المهم بعد مسافه كدا قلت يمكن ما لاحظ للطلب فاااا شنو سفهت الموضوع ودخلتا الواتس بقيت بدردش مع صحباتي حوالي الساعه 12 كدا جاني اشعار فيس
سريع سريع دخلتا لقيتو اشعار انو وافق ع طلب الصداقه
انا عقلي النصيح ودر عاينتا وانا عيااااان وممنوع من السكر 😂😂😂😂😂😂 قلت يا بت اتقلي وما ترسلي ليهو اي شي
المهم فتشت بروفايلو ما خليت شي ما شفتو يلا لفت نظري منشور كاتب فيهو
"" انك تحب ما صعب الصعب انو قلبك يحب زول ما ليك ""
المنشور ليهو سنه .. وتعليقات كتيره واغلبا اولاد وبيقولو ليه ربنا يخلف ليك بالاحسن .. من هنا عرفت انو مرا بي ازمه عاطيفيه😢😢😢😢😢
فابقيت بس زي القاعده في منقد 😂😂😂😂 وبفكر ادخل ليهو كيف وبي ياتو طريقه 🐸✋
شويه كدا ونمتا🐸🐸
الصباح الروتين اليومي يلا ما فتحت جوالي خالص المهم اول ما فتحتو
ناداني ابوي قال اجي اعمل الجبنه عشان هو طالع
بعمل في الجبنه وجوالي معاي جاني مسج مسنجر منو 😢😢😢😢😢 انا اتربكتا ربكه مبالغه بقيت بعاين واحساس ابوي. منتظر الجبنه
المسج فيهو منوره
استغربتاشديد قلت يمكن فتح بروفايلي وشاف الصوره حقتي وعرفني انو انا الطالبه المعاهو
بقيت بفكر المهم رديت بنورك ي دكتور ..
قال ليي يعني توقعاتي في محلها 😊😊😊
مارديت معرفت ارد اصلا 😂😂😂😂
ابوي ناداني وديت ليه الجبنه وكبيت الانا فاكراه سكر وطلع ملح بدل السكر عملت ملح ما كنت مركزه وما انتبهتا اساسآ
ابوي شرب وطوالي دفقا يابت دا شنو كابه لي ملح
عقلك وين وانا ماسكه الجوال وما ركزتا مع ابوي كتير اصلا
بس عاينت كدا وقلت ليه مالك
قال لي اريتو يكون بي فايده قلت ليهو والله لو اجتهدتا فيهو فايده 😂😂😂😂😂😂 قال لي بنشوف وطلع خلاني
الممهم رديت للدكتور. وقلت ليه متوقع شنو يعني قال لي اتوقعتا انو دي انتي من الصوره
وبعدين ماحلوه تنزلي صورتك في البروفايل
قلت ليهو ما عندي مشكله انا بنزلا عادي يلا قام سفهني 😭😢😢😢😢😢😢😢😢
يلا وشينه اني ارسل ليهو تاني بقيت سافه الموضوع
المهم نضفتا البيت واخدتا دوش و قعدتا اتونس مع امي
الموضوع طبعا غايظني وما عندي زول افتحو معاهو قلت اجرجر امي بديت كالآتي
وانا سارحه في جوالي ورافعه رجولي في الكرسي
يا امي لو زول قال لي ما حلوه تختي صورك في الفيس في صفحتك معناها شنو
امي قالت لي دا زول عاقل و واعي
قلت ليها ليه فيها شنو قالت لي ضماير الناس ما معروفه يمكن زول يلعب بالصور دي ويأذيك
قلت ليها ايوااااا فهم
المهم عاينت لي مسااااافه وقالت لي دا منو. هو 😒😒😒😒 لالا ولا زول ساي بستفسر قالت لي انا حافظاك حفففففظ يابت
قلت ليها ظابط ياحجه وشان اطلع منها فتحتا ليها موضوع بت خالتي 😂😂😂😂😂😂 يلا امي طوالي فصلت وبقت تقول لي مسكينه عرسا اتحدد وطرشق 😢😢😢 وهي الحجه يحليلا ما فاهمه انو بت خالتي ماعايزه 🐸👏
المهم فطرنا وجاني اتصال من بت خالتي قالت الاقيها في السوق عاوزه تغير جوالها وعايزاني امش معاها
المهم اتلبستا وطلعتا
يلا دخلنا محل جوالات وكانت الطامه الكبري ....😡😡😡😡😡
يتبع....
