علاقات مخفيه
..............بقلم فاطمه الربيعي............
لكيت بالعشر مكالمات من سالم ورساله فتحته ضروري تتصل بيه ...
على السريع اتصلت بيه حته اعرف شكوووو
فتحه ...لحظه انصدمت بلي كاله ..وكع الكوب مني لليصحيني من الحاله لي اني بيه .....
ايديه ترجف الفون وكع وتكسر جسمي مو كادر احركه ...خبر مثل الصاعقه اجاني ...
مجرد عرفت محمود مات ...شلون؟؟.وليش ؟؟
مكدرت أنطق حرف ...
دموعي تجري ..لبست ملابسي وأخذت المحفظة وطلعت متوجه لبغداد
عسى ولعل الخبر كذب ...
أمل بنفسي ...الساعه عدت 12 وحضر تجوال ..
بقيت أتوسل بضابط المسؤل عن قياده السيطره يله اقتنع اطلع ورافقتني سياره خاف اسوي شي أو متفق مع أحد ..
بالي كله بغداد ويم محمود ..
زدت سرعه السياره أريد اوصل بأقرب وقت
بحدود الساعه ونص دخلت بغداد ...وصلت لكيت سيارت موجوده بلباب ...
فتحت الباب البيت وكفت مو كادر اخطي خطوه داخل البيت ...جسمي يرجف ..
فكرت اتراجع وما اخطي خطوه داخل البيت ..
قويت نفسي ودخلت ..لكيت التابوت ..بلكاع وأمي حاضنته وتبجي ...
باوعتلي وصرخت لك عماد محمود راح يمه راح اخوك راح ...لك كون اني لي ميته مو هو ...
ركضت يمه حظنته ودموع نزلت ...مكدرت أنطق شي أبد ...
أمي ساعه تملخ بوجهه وساعه تبجي وساعه تصرخ ...
أخواتي نفس الحاله ...وسالم نايم فوك التابوت ويدك علي ...
سالم:. لك الموت مو الك كوم محمود ارجع رأيدك اني كوم نضحك ونسولف ونصنف على هذا وذاك ...
وعماد يسامحك ونرجع مثل قبل ثلاثي المرح ..
وتتأخر يله ترجع لبيت وعماد ينزعج منك ...
ونسافر سوا ومو جنه متفقين ليش تخلف بوعدك ليش ... كوم اصحه خويه حزام ضهري كوم ..
كومته وحضنته ...وهوه فاقد يبجي ويكول اني السبب اني ...
هديته وكعدته ...
أنت تقرأ
علاقات مخفيه
General Fictionحكايه جديده من واقع مجتمعنا شنو يدور داخله وشنو تخبي النه من اسرار في قانون الحياه هنالك شعار ... ...الغايه تبرر الوسيلة ... فما كان تبرير غاية انسان يجرم بحق أخيه .. وما_ خفي_ كان_ أعظم
