#وئد_النفس
البارت 3
#Rehab
ماذا يفعل المرء عندما ينطفئ شيء ما بداخله؟
حيث لا تعود القصائد والأغاني تعني له شيئا، حين يستيقظ ضارباً بيديه على صدره :
رباه ! كان هُنا شيء ينبض .
💔💔
فاطمه ♤♤ انتقلنا للناصرية يم اهلي ... بقينه فترة قليله ببيت ابوي علما اشترينا بيت وكملنه كلشي
انتقلنا ب بيتنه بين تنظيف وترتيب ... اجوا اهلي ساعدوني نكمل ترتيب الغراض ... إلا أن خلصنه كلشي واحنه تعبانين اتغدينه امي طابخه وجايبته النه غسلت المواعين ورحت نمت من التعب
احمد♤♤ اتفقت ويه عمي على بيت يمهم وع معرفته ... اخذت بيت مناسب سعره وبنائه يعني جاهز بس ترتيب شويه
كملنه ترتيب بين صبغ وكهرباء ومن هالسوالف ... انتقلنا وكعدنه بيه ... بقى عندي فلوس اقترح عليه عمي اشتري محل واكعد بي ع باب الله
هم مصرف للبيت وهم التهي بي ... رحنه ع صاحب المحل واشتريته من عنده
شغلي جان كلش زين ببغداد ... واحنه ماعدنه أحد يعني مصرف قليل ... فكلشي جنت احصله اضم من عنده نص والنص الثاني اتصرف بي
احمد♤♤ بديت اشتغل بالمحل والحمد لله ربي أنعم عليه من رزقه وزاد حلالي ... والتهيت بشغلي ومسؤولية البيت
مرت سنين وسما يوم عن يوم تكبر كدامي ... دخلت مدرسه وماقصرت وياها بشي ... كل طلباتها أوامر
اتعلمت ع الدلال والعز ... وماينرفض الها طلب ... ولو بجت ع شغله تريدها بنفس ألوقت اروح اجيبه الها
اخوي اتصالح ويانه بعد مااجه واعتذر ... وبدينه نروح الهم زيارة كم يوم ونرجع
فاطمه ♤♤ بعد الصلح بين علي واحمد ... جنت اخاف لا سما تعرف اهلها الأصليين واحنه مجرد مربينها ... جنت حذرة بتعاملي وياها وبنفس الوقت البي طلباتها
سما♤♤ صار عمري 12 سنه ... دخلت صف سادس ابتدائي
طبعي مغرورة ومتكبرة ... دلال اهلي هو السبب جنت اشوف نفسي أعلى من الكل ... وحتى صديقاتي يحسدني ع ملابسي واناقتي
جنت بين فترة وفترة اغير الصدرية مال المدرسه ... وكلشي اخذ واشتري من بغداد
غرفتي جانت وحدي بيها ... ماانام ويه اهلي ... شغل مااشتغل العود مااشيله من الكاع
امي هي كلشي تسوي ... ارجع من الدوام اتغده وانام ... اكعد ادرس شويه وراها أشغل التلفزيون واكعد اتفرج
سما♤♤ هلووو بابا حبيبي شلونك
احمد♤♤ هلوو باباتي شلونج انتي ... بالدراسة شلونج
سما♤♤ تمام بالدراسة ماعندي شي ... اكلك بابا عندي طلب زغيرون كلش
احمد♤♤ افاااا واني أبو سما ... عيوني الج كولي شنو طلبج اميرتي
أنت تقرأ
وئد النفس
ChickLitقصه فتاة يأخذها عمها ليربيها ... لتعيش بعز ودلال لامثيل له ... وتبدأ باستغلال دلالها بأمور خارجه عن الحد
