#وئد_النفس
البارت 2
#Rehab
احمد♤♤ رجعت فاطمه للبيت وملامح وجهه ماتتفسر ... الحزن والضوجه مرسومه ع وجهه ... عرفت ماكو أمل ابد ولازم ننسى ونعيش حياتنا
رحت وراها للغرفه كعدت يمها ... كامت تبجي بصوت عالي حضنتها وخليت راسها ع صدري ... حسيت ملابسي تبللت من دموعها
عفتها تبجي وتعبر عن كلشي بداخلي ... بقيت استمع الها وهي تسولف وتبجي ... مااكدر اساعدها اديه تربطت ولا اكدر ازوج عليها
بقت ساعه تبجي إلا أن هدأت ... رفعت راسها بيدي ... كتلها هااا شلونج هسه
فاطمه ♤♤ محتاجتك ومحتاجه حنانك وحضنك ... الله يخليك لا تعوفني ابد
احمد♤♤ والله مااعوفج لا تخافين ... وتعاي يلا لحضني اني هم محتاجج كلش ... اخذتها ورحنه بغير عالم نسينا كلشي واحنه بأحضان بعض
مرت الأشهر ورند دخلت بالشهر 5 ... كانت الأيام عاديه روتين يومي ... يخلص بين شغل وبين مشاكل عمتي ويانه
بأخر فترة عمتي تعبت كلش ... والولد حاروا بيها من دكتور لدكتور وياخذونها منا ومنا
مصاريف العلاج اتكفل بيهن أحمد ... بحكم شغله كلش زين ويكدر يساعدهم
احمد♤♤ رجعنا العصر من الدكتور ... كال حالة امك تعبانه كلش وبأي لحظه ممكن تموت
البيت انكلب حزن وكأبه ... بالليل كلنه كاعدين يم امي ... وهي كل شويه تغمض عيونها وترجع تفتحهن
بدت توصي وتعتذر من رند وفاطمه ... بريناها الذمه وكعدنه نبجي ع حالتها تكسر الخاطر
احمد♤♤ صارت ب 10 كلمن راح لغرفته ... نمت بفراشي واحس اكو خنكه بصدري
وبلكوه أجر النفس ... حاولت انام ماكدرت التفكير بأمي شل حالي شل ... خوفي اني افقدها دمرني
تبقى امي وشمعه بيتنا لو كلشي سوت ... كل الي رادته لمصلحتنه ماكو أم تكره ولدها
فاطمه ♤♤ اجيت يم أحمد شفته صافن وحاير بأمره ... نمت يمه وخليت راسي ع صدري ... مااعرف شلون اخفف عنه بقيت ساكته وهو هم ساكت
حسيت بي نام ... كمت غطيته ونمت وياه ... هالكم يوم الي مرت دمرتنه وماشفنا راحه ابد
علي♤♤ صار كم يوم مااروح للشغل ... السوك واكف وكل بيع ماكو ... يعني روحتي ع الخالي بلاش
فلوس مابقى عندي هواي ... حتى بعلاج امي ماكدرت اساعدهم ... اعتذرت من اهلي واحمد اتكفل بكلشي
رند♤♤ هالايام علي صاير أعصاب ... وعبارة عن بركان كل شويه ينفجر علينه ... لو يكتل الجهال لو يطلع اي حجه ويتعارك وياي
كمت اتجنب المشاكل وياه ... ومن يجي للغرفه لو انيم الجهال لو اطلعهم بره الغرفه
ادري شغل ماكو وفلوس مابقى عنده ... مااكدر اساعده بشي حتى ذهبي بعته ومابقى عندي ذهب يفيدن بهيج يوم
أنت تقرأ
وئد النفس
ChickLitقصه فتاة يأخذها عمها ليربيها ... لتعيش بعز ودلال لامثيل له ... وتبدأ باستغلال دلالها بأمور خارجه عن الحد
