شطان عماني وطمع غواني

الجزء 10

وصلنا لظار لاقاونا بصلا وسلام دخلو كنزا لي جات جوهارا مشاء الله  وحتا ترتيبات كانت واعرا و حتا من عائيلت لعريس ما كانش بزاف غير ماماه

وختو

و خوه ومرات.

وعمتو

وشي صحابو منهوم اوس لي ما فارقنيش بنضراتو وفين ما نضور لقاه فجنبي وحتا انا بغيتو ليا حيت من صغري و انا حلمي واحد بحالو لموهيم طول لخطبا وانا كنحاول نتصرف بلباقا ركبو هوما لخواتم

من ورا ما ركبو ديك جعالق و شربوهوم لحليب عطاتني مامات كنزا نعطي تمر لي ما مزوجينش زعما لفال باش يتزوجو  ( لبايرات بحالي ههه)  بديت بخوتي هوما لوالا عطيتهوم كاملين الى ريضى حيت مزوج

ريضى : اجي اديك شنيولا فين تمرتي

انا : راه هاد تمر  خاص بلبايرين

هو : كيفاش خاص بلبايرين 

انا : راه غير بلبايرين باش يتزوجو

هو : اراي شي 10 ديال لحبات على الله حتا انا نتزوج

انا : اكي خويا لحبيب تسنا نعيط لمرتك تمدهوم ليك

هو : ما خصنيش تاكلي فيهوم جغديد

لموهيم فرقت ديك لغطار خليت حتا بقا جوج حبات وانا نمشي لعند اوس

انا : تفضل موسيو اوس

هو : مرسي راه صحابلي غتنسايني

انا : نو راه شفت لبلاصا حداك خاويا وقولت نخليك انت تالي باش ناخد حتا انا ليا

هو : علاه هاد لجمال كولو وسيليباتير

انا : ههه راه زين زينا وزهر يجيب ربي

هو : ممكن رقم ديالك

انا : سمحليا راه انا غير حيت من لعائيلا داكشي علاش دويت معاك مي فهمتيني غلاط

درت فيها مقلقا وجيت نايضا وهو يشدني

اوس : باردون مي راه انت لي فهمتيني غلاط انا راه باغي نعمر ضاري وما غاديش لقا ما حسن منك

انا : لي كيبفي لمعقول كيمشي لدار

هو : يلا موافقا دابا نمشي نهضر مع باباك

انا : لعجلا من شيطان غير بلاتي عليك

هو : ايوا ها لي قلنا عطيني نمرتك نهضرو ونتفاهمو وانا من جيهتي من دابا نخطبك

انا : شفتك زربان ما عارف لا اصلي لا فصلي

هو : انت من وجهك باينا بنت ناس واليديك باينا ناس الله يعمرها دار علاش و انا كونت باغي شي بنت ناس تعمرلي داري اش قلني

انا : عرفتي خلي ليا رقمك وانا نتاصل بيك

هو جبد لكارط فيزيت : ها هوما ارقامي في انتضار مكالمتك

انا : انشاء الله