وئد النفس

part 1

#وئد_النفس
البارت 1
#Rehab

#وئدُ النفس

قد لا يكون الوئدُ قاصراً فقط على قتل النفس من نفسٍ أخرى !!
ربما يكون بأشكالٍ أُخر..
قد يغتالُ الإنسان نفسهِ بنفسه،
كما هي...
ثغرُها باسمٌ...
وجهُها الذي كلما أراه
ضاحكا ومُختالا
وكأنَها تملُك الدنيا،
لا يعلمون ما تخفي وراءهْ،
عالمٌ آخر..
حياةٌ أخرى..
سوادٌ في سوادْ..
لا شيء يستحق الحياة..
وكأنها خُلقت لتعطي الحياة..
ولكن..
لتوئِد نفسها. (رسل جميل)

ابدي وياكم بقصتي ... يمكن تستغربون من الأحداث الي راح تصير ... بس هو واقع حال ... ممكن اي بنيه بعمري تعيشه

البعض يستغرب من تصرفاتي ... ويكول لو مربينج اهلج صح ... كان مشيتي بالطريق الصحيح ... وماوكعتي هيج

بالعكس اني اكلكم ... اهلي ربوني بالطريقه الصحيحه ... بس كثر الدلال ... خلاني امشي بطريق فاسد ....

خلوني اعرفكم بنفسي ..
اسمي سما عمري حاليا 16 سنة ... اصلي من  بغداد ... بس عايشه ويه عمي ...  بالناصرية  مسجله بأسم عمي أحمد  ... وامي وابوي الأصليين حاليا ببغداد

طولي 165 وزني 60 ... بشرتي سمرة عندي غمازة وحده بخدي ... ماكو شي مميز بملامحي ... عدا الغمازة

ادرس صف رابع علمي ... عندي اخوان 2 كبار واخت وحده أكبر مني ... إخواني من امي وابوي

عمي ماعنده جهال ... بس اني الي مربيني ... عايشه بعز ودلال ... الشي الاريدة يتنفذ ... بلمح البصر ... اكره واحد يمشي كلامه عليه

خليني ارجع بيكم كم سنة ... واوضحلكم شلون اخذني عمي ... وعشت وياه من دون اخواني

ام علي♤♤ والله إلا ازوج ابني ... مااخلي وياج يالعاكر ... اخطبله ست البنات ... واخليج تبجين دم

فاطمه ♤♤ ياعمه هو بيدي ... الله ماقسملي يصير عندي جاهل ... قابل مااتمنى اصير ام ... حالي حال هاي النسوان

ام علي♤♤ لا تفكين حلكج ولج ... تفووو عليج ... ماادري أحمد شنو شاف بيج ... وأصر عليه اخطبج ... ساعه السوده الا اخذتج بيها لابني

فاطمه ♤♤ 😭😭😭 سكتت وضليت ابجي ... جرتني رند ... واخذتني لغرفتي ... عافتني وراحت يم عمتي

بقيت بغرفتي ابجي ... وادعي الله يرزقني ... بطفل يملي عليه حياتي ... ويريحني من حجي عمتي

اجه أحمد دخل للغرفه ... شافني ابجي ... وحاضنه مخدتي بيدي ... بقى يستغفر اجه كعد يمي

أحمد ♤♤ فطوم عمري ... ليش تبجين ... ادري امي مكرهتج بالعيشه ... اتحمليها لخاطري

هاي امي ومااكدر ... اغضبها بكلمه أو فعل ... واحنه نبقى ننتظر رحمه الله وفرجه علينه ... بلكت يرزقنه بطفل