وانا داخله ع المحل لمحت اشعار في المسنجر من دكتوري طنشت ومارديت .. ودخلت المحل ... لقيت بت خالتي معاها نفس الولد الشفناه وهي ارتبكت منو يلا بت خالتي دي اخت العروس العرسها طرشق ... المهم استغربتا ودخلتا سلمتا عليها وسفهتو لاني خالص مرتحت ليهو .. قلت ليها خير فشنو جايباني .. قالت لي اقعدي يلا هو قال لي شنو يا حلوه اقعدي نتعرف .. سفهتو .. قالت لي اقعدي يا سرو
. شلت نفس وختيتو وقعدتا .. وبقيت بطبز في تليفوني دكتوري مرسل لي ازيك .. رديت ليهو وبقيت اسألو سافرتا ولا لسا؟؟ قال لي لسا اتأخرتا لانو الحجه مريضه وهسا طالع بيها من المستشفي ياداب قلت ليهو مالا قال لي سكري وضغط والاتنين متعبنها قلت ليهو سلامتا .. المهم الولد وبت خالتي بقو يقولو لي اقفلي التلفون دا وعايزين نتونس وكدا المهم قفلت النت .. قلت ليهم خير ؟!! بت خالتي قالت لي انا هسا بجي ثواني عن اذنكم .. ومشت خلتني معاهو ... يلا هو بقا يتراشق ويقول لي عجبتيني وحنك وسخان كدا ... وانا بس بعاين ليهو وحاسه انو في شي ما طبيعي ..
قلت ليهو والمطلوب؟؟؟ قال لي نكون اصحاب ولو في نصيب نكون لبعض .. قلت ليهو طموحك عالي .. واستهترتا بيهو وانا قاااصده المهم قلت اوووف البت دي مشت وين قال لي بتكون باعتنا ومشت قلت ليهو كيف.. قال لي عشان ناخد راحتنا طوالي قمت وعايزه امش مسكني من يدي جريت يدي منو .. لحقني وقال لي اركبي بوصلك والله ماحسألك قلت ليهو ما بعرفك ولا بضمنك وبقا يتجادل معاي عايزني اركب بالغصب المهم شفت الناس مارين وكدا قلت دي فرصتي اكورك والناس يتلمو وفعلا بقيت اقول ليهو فكني ماعايزه اركب انا مابعرفك بس الرجال جو وبقو يشاكلوه ويقولو ليهو مليتو البلد يا كلاب وجاطو فيهو وانا طوالي اقرب ركشه وركبت فيها ومشيت لمن وصلت البيت فتحت النت لقيتا مرسله لي انا اسفه ما قصدي ارميك بس هو هددني ينشر صوري وقال لو جبتك ليهو ما حينشر صوري وانا عملت كدا مجبوره .. انا قريت الكلام دا وبقت مافاهمه اي شي .. يلا مارديت ليها... دكتوري دخل لي قلت ليهو اسفه انا مافاهمه شي وما ترسل لي في الوقت دا انا مضايقه جدا طوالي كتب لي رقمو وقال لي اعملي لي جرس هنا سريع ... سفهت المسج وانا ماقاصده اسفهو بقيت افكر فبت خالتي وصور شنو والبت مالا ... وهو يرسل منتظرك اعملي جرس يا اسراء بسرعه رسل يجي 10 رسايل حتي عملت ليهو جرس ورجع لي بقا يسالني مالك فشنو احكي لي المهم قلت ليهو الموضوع حساس قال لي دا ما تدخل مني بس جد عايز اساعدك المهم حكيت ليهو قال لي وصفي لي الولد وصفتو قال لي بسيطه بس تعملي البقولو ليك دا بالحرف قلت ليهو حاضر ...
يتبع.....
