قصة ريد

الجزء 08

الصباح نضفتا البيت وعملت الشاي .. واتجهزتا وطلعتا ... ابوي اتصل لي وين انتي قلت ليهو طلعتا قال لي يابت الليله انتي ماشغاله قلت ليهو ايوه عارفه بس عندي موضوع وما بتأخر قال لي وقروش ما شلتي مني معاك ولا شنو ..

قلت ليهو دخلتا وشلتا من جلابيتك الفي الدولاب😂😂😂😂 قال لي ما بتقصري هو معقول انتي ما تشيلي 😂😂😂 قلت ليهو اطلع بدون قروش يعني ..قال لي خلاص ما تتاخري ..

وقفل

وصلت المستشفي واتصلت لاكرم وجاني بره دخلني وسلم علي ... احم احم سمح سماحه هو لكن 😂😂😂😂😂😂😂😂💓💓💓💓

لما قربنا ع غرفه امو قال لي امي لو قالت ليك اي شي مشيها طيب ؟؟ قلت ليهو تمام ودخلتا ..

امو .. صفراء وصحتا كويسه وباينه عليها الطيبه وسلمت علي سلام حلو وجنبها بت .. سممممحه وسلمت علي برضو اكرم بدا يعرفني .. اسراء طالبتي .. ودي امي حجه زينب ودي اختي الاء ممتحنه شهاده سودانيه

المهم اتونستا معاهم حبه كدا واستأذنتا اكرم قال لي طيب اوصلك واجي قلت ليهو لالا مافي داعي ما توصلني انا بمش انت خليك مع خالتو يمكن يحتاجو شي ولا كدا ... قال لي بوصلك سريع وبجي .. واستأذنتا .. المهم في الطريق طرح لي🙈🙈🙈🙈🙈 انو عاوزني وكدا ولازم اديهو رد قبل يسافر ...قال لي فكري ووريني رايك .. قلت ليهو طيب 😍💓💓💓

وانا اصلا بييني وبين نفسي ماعايزه افكر عايزاهو 😂😂😂😂😂😂😂

المهم وصلنا لحد شارع البيت قلت ليهو نزلني هنا قال لي بيتكم وينو قلت ليهو الشارع التاني قال لي ما بنزلك هنا بنزلك جمب بابكم .. قلت ليهو لالا ابوي لو شافك مشكله ..قال لي يا سرو انا عايزو يشوفني بي نهره كدا 😂😂💓💓

انا طوالي سكتا ... المهم جمب بابنا نزلني وامي كانت جايه ما بيت جيرانا شافتني ..قلت ليهو اكرم الللييييله دي امي .. طوالي نزل من العربيه وانا نزلتا .😭😭😭😭

امي جات قريب سلم عليها وعرفا بي نفسو طوالي .. امي عجبا 😂😂😂😂😂

قالت ليهو اتفضل قال ليها لا انا مدي اسراء وقت تفكر وان شاء الله ازوركم انا وامي وعمي لانو ابوي متوفي .. امي قالت ليهو ربنا يرحمو والله يعمل الفيهو الخير... واستاذن وركب عربيتو وانا وامي واقفين 😂😂 امي بعد مشا قالت بي طلعتي ما هينه يا بت الكلب بس ابوي فتح الباب قاب ليها الكلب زاتو جاكم 🐸

انا هبطا وامي بقت تعاين وبس لابوي ودخلنا جوه وبدا يحقق معانا 😂😂😂😂😂😂

انا ولا لفيت ولا دورتا قلت ليهو دا دكتوري ومتواصل معاي في الفيس وهسا قال عاوز يتقدم لي وعايزني افكر وارد ليهو عشان يجيب اهلو ويجي .. ابوي عاين لي قووووووووي لمن عيوني بقو يرمشو براهم 🐸

قال لي من يوم كبيتي لي الملح في الشاي انا شكيت ..

كبيت الملح في الشاي وقايله الملح سكر😂😂😂😂😂😂👏👏👏

يلا ابوي بدا يسالني هو منو وشغال شنو وحنك الاهل دا ...

المهم وريتو قال لي طيب فكري ولو وافقتي خلي يقابلني قلت ليهو انت موافق يا ابوي؟؟؟ قال لي طالما انتي عاوزه انا مابقيف في طريقك. ..

انبسطا شديييييييد😍😍😍😍😍

بس بيني وبين نفسي كان في شي لازم اتأكد منو ...

يتبع.....