ماما : نوضي لمضراستك يا هاد لبنت
انا: ماما 3 دقايق ونوض
ماما : واخا فداك 3 دقايق نكون نوضت براهيم لي كايعرف ليك
انا : 😲صافي صافي هاهيا نايضا
نضت غسلت وجهي وبدلت عليا لبست (صورة)

وقاديت حالتي وهبطت نفطر سلمت علا بابي و كلست
بابا : معاياش داخلا
انا : 8 هاد لعام قتلونا تمنيارات الله يلقيها ليهوم
ماما :راكي ما غاداش لمدراسا غادا لوغا
انا: اه اه ناري لبق ما يزهق حاضياني
ماما: ويلا ما حضيتكش انت شكون نحضي
انا :حضي راجلك لا تجيه لمراهق الامتأخرة ويطيرو بيه ما سمعتيش راه دايرين اضراب باش يتزوجو 4
بابا : الله يمسخك واش ما عندك شغل
انا : ها انا غادا باي
ماما : اجي زعما ديرها 😕😕
بابا : شغاندير
ماما : يجيك داك لموهاراقا ولا مواراقا ولا مانعرف
بابا : لا حولا ولا قوت الى بيد الله ( لبنات هاكدا كتب ) واش ياهاد لمرا بنتك هضرت قولنا طايشا وانت مولات لعقل
ماما : ايوا ما نعرف
انا فهاد الاتناء كونت كلبس بروطكاري وسمعتهوم شبعت ضحك هزيت سوارتي وخرجت درت نضاضري وحنيت راسي حتا وصلت لمدرسة لوغا دخلت وبدات لحيصا ما سالات حتا 9:45 من تما مشيت ليسي مي ربي دار طريق لوستادا دلماط ماجاتش دخلت لمكتابا منها نيت نعرفكوم براسي
_____احم احم انا سارة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بنت كيف كيقولو زوينااااااا وبزاف لي شافني كيبقا هابل عليا ني انا ما مسوقا لحد حيت بغيتلي نتزوجو مايكونش لباس عليه لالا حشوما بغيت دكون منيويير وباش نوصل لهدفي كندير لموستاحيل اولا ديما مهليا فراسي من ماسكات وما جاوراهوما كنرد لبال راسي من شمش او نتجرح وداروري دايت وحتا دخلت لمدراسا ديال ناس لي لباس عليهوم باش تكون عندي بيهوم علاقا وزت طلبة ندخل لمدرسة لوغا باش كنتعلم الانجلزية والالمانيا الاسبانية والاطالية وطلبو مني خوتي يلا جبة 17 فتاسعا يدخلوني وفعلان جبتها حيت ختكوم قراية كيتفارضو بيناتهوم وكيقريوني فيها حيت عارفا راسي مني غنولي نسافر لدول خاص نكون عارفا نهضر ما تعرف نستقر تما حسلي من هاد لمغريب كاع
انا اسيادنا هاد لعام عندي لباك فعمري 17 ونص طويلا وزين راكوم شفتو بلا ما نبدا نشكر فراسي بلاضاف لهادشي كنمشي لحصص رقص لي كتخلصهوم ليا ماما من فلوس لعقاد
أنت تقرأ
شطان عماني وطمع غواني
ChickLitسلام لبنات ليوم جبت ليكوم قص ديال بنت كانت فقمت لجمال لاكن فقيرة وكان هامها لفلوس وباغا تخرج من لمستنقع لي هيا فيه وما عرفاش قيمتو واخا نهار لي غتمانا غي تولي ما غاتلقاهش غتبع لفلوس وغدير لمستاحيل باش تجمعها ملي غترد لبال راسا غاتلقا راسها خاسرا ر...
