طيحتني_بنت_العروبية

💘 طيحاتني بنت لعروبية 💘

قصة زوينة قصة طيحاتني بنت لعروبية

ميساء نوضي براكة من نعاس غير قولي ليا دابا حنا لاش جينا لهنا باش نعسو نوضي شوفي لجو كيداير هنا راه أكتر من رائع...

أنا : أوكي حبي هانا نايضا مي بعدا كاين شي فطور

خولة : وي موجود راهم كيتسناوك نودي باش فلعشية نمشيو عاوتاني نحضيو لبكر مع فاطمة

أنا : يااااااس راني مشوقة بحال ديما واااو ياريت العطلة تبقا ديما

كوتر : الناس فالعطلة كيمشيو لمدن يتساراو وحنا جايبينا لعروبية لا وقاليك يحضيو لبهايم كاين شي بهايم قدكوم .

أنا: لبهيمة هي نتي يالخانزة

كوتر: الخانزة هي نتي شوفي كيدايراا ..تفو على تريكة

أنا : تفوو علييك نتي ألبعلوكة

خولة : هههه ياربي تحميها وأنا نتفرج فيها ههه

جدة : مالنا على هاد الصدااع من صباح حشومة ميساء نتي بعقلك زعما

أنا : وراه هاد البرهوشة ليجبداتني

كوتر : سمعتي أمي لالة كتعايرني اهي اهي

جدة : صافي أبنيتي مديش عليها راه معندها عقل

كوتر : بصح أمي لحبيبة ( وضارت لعندي قاليك كتعيبني ههههه شدي دابا )

أنا : يشدك عفريت نشاء الله

سمحولي على هاد الدخلة أنا ميساء 19سنة جيت لعند جدي فالعطلة حيت كيعجبني الجو ديال البادية وحيت كيعجبني نركب على لخيل بحيت جدي خيال وعزيز عليه لخيل كيدير فن ديال تبوريضة عندنا 4 ديال الخيول واحد كيركب عليه جدي والباقي خوالي عائلتي كبيرة بزاف وجا حتى خالي وبناتو ليهوما خولة قدي فلاج وصاحبتي وكنتفاهمو ...وكوتر البعلوكة عندها 17 سنة مسيميمة وبركاكة غير ليمسمعات فبي أي وصافي ....ونسيت مقلت ليكم عندي خالتي صغيرة عندها 21 سنة كيجيوها لخطاب وهي مكتبغيش... دارنا فالعروبية زوينة بحيت حنا غير على قد الحال مي دراوش وعزيز علينا الضيافة بديت كنعاود لكم حتى نسيت نوصف راسي أنا  طويلة 1.69 وبيضاء وعنيا قهويين وشعري رطب وعسلي الطاي ديالي زوينة الموهيم بشاهادة الجميع كيقولو بنت سي علي مكينش بحالها.... احء احء واو شحال متواضعة وخولة حتي هي زوينة فطول قدي مي عامرة عليا وسميمرة وحروفها كحلين لحاصول عائلتي فيها الزين وكاع الدراري ديال العائلة كنعجبوهم .... معرفتش منين كيضبرو على نوامرنا كل مرة كيصوني معجب ماقلتش ليكم أنا وخولة دايرين تيليفون خبية حيت عائلتي عندهوم لبنت ماتشري تيليفون حتى يشريه ليها خاطيبها الحاصول نمشي نفطر ونكمل ليكم  

🔜🔜يتبع 🔜🔜