شطان عماني وطمع غواني

الجزء 14

انا : نتمنا ما نكونش خليتك تسناني بزاف

هو : نو بلعكس عاد جيت

حلي باب طوموبيل : تفضدي مادموزيل

انا ابتساما  : مرسي

طلعت فلوطو وكسرا بتجاه لبحر بقا غادي حتى وقفنا حدا وحد لمطعم فيق شيك واو عمري شفت بحالو سارة رزني وتبتي باراكا من تفرفير .

هو : نتمنا يكون لمطعم نال إعجابك

انا : وي زوين

هو : شنو تاكلي

انا : جيبلي دابا  غير وحد  ستار باکس على ما ندويو عاد نطلبو لغدا

هو : امرك مولاتي ( دار عند سرباي ) خويا عافاك جب لأنيسا وحد  ستار باکس و دانكن دونتس البارده .

سرباي :  اكي موسيو

مشا سرباي و هو ضار لعدندي

هو : بون نعرفك براسي انا سميتي اوس الشرقاوي فعمري 26 سنت صاحب سلسلت شركات الخشب المعروفا **** انا صاراحا حليت عيني فميتم ( انا مع بالي حمد لله تهنيت من مشاكل العائلة ) و ملي درت 11 تبناتني وحد لمرا كنت كتجي لميتم دير مساعدات خيريا و عجبها دكائي و تبناتني راجلها دارني بحال ولدو و ملي درت 17 توفات الله يرحمها ملي درت 18 سي شرقاوي كتبلي كولشي حيت ما عندوش ولاد وخاف عائيلتو تاخدلي الشركات ، ملي درت 24 مات الله يرحمو ويجازيه بلخير على لخير لي دار فيا .

يعني انا ابنت ناس مقطوع من شجرا ما عندي لاوالي لا تالي انت غتكوني مي وختي وخويا وكولشي يلا قبلتي عليا .

انا : صاراحا قصتك مأترا واش ما فكرتيش تقلب على واليديك ( نضمن اني انعيش هانيا )

هو : حاولت كتر من مرا ولاكن بدون جدوا واصلان ما بقاش عندي الأمر مهم

انا : 😊😊😊

هو : عاوديلي على راسك

انا كنهضر برزانا : انا فعمري 17 لسنت كنقرى فلباك بلإضافا لأني منخارطا فكليب درقص ولاصال دوسبوغ و قريب نكمل دراستي للغات

هو : او راكي شاطرا مي انا عندي وحد لموشكيل

انا : غير لخير

هو : انا ما باغيش مرتي تقرا

انا مع بالي هنيتيني : 😨😨😨  موستاحيل راه امنيتي تولي طبيبا ( الله يمسخني ) عرفتي شحال صهرت ليالي فتالي تقولي ما نقراش .

هو شدلي فيدي : علاش غتقراي وانا حمد لله عندي لي يعيشني انا وياك حياتنا كاملا

انا كندمع فعويناتي : واحلامي

هو : راه احلامك انا لي نحققها ليك بلا ما تشقاي

انا : انت ما عارفنيش كيف دايرا راه عزيز عيا يكون عندي مدخولي شخصي

هو : شوفي انا مستعد ندير ليك اي حاجا غي ما تبقايش تزاحميلي مع ولاد ليسيات

انا دايرا فيها مقلقا : اكي لي عجبك

هو : شوفي فيا اشنو لحاجا لي نقدر نديرها ليك تخليك فرحانا

انا حانيا راسي ( نستاغل الفورسا ) : انا صراحا ما كرهتش ملي ما باغينيش نقرى ندير بوتيك دلحوايج نلاهي فيه راسي

هو : وكان انا كنواعدك نديرلك اكبر بوتيك فلمدينا

انا فرحت مي حاولت نحافض على توازني 😉 : مرسي حيت فهمتيني

هو : انت تأمري دابا اش درنا

انا : فاش

هو : لخطبا واش موافقا نجي نخطبك

انادايرا راسي حشمانا  : اجي شوف بابا ويكون خير

هو : ما قلتي عيب

طلبنا لماكلا وتغدينا صاراحا اوس رغم انو من طبقا لعليا الى انو شخص متواضع وضريف ومقول ورزين صراحا راجل .