شطان عماني وطمع غواني

الجزء 11

كملنا لخطبا ومشيت لدار بدلت حوايجي و هزيت ديك لكارط فيزيت كنلعب بيها .

زعما هادا هو لي كونت كنحلم بيه صاراحا واخا ماشي شي زين  ، ولاكن راه زين بلا  فلوس ما عندو قيما .

وهاد سيد كامل مكمول طوموبيل وشاريكا ودار اش خاصني ، هادي داجا بكامونها ما غاديش نفلتها .

مي ما غاديش نتاصل دابا راه حتا نطبخو مزيان بحرا ما يقولش هادي فريرفرا .

نعاس حسنلي دابا راه غنول مرات سي اوس خاصني نزيد لهتيمام لبشرا ديالي  وبجمالي بطابيعت الحال.

في الصباح فقت لبست

و تاجهت نحو دروج غير بديت نازلا وانا  نسمع صوت ديك سكايري دكاريم راجل ختي اف ما كنحملوش.

كانت حتا اختي تما سلمت عليها ومديت رسان صبعاني لديك خاينا

كريم : سارة لاباس

انا : حسن منك

فايزا /: ياك كنقلك حتارمي سيد راه كبر منك

انا : طول راه فشجر ولحم راه فلبقر بقات فلعقل

ماما : الله يهديك

انا : دعي معا نسيبك لي كبقلب لقرعا ماشي انا

ماما عاد غتدوي وانا نوض خارجا

انا : ها انا خارجا

ماما : فين غادا العايلا

انا : عندي شي شغال نقضيه ورجع

ماما : ما تعطليش

انا : اكي

خرجت شديت طاكسي وتاجهت اكيد مكان واحد لي كانعشقو لمووووول 😍😍😍

وصلت نزلت من صاكسي خصلتو ودخلت لمول بانو ليا شي كسيوات كيهبلو .

مشيت سومهوم خديت جوج وسروال وشي اكسسوارات

وحد لمونطو طيلت هاد لوقت كان متبعني بعينيه وحد خاينا باين عليه من دوك لغوال ديال سواعدا .

انا غير شفتو حاط عليا عرفت لهمزا جات حتى لبين يدي  بديت كندوز من حداه ونتحلون شويا و هو واقف حدا وحد شوميزات وانا مشيت لعندو بلعاني .

انا : بارضون موسيو ممكن ندوز

هو : اكيد شرفي عزيزتي

انا مع بالي والله حتا من كروش لحرام ليلا ليلتي

انا : شكران ( مع ابتساما صفرا )

هو بقا واقف و انا درت راسي حايرا هزيت طيلي وصورت وحد جوج ديال لي سوميج ودرت راسي كنهضر فتيلي .

انا : الو مروى ... حمد لله و انت .... شوفي زين راني فلمول وعجبوني هاد ليسوميج مي ما عانديش فلوس لسلهوم بجوج فين لي زوينا ... وراه حتا انا حمقوني مي راه ما عنديش فلوسهوم وعاد وحد لكسوات سطاوني مي بابا ما عطانيش فلوس بزاف ممكن تسلفيلي بليز  ..... وانت تاني ما عندكش افف على زهري اكي غنردهوم واخا حمقوني مي لغالب الله ... باي زين ( هاد لمكالمة غير مزيفا باش يسمعها ديك لعجل )