طيحتني_بنت_العروبية

💘 طيحاتني بنت لعروبية 💘

جدي : يالاه كولو ونوضو كملو معايا راه عجباتني خدمتكم لبارح

أنا وخولة : هي لولة أجدي (نضنا لبسنا دي بوط وتوارز ودرنا زيوف على وجهنا بقاو غير عنينا ليكيبانو خماسات وصافي)....

نمشيو عند سي أمين أنا مالي بقيت البارح بلا نعاس كنفكر فهاديك العروبية نو مايمكنش أنا أمين العلامي ليكاع لبنات كيتمناو غير نشوف فيهم تعجبني وحدا بحال هاديك مي راها زوينة صراحة وحتا شخصيتها عجباتني وداك الفيم واااو ... أميين لا نسا علييك هادشي راه غير تخربيق دق دق دق

أميين : شكون دخول 

عماد : نضتي أصاحبي

أميين : هانا يالاه فقت اوى كيصبحتي مزيان

عماد : اه صبحت فوق بيخير بصراحة دخلاتلي هاد البلاد لقلبي وحتى بناتها

أميين : متقولشلي عجباتك ديك العروبية

عماد : خولة ماشي عروبية وراها عجباتني صراحة وحتى نتا راه عجباتك ميساء ولا شنو تفسير ديال داكشي تلبارح ههه قاطعناكم

أميين : أودي أصاحبي مكتعرفنيش زعمى راه غير ندوزو ديك الوقيتة وصافي أما أنا عمر طيحني شي وحدة فهمتي

عمااد : ههه هاحنا غنشوفو أصاحبي أنا بعدا كنعتارف بلي طحت فغرام خولاتي

أميين : هههههه مكلخ والله دابا غتولي تفكر فيها وتبقا تشوش عليها وتغيير عليها هه ومالك على حالتك هه دير بحالي ديما متعلقش بالبنات ديما كن حر ههه تعيش مرتاح

عمااد : أودي غير خليني راه الحب مكيشاور مي عتارف بلي هوما زوينين عتارف

أميين : أودي ماشي شي حاجة مابيهمش

عماد : مي عتارف بلي هي نخلاتك ومتسوقاتش ليك وعمر شي وحدة دارت ليك هاكاك

أميين : بصح مي غير دافعا جبهة أما هي راه تزعطات فيا من لول وكنواعدك بلي غادي تعتارفلي بحبها قدامكم وهانتا غتشوف راني أميين وأجرك عالله

عماد : أوكي هاحنا غنشوفو نمشي نصوني على الزين تاعي...

نرجعو لميساء وخولة

خولة : ناريي معرفتش شكون كيصوني خبيني خبيني

أنا : أوكي جلسي بحال لكنستارحو وتكاي عليا وهضري اوى جاوبات

خولة : ألوو

عماد : الزين ديالي صباح الخير كيصبحتي مزيان ؟؟

خولة : صبحت مزيان الحمد الله ونتا ؟؟

عماد : أكيد غنصبح مزيان وأنا بايت كنحلم بيك

خولة : بصح حلمتي بيا

عماد : اه أحياتي وبغيت نشوفك ليوم ضروري

خولة : نشوف ونرد علييك باي دابا

عماد : صافي سخيتي بيا

خولة : لا غير خفت لايشوفني شي حد كنهضر ونطيح فمشكييل يالاه باي دابا ملي نصيفط ليك ميساج صوني باش نجاوبك

عماد : أوكي بيبي تهلاي

أنا : شنو نتلاقاوهم

خولة : مكرهتش مي فين

أنا : فالواد فالعشية

خولة : وفاتييي

أنا : ضربيها على حسابي مي معرفتش واش غيجي معاه داك بنادم

خولة : معرفتش بلاتي ونشوف

أنا : صافي صوني عليه وقولي ليه فين وديك الساعة يحضر الله ( صونات خولة على عماد وتافقو بلي غادي يطلاقاو مع 3 تما تغدينا كيف العادة وركبنا فالخيول ديالنا ودينا البgر يرعاو وفطريق قادينا الضوسي مع فاتييي وقالت لينا أوكي مي حديو راسكم ليشوفكم شي حد

أنا : كوني هانيا بالشجر تاحد مغيشوفنا (وصلنا وجلسنا حتى وصلات 3...)

🔜🔜يتبع🔜🔜