دخلو العرسان غير دخلو بقينا حالين فيهم فامنا وهما كدالك... كانو لابسين جابادورات فالبلونكاسي بحال بحال وبليغات سفرين... وحنا كنا لابسين قفاطن فالخضر على حساب لحنا دخلو بالصلاة والسلام وجلسوهم حدانا
أمين : وموحال نقدر نصبر حتى تسالي لحنا غادي نخطفك واقيلا
أنا : كيفاش لا نتا وقيلا تسطيتي
أمين : أجي غادي تمشي معايا ليوم ياك احبي
أنا : أكيد نو بيبي
هو : ( بصدمة ) كيفاش نو؟
أنا : حتى يسالي لعرس
أمين : لا ميمكنش والله لاصبرت حتى يسالي لعرس
أنا : اوى شغلك هاداك غير أنا راه مغنمشيش معاك حتى يسالي لعرس
أمين : نتي مكتبغينيش باينا ( وهو يدور زعما راه مقلق )
أنا : اه بصح مكنبغيكش غير كنموت عليك أحبي ولكن صبر أحياتي بحال ليوم بحال غدا
أمين : اوكي مي كنواعدك غادي نخرج منك كاع هادشي ليدرتي فيا
أنا : ههه خلعتيني ههه اوكي دابا نشوفو
الموهييم درنا تصيورات مجموعين قتلونا بتصاور ديري هكا دوري هكا شدي هادي حطي هادي راكم عارفين ألبنات... كولشي فرحان كولشي كيشطح شوية طلقو لينا الهيوتي
أنا : أمين تهاوشت بغيت نود نشطح
أمين : تي تبتي راه العروسة مكتهيتش نهار عرسها
أنا : اوف يخ والله كون مهادشي فوق راسي يتانوض
أمين : اوى الحمد لله شادينك داكشي
انا جالسا كنشطح برجلي : لا لا صافي مبقيتش قادرا
💘نضت حيدت التاج والطوانق وشي تخربيق فشعري ودخلت كنهيت وجريت حتى خولة وجلسنا نهيتو وأمين وعماد كيتكرشخو علينا بضحك الموهيم دوزنا نهار غزال كولشي فرحان وناشط مشا أمين وعائلتو وعماد واخة امين مخرج منا غير بالكشايف غادي وكينكر الموهيم حيدنا كاع داكشي ليكنا لابسين طحنا كاو كنشخرو انا وخولة وحتى لوخرين💘
صبح صباح جديد الفرحة عامة المكان نضنا انا وخولة دخلنا دوشنا وشدينا الطريق للصالون دخلنا صايبات لينا شعرنا ومكياج شوية فونصي فاتييي حتى هي قادات شدة بالشال ومكياج وتكشيطة فالكحل جاتها كتحمق وكوتر حتى هي قادات شدة بشعرها ومكياج وتكشيطة صفرا شي ليخلاها غزالا... وحنا لبسنا اﻻلبسة البيضاء وجلسنا كنتسناو فالعرسان ديالنا يديونا من الصالون... جا أمين وعماد امين كان لابس كوستيم فالكحل مع كرافاط كحلة وعماد حتى هو كوستيم كحل مع كرافاط حمرا.. الحاصول كاع لبنات ليفصالون بقاو حالين فمهم فيهم وباينا فعينيهم حاسدينا شوية دخل حتى علاء وخوه سمير باركو لينا وحتى خالتي سعاد مامات سمير وعلاء... الموهيم ركبنا حنا فسيارات علاء ليكانت مزوقة بشكل رائع ركب هو لقدام وانا وامين لور وجريت انا فاتي ركبتها حدا علاء وخولة وعماد ركبو فطوموبيلت عماد... ليكانت حتى هي مزوقة بشكل واو وساgها سمير وجلسات حداه لالة سعاد ليكانت حتى هي أنيقة وفرحانة اما البقية ركبو فالسيارات لوخرين وصلنا وتعرضو لينا الدقايقيا وماما وخالتي بالحليب والتمر وجلسنا كنتصورو والكل فرحان انا دير فيها متبتة هاد النهار
🔜🔜يتبع🔜🔜
أنت تقرأ
طيحتني_بنت_العروبية
Lãng mạn???مساء النور برنسيسات ❤❤❤ هانا تاني فقصة جديدة قصة روعة عجبتني وبغيت نشركها معاكم كالعادة قصة طوب بلا منطول عليكم .نلقا التفاعل نحطها ??? العنوان: #طيحتني_بنت_العروبية الكاتبة: # منقولة ?لقتها بلا اسم ✋✋يلاه تفاعلو تفاعلو 150 جييييم باش نحطها دغيا...
