فاقت ميساء من مفعول داك المهدأ ...وجا عندها علاء شرح ليها كولشي من نهار شافها حتى لنهار فاقت من الغيبوبة وحتى شنو قال الطبيب...ميساء فلول مقدراتش تقبل بلي هي معاقلا على والو كيبان ليها عقلها ورقة بيضاء خالية من أي شئ... بقا معاها علاء مساندها تاصحات.. ولات بيخير خرجو من لا كنينيك ومشاو لدار علاء ليكانت زوينة بزاف نسيت مقلت ليكم بلي علاء سماها فرح...
علاء : فرح كيجاتك داري ؟؟
فرح : ( لي هي ميساء ) زوينة بزاف نتا عايش هنا بوحدك ؟؟
علاء : اه عايش بوحدي هنا وكيفما قلت ليك انا اﻷم ديالي وخويا لي صغر مني عايشين فالمغرب اه ماقلتش ليك بلي من هنا سيمانا غنرجعو المغرب ونعرفك على اﻷم ديالي وخويا ونتمناو نلقاو حتى نتي عائلتك
فرح : انشاء الله هادشي ليكنتمنى معرفتش واش أنا كانت عندي عائلة ولا لا ؟ بزاف ديال التساؤلات فدماغي ملقيت ليهم أجوبة
علاء : ( قرب لميساء وشدها من يديها) فرح انشاء الله غادي نلقاو عائلتك وغادي ترجع ليك داكرتك ومغيكون غير الخير...يالاه دابا نوريك بيتك دازت سيمانا ورجعنا المغرب...انا ملي رجعت المغرب وانا فالداخل ديالي واحد اﻹحساس ليغير مفهوم وصلنا لدار علاء ليكانت عبار عن قصر فغاية الجمال وعرفني على ماماه وخوه ليدخلو لييا لخاطري كان باين بلي هما عارفين شنو طرالي...
"عند أمين "
امين دازت تقريبا 9 شهور وانا معندي عليك حتى خبار مخليت فين قلبت عليك فين غتكوني أميساء فين فين؟
امين من نهار تخطفات فيه ميساء وهو كيقلب عليها مخلا منين داز كلف بزاف دناس حتى هما يقلبو عليها مي والو كولشي فقد اﻷمل باش يلقاوها الا أمين ليولا مكتائب ومكيجلس مع حد... عماد وخولة دارو لكاغط حيت هادو كانو أوامر الجد مي خولة مبغاتش دير لا عرس ولا حفلة حتى تجي ميساء ومشات سكنات مع عماد نرجعو عند فرح
علاء : فرح يالاه نخرجو شوية
فرح : اوكي نيت بغيت نمشي ناخد شي حوايج خاصيني ضروري
علاء : أوكي نمشيو تقداي دوك لحوايج ومن بعد نمشيو لشي غيصطو نتغداو فيه أوكي
فرح : اوكي هانا غنمشي نوجد راسي ( لبست حوايجي لي عبارة عن كسيوة حد الركبة فالكحل وصبيبيط بلا ودرت ميكاب خفيف ومشينا انا وعلاء دخلنا لواحد البوتيك مشيت كنقلب على داكشي لخاصني وبلا منقصد دخلت فواحد البنات دارت عندي وحسيت بيها مصدومة وبقات كتشوف
انا : سمحيلي اختي مقصدتش نتي لاباس ؟
اﻷخت ( باقا كتشوف فيا بحال لا شافت شي شبح ) : ممميييساء
أنا : كيفاش أختي؟ ( جا علاء وشاف فينا انا وديك البنت )
علاء : كاين شي مشكيل هنا ؟
أنا : لا ماكين حتا مشكيل غير اﻷخت معرفتش مالها وفهاد اللحضة جا واحد الشخص كان كيخلص شي حوايج وغوت على البنت
الشخص : حياتيي يالاه نمشيو
البنت : باقا مصدومة وشادة ليفيدي ميساء لا ميمكنش نتي هادي
الشخص : حياتي غوات عليك ومسمعتينيش كاين شي مشكيل درت عندو نشوفو ... غير شافني تصدم وبقا كيشوف
الشخص : ميساء لا ميمكنش وأخيرا لقيناك أنا ومفاهما والو) سمحلي ولكن شكون نتوما ؟؟
البنت : لا ميمكنش أميساء علاش كديري هاكا واش عرفتي شحال وحنا نقلبو عليك ودابا كتقولي لينا بلي معرفتيناش ميمكنش كون مكانتش هاد الجرحة كون نتيق بلي نتي ماشي ميساء وغير كتشبهي ليها ( الجرحة كانت فيد ميساء حيت ملي كانت صغيرة كان جرحها واحد السلك) علاش كديري هاكا وعلاش نكرتي بلي كتعرفينا نسيتي كاع داكشي ليدوزنا لا ميمكنش اهئ اهئ اهئ
عماد : حنى من نهار خطفك داك الكلب مخلينا فين قلب عليك وأمين خويا ليولات حالتو حالة مسكين ملي مالقاكش ونتي شنو جالسة كتسركلي لييا مع هاد خينا
أنا : ( فالنفس ديالي علاياش كيهضرو هاد الناس واش يمكن يكونو عائلتي وشكون هاد أمين ليهضر عليه أنا مافاهمة والو!!
🔜🔜يتبع🔜🔜
أنت تقرأ
طيحتني_بنت_العروبية
Lãng mạn???مساء النور برنسيسات ❤❤❤ هانا تاني فقصة جديدة قصة روعة عجبتني وبغيت نشركها معاكم كالعادة قصة طوب بلا منطول عليكم .نلقا التفاعل نحطها ??? العنوان: #طيحتني_بنت_العروبية الكاتبة: # منقولة ?لقتها بلا اسم ✋✋يلاه تفاعلو تفاعلو 150 جييييم باش نحطها دغيا...
