علاقات مخفيه

part 11

علاقات مخفيه

أوجاع قلب
...........بقلم فاطمه الربيعي .......

لقلب عنوان
اما حب أو قساوة. .فإن كان الحب توالد كل اطباع الحنان والطيبة والأخلاق الحميدة  اما اذا كان العكس فيتبطبع باطباع الحقد والكره. .

إن وجد الإنسان يتعامل مع شخص  بعملاتان لشخص واحد كيف يكون وكيف تميز منه الخير  أم الشر.

ثاني يوم اتصل علي
رفعته
الووو
هلووو شلونك بذات

بقيت ارد علي برود واشوف صلافته ويحجي عادي كتله علي باجر أريد تجي لديالى

ليش شكو

تعال مشتاقلك وأريد أخذ رائيك بموضوع مهم
ماشي

سديته وأحس نفسي أتعامل ويه بشر ممتعامل وياهم قبل شخص بعملاتان  عجيب شلون بشر ....
اخذت نفس.. وبقيت انتظر علي إلى أن يجي

كعدت بلكونة وادخن والنار تسعر بكلبي والدنيا سودة. بعيني. خايف لا أجرم  بي واذب نفسي بتهلكه واني مناقص لي صار لي بسببهم.. ارجع اخسر نفسي لناس متستاهل ..

منمت ولا شفت النوم الساعه 10  الصبح  اتصل علي يريد العنوان دليته على الطريق ودخلت لشقه بدلت

ملابسي وكعدت بلصاله على التخم وأهز برجلي من التوتر ...بقت الأفكار تراودني لحد مرجع اتصل ونزلت حته اشوفه ..

وكفت باب العماره انتضره. .
أجه بسياره .....استغربت مكالي مشتري سياره ...جريت نفس ..وبقيت بنفس مكاني ولا تحركت خطوه..

أجه علي سلم لك شبيك شنو ديالى غيرتك علينا

لا مبيه بس تعبان تعال نصعد

فتحت الباب ودخل بقه يتفرج على الشقة واني مكتف إديه واباوع علي. ...التفتلي لك عماد كولش

حلوه ش.....راد يكمل ضربته بوكس بوجهه باوعلي متعجب واستغرب ...صكيت على اسناني وكته
ليش يا رفيق دربي ليش ولك ماغزر الزاد والملح بيك فهمني ليشششششششش

علي  ...عماد على شنو دتحجي مجاي افهمك.

متفهم مو ...... رحت فتحت الجرار بلصاله وأخذت الورقه لي بيه معلومات لجبتهم من المصرف  حطيته بوجه
أخذه وبده يقراء ...

لحظه وكعد بلكاع واني واكف مكاني واباوعله بستصغار ..

كعد وفرك وجه باثنين إديه
عماد مو مثل ما انته متصور عمري مااذيتك ولا خنتك 

أنجب لك شايف كل لي صار وجاي وتكلي مسويت لك شي لك خاين وغدار وثقت بيك وتالي شسويت

علي ...بس اسمعني  كمت وكفت وتقربت منه عماد انته لربيتني تتوقع اخونك لك ماسرقتك صدكني ولا اذيتك بيوم  معقوله متعرفني لسه ...اني علي صديقك أكثر من 10 سنين سوا ...