وئد النفس

part 5

#وئد_النفس
البارت 5
#Rehab

بينما يعمُ الهدوءْ...
ويَسكِنُ كلُّ شيءْ...
يبدأُ الصراعْ...
صِراعُها مع ذاتِها المكنونْ...
ظلامٌ...
وعصفٌ..
ونوبةُ صمتْ...
صمتٌ تتخللهُ غُصةً..
إختناقٌ..
يكادُ يُطبقُ على رئتَيها...
تَجدُ نفسَها حائرةً ومرتابة!
لكن لماذا ؟؟!!..
سؤالٌ يُراودها في كِلِّ ليلةٍ..
لماذا أنا شابةٌ وفتيةٌ معهم !
وتارةً أُصبِحُ طفلةً أيضا !
أتفننُ في ابتسامتي معهم
ابتسامةٌ  تملأُ ثَغريَّ ويعلو صوْتُها !
أُجيدُ معهم دورَ الطفولةِ والشباب !
لكنيّ أُتقِنُّ المشيبَ مع نفسي
لماذا؟؟..
وكأني عجوزٌ كهِلة !!
والنحيبُ يملأُ جوفي!
مأتمٌ يقامُ في أيسرِ صدري!
وكأنيّ أمٌ ثُكلى!!..
تَزِّفُ بِكرَها شهيداً إلى مسْكَنه الأخير...

سما♤♤ ضليت ابجي والطم ع راسي ... اذا عرف ابوي يذبحني ... دخيلك ربي ساعدني

اني شسويت بروحي ليش وصلت نفسي لهاي المرحله ... ضيعت روحي وعمري ... وهسه لو انشرن صوري انذبح

وين اروح ومنو يساعدني بهاي الورطه ... الله لا يوفقك عمر انت وأمنه ... ضيعتوني ودمرتوني الله يدمركم وينتقم منكم

بقيت بغرفتي بس ابجي ... سديت الفيس والموبايل غلقته ... ماطلعت بره الغرفه اخاف يحسون بيه

خفت احجي وانفضح بالزايد ... بقيت أسابيع تحت تهديد عمر

مااكدر اخلص منه ولا اكدر اساعد نفسي ... مااعرف شسوي وشلون اخلص من هاي المصيبه

سما♤♤ بهاي الفترة كطعت علاقتي ويه الكل ... جنت اخلص وكتي بس ابجي وحايره بهمي

اتغيرت وضعفت اكلي صار قليل ... نفسي وملابسي مااهتم بيها مثل قبل ... سواد صار جوه عيوني من قلت النوم والتفكير الزايد

جنت كاعده بغرفتي وقافله الباب عليه ... دك موبايلي عمر ... خفت وكلبي كام يأذيني ... الأفكار تروح وتجي ابالي

بس لا نفذ وعده ونشر صوري ... اترددت اجاوبه اباوع للرقم والخوف مسيطر عليه

فصل الخط ارتاحيت والدم رجع بجسمي ... دقايق ورجع خابر مرة ثانيه ... اظطريت اجاوبه فتحت الخط

عمر♤♤ هلا حبي شبيج ماتجاوبيني

سما♤♤ بقيت ساكته مانطقت بحرف بس صوت نفسي ينسمع

عمر♤♤ حياتي سماوي يلا حبي جاوبي مشتاق لصوتج كلش

سما♤♤ شتريد ماتكلي مو كافي الرعب الي مسوي إليه

عمر♤♤ ليش هيج تحجين حياتي

سما♤♤ شتريد عمر الله يخليك عوفني كافي تعبت صار اسبوعين وانت بس تهدد ... خاف الله عندك اخوات

عمر♤♤ هسه اني شمسوي ماتكليلي ... عوفينه من هالحجي مشتاقلج هوااي واريد اشوفج

سما♤♤ صوري ويمك بعد شتريد