وجهي
نسرين هذا الج بي شريحه ورصيد ورقمي بيه بليل اتصل عليج
ماشي
هزت راسه
امه باوعت عليه.. مرخصتج خاله مرتي واريد احجي وياه
خاله هيه بعد الك
ابتسمت
مشيت ونزلتهم ورحنه لبيت
العمال يشتغلون والحمام لي بصف الغرفه الضيوف هدمته وسويت غيره جديد وهم الكاشي الطرمه شلته ويسون جديد ويعدلون الواجهيه البيت
وبعد ميخلصون يصبغون البيت كله .
رجعت وصلت امي وشفت العمال ورحت لمحل يم علي .
لضهر رجعت مررت الايام شغل وتحضيرات العرس
اثناء هاي الايام لي فاتت سافرت حته اتابع العمل
ومنقطعت ابد دائما اتصالاتي وياهم اول بول وحته ايام اروح وارجع بنفس اليوم
بالي كله يم الشغل مبقه غير شي قليل وينتهي
علاقتي بنسرين اتطورت وانعجبت بيهه هادئ وحنونه شويه شويه بدتت تتغزل وتحجي كلام حب
بلبدايه تستحي وكم مره اروح الهه ساعه اقل وارجع
مشت الامور تمام والبيت خلص تحضيراته اشتريت اثاث لغرفه الضيوف
وستائر لبيت كله وقنفات لصاله
واشتريت غرفه نوم الي
حددنه العرس اسبوع الجاي
اخذت علي وسالم واشتريت ملابس وعطور وقاط لعرس كملت اموري
ونسرين هم كملت امورهه امي واخواتي دائما يرحن ويجهزن وياها
قبل العرس ب3 هم سافرت ورجعت ثاني يوم
عزمت كل اصدقاءي ومعارفي .
بيوم الحنه ودوني لحمام والجماعه ويايه
بعدهه رحت لحلاق .
ورجعت احظر نفسي رحت لنسرين حنيتهه ولبسته الذهب ورجعت واحنه الهوسه مالتنا سويناها بلقاعه حفله شباب وركص والولد مصدكوو خو عللي ليكول محروم
خلصت حفلتنا بلوحده ونص رجعت لبيت هلكانين من التعب .نمنا جوه بلكاع كوه ذبيت ملابسي وسالم ومحمود هم بسطنه بلغرفه الضيوف
ثاني يوم فزيت اخواتي فوك راسي وامي وياهن
بسم الله خير مسوين انقلب فوكاي
لا بس عريس وهذا حالك
وشبي حالي
لا عيني مبيك شي شوفوا نفسكم هسه ليشوفكم شيكول
باوعت لنفسي بس ملابس الداخليه وهذول هم وصايرين واحد فوك الثاني
امي كلساع تكول خاف شاربين شي
يوم والله ماكوشي بس اجينه تعبانين نمنا اهنا
أنت تقرأ
علاقات مخفيه
General Fictionحكايه جديده من واقع مجتمعنا شنو يدور داخله وشنو تخبي النه من اسرار في قانون الحياه هنالك شعار ... ...الغايه تبرر الوسيلة ... فما كان تبرير غاية انسان يجرم بحق أخيه .. وما_ خفي_ كان_ أعظم
